Heramana 7–12

Ko Heremana 7–11 tētahi wāhi pai hei ako e pā ana ki ngā mahi a ngā poropiti. I a koe e pānui ana i ngā upoko, me aro atu ki ngā mahi, whakaaro, me ngā whakawhitinga a Nīwhai ki te Ariki. Me pēhea te minitatanga a Nīwhai e āwhina ai i a koe ki te mārama ki te mahi a ngā poropiti? Anei ētahi tauira. He aha atu ngā mea e kitea nei e koe?

• Heramana 7:17–22: Ka karanga rīpenetā atu ngā poropiti, ā, ka whakatūpato ki ngā utu o te hara.

• Heramana 7:29; 9:21–36

  Create a Note

• Heramana 8:13–23:

  Create a Note

• Heramana 10:7:

  Create a Note

• Heramana 10:4–7, 11–12:

  Create a Note

Nā runga i tāu i pānui ai, ka pēhea tāu whakamārama mō te poropiti me tana mahi? Me tuhituhi tētahi whakamārama poto. Kātahi ka kite he aha tāu e tāpiri atu whai muri iho i te pānui i te tīmatanga mō te “Prophet” i te Pukapuka Tātaki ki ngā Karaipiture (Wharepukapuka Rongopai) ā, te “Follow the Living Prophet” rānei (Teachings of Presidents of the Church: Ezra Taft Benson [2014], 147–55).

I kite koe i tō Nīwhai māia i Heramana 7:11–29? He aha ki ō whakaaro e tika ana kia kōrero māia atu ngā poropiti pērā i a Nīwhai? Me kimi atu i ngā whakautu i te wāhanga e kīa ana ko “Don’t Be Surprised” i tā Erata Neil L. Andersen karere “The Prophet of God” (Liahona, Mei 2018, 26).

Whakaarohia ake ngā manaakitanga a te Ariki ki a koe i roto i te minitatanga o Āna poropiti. He aha Tāna i whakaako ai ki a koe mā roto i tō tātou poropiti e ora ana? He aha tāu hei whakarongo atu, ā, hei whai atu i ngā tohutohu o te Ariki?

Tirohia anōtia ngā Kaupapa Rongopai, “Prophets,” Wharepukapuka Rongopai.

Mehemea kua mātua ngā tohu me ngā merekara hei whakatahuri atu i te ngākau o tētahi, kua whakatahuritia katoatia ngā Nīwhai e ngā tohu mīharo i tukuna e Nīwhai i Heramana 9. Engari kīhai i pērāhia. Kia aro atu ki ngā momo āhua i puia ake ai i roto i ngā tāngata whai muri iho i te merekara i Heramana 9–10. Hei tauira, ka whakataurite atu i ngā āhua o ngā tāngata tokorima rātou ko te kaiwhakawā matua i Heramana 9:1–20 (tirohia anōtia Heramana 9:39–41; 10:12–15). He aha ngā akoranga e ako ai koe i ēnei āhuatanga e pā ana ki te hanga i tō whakapono ki runga i a Ihu Karaiti?

(Tirohia anōtia 3 Nīwhai 1:22; 2:1–2.

I a koe e rangahau ana i Heramana 10:1–12, kia huri ō whakaaro ki ngā mahi a Nīwhai e rapu ai i tō te Ariki whakawhirinaki. He aha tāna hei whakaatu atu, nā, i whai atu ia i tā te Ariki e pai ai, kīhai i tāna ake? He aha ngā mea e whakahihiko ake ana i tō ngākau hei mahi nā ēnei āhuatanga?

Ina rongo koe i te taumaha, te āmaimai, te rangirua rānei, ka nui ō wheako i tā Nīwhai tauira i Heramana 10:2–4. He aha tāna i ngā wā i rongo ia i te “pēhitanga”? (whiti 3).

I whakamāramahia e Tumuaki Henry B. Eyring, “Ina whakaaroaro tātou, ka pōhiritia mai te whakakitenga e te Wairua” (“Serve with the Spirit,” Liahona, Noema 2010, 60). Me pēhea koe e huri putuputu ki te whakaaroaro?

Me pēhea koe e maumahara ai ki kōrero whakahirahira—pērā i tō tētahi mema o te whānau rā whānau, he kōrero rānei mō tētahi whakamātautau? He aha te ōritetanga o tēnei ki te mahi e tika ana ki te “maumahara ki te Ariki”? (Heramana 12:5). He aha ngā rerekētanga?

E whakamāramahia ana e Heramana 12 ētahi mea e meinga ai ngā tāngata ki te wareware i te Ariki. Me whakarārangi e koe aua mea kātahi ka whakaaroarohia mehemea kei te whakakōtiti atu ērā mea i a koe kia tawhiti atu i a Ia. He aha ngā mea e āwhina nei i a koe ki te maumahara ki a Ihu Karaiti? He aha ngā mea e hikohiko ana i tō ngākau nā ngā mea i ako koe?

Tirohia anōtia Whakaakoranga me ngā Kawenata 20:77, 79; “Reverently and Meekly Now,” Hymns, nama 185.

• Hei tīmatanga kōrero mō te maumaharatanga ki te Ariki, māu e kōrero ki ō tamariki e pā ana ki te wā i wareware i a koe tētahi mea. Tukua ngā rātou kia kōrerohia mai ā rātou ake mea i kite ai. Pānuitia ngātahitia a Heramana 7:20–21, kātahi ka uia atu ō tamariki he aha te tikanga o te wareware ki te Atua. Me tā pikitia ō tamariki mō ngā mea e whakakōtiti nei i a tātou kia wareware ai ki te Ariki, ā, meatia ā rātou pikitia hei uhi i te pikitia o Ihu. Kātahi ka taea te rapu whakaaro mō ngā mea e mea ai rātou hei mahara ki a Ia. I a rātou e tohatoha ana i ō rātou whakaaro, ka taea te tango atu i ngā pikitia tētahi me tētahi kia kitea katoatia te Kaiwhakaora.

• Māu ō tamariki e āwhina ki te kimi i Heramana 8:13–23 kia kitea ai ngā ingoa o ngā poropiti i whakaakona ai mō Ihu Karaiti. Tērā pea ka tukutuku rātou i tētahi pikitia o Ihu ia te wā e kitea tētahi. He aha ngā akoranga i whakaakona ai e tō tātou poropiti ora mō te Kaiwhakaora?

• Waiatahia ngātahitia tētahi waiata mō ngā poropiti, pērā i “Follow the Prophet” (Children’s Songbook, 110–11). Tērā pea ka tīpako ō tamariki i tētahi rerenga matua mai i te waiata kātahi ka tuhia tētahi kupu mai i taua rerenga ki runga i ia tapuwae pepa. Kātahi ka taea te whakatakoto iho i ngā tapuwae pepa ki runga i te papa e ārahi ana ki tētahi pikitia mō te Kaiwhakaora, ā, kātahi ka taea e ō tamariki te whai atu tae noa atu ki te pikitia. Me pēhea te whaiwhai atu i te poropiti i ārahina ai tātou ki a Ihu Karaiti?

• Hei āwhina i ō tamariki kia mārama ki te tikanga o te whakaaroaro, me pānui tahi i “Ponder” i te Pukapuka Tātaki ki ngā Karaipiture (Wharepukapuka Rongopai). He aha ētahi atu kupu e āhua rite ana ki whakaaroaro? Me pānui pea i a Heramana 10:1–3 kātahi ka whakaurua te kupu whakaaroaro mō ērā atu kupu. Kōrero tahi me āu tamariki mō ngā huarahi e meatia ai te whakaaroarotanga hei wāhanga i ā rātou rangahau karaipiture.

• I whakarongo a Nīwhai ki te Matua i te Rangi ahakoa he mahi uaua te mahi. Hei tauira o tēnei, me pānui tahi koutou ko ō tamariki i Heramana 10:2, 11–12. Me whakaari pea ō tamariki i tā Nīwhai mahi—hīkoi ki tētahi taha o te rūma (anō nei kei te hoki rātou ki te kāinga), e tū, e huri, ā, hīkoi ki tērā atu taha o te rūma (anō nei kei te hoki atu ki te whakaako i ngā tāngata). He aha tā te Matua i te Rangi hiahia hei mahi mā tātou?