Arami 13–16

E huraina ana e ngā kupu a Arami i Arami 13 ngā mea pono kaha mō te pirīhitanga o te Atua me tana take—hei whakatakatū i a tātou ki te tomo atu ki roto ki “te okiokinga o te Ariki,” te oranga tonutanga rānei (Arami 13:16). Me tuhituhi iho te mea pono kotahi mō ia whiti i Arami13:1–19. Anei ētahi whakaaro hei tīmatanga māu:

Whiti 1.E kīa ana anō hoki te pirīhitanga ko “te ritenga o [tā te Atua] Tama” (tirohia anōtia Whakaakoranga me ngā Kawenata 107:1–4).

Whiti 2.Ka whakamanaia e te Atua he pirihi hei āwhina i te tangata ki te titiro atu ki Tana Tama hei hokonga mō rātou.

He aha atu ngā mea e kitea nei e koe? He aha ō whakaaro e pā ana ki te pirīhitanga i a koe e whakaaroarohia ana ēnei mea pono?

Kua whakaarohia ake e koe ngā tikanga tapu o te pirīhitanga anō nei he takoha nā te Atua hei āwhina i a koe ki te “titiro whakamua atu ki tana Tama hei hokonga mōu”?(whiti 2; tirohia anōtia whiti 16). Māu pea tētahi rārangi tikanga tapu e mahi mō ngā mea kua whiwhi nei koe, pērā i te rumaki, te whakaūnga, te hākarameta, te whakaritenga mō tētahi karangatanga, he manaakitanga whakaāio, mahu rānei, he manaakitanga peteriaka, ā, he tikanga tapu temepara. Whakaaroarohia ake ō meatanga i ēnei momo tikanga tapu. Me huri ō whakaaaro ki ngā tohu kei roto me te Wairua i rongo ai koe. Me pēhea ēnei tikanga tapu e tuhi atu i a koe ki a Ihu Karaiti hei hokonga mōu?

E pōhēhē ana ētahi ehara i te mea me whai mana pirīhitanga e meatia ai ngā tikanga tapu. He aha tāu ki tēnei whakaaro? Anei ngā kōrero e rua nō te huinga whānui o te Hāhi e whakamāramahia ake ō whakaaro; kōwhiria tētahi, ā, tuhia iho ngā whakautu i puta mai ai ki tō hinengaro: Russell M. Nelson, “Spiritual Treasures,” Liahona, Noema 2019, 76–79; Dale G. Renlund, “The Priesthood and the Savior’s Atoning Power,” Liahona, Noema 2017, 64–67.

Tirohia anōtia Whakaakoranga me ngā Kawenata 84:19–22; Ngā Kaupapa Rongopai, “Covenant,” Wharepukapuka Rongopai.

E kaha tōaitia ana te tono (Arami 13:16) kia “tomo atu ki roto ki te okiokinga o te Ariki” i Arami 13. Tērā pea me titiro atu koe ki ia whiti e kitea ai te kupu “okiokinga” kātahi ka whakaarohia he aha ngā whakaakoranga mō te tikanga o “te okiokinga o te Ariki”. He aha te rerekē i te okiokinga o te tīnana? Me pēhea e kimihia ai?

Tirohia anōtia a Russell M. Nelson, “Overcome the World and Find Rest,” Liahona, Noema 2022, 95–98; “Come unto Jesus,” Hymns, nam. 117.

Ka whakaaro pea koe, pērā i ngā mea tokomaha, he aha e pā ai ngā āhuatanga kino ki te hunga e ngana ana ki te ū ki te tika. E kore pea koe e kite i ngā whakautu katoa ki tēnei pātai uaua i Arami 14, engari he nui ngā mea hei ako i te āhua o tā Arami rāua ko Amureke whakautu ki ngā aituā. He aha ngā mea e ako ai koe i ā rāua kupu me ā rāua mahi e pā ana ki tā te Atua tuku kia tukinotia te hunga tika i ētahi wā? He aha ngā kupu tohutohu a Arami rāua ko Amureke e kī mai ai ki a tātou ina pā mai ngā wero taumaha?

Tirohia anōtia Romana 8:35–39; 1 Pita 4:12–14; Whakaakoranga me ngā Kawenata 122:5–9; Dale G. Renlund, “Infuriating Unfairness,” Liahona, Mei 2021, 41–45.

Ka pai pea mēnā ka whakarārangitia ngā mea i whakarērea nei e Amureke hei whakamau i te rongopai (tirohia Arami 10:4–5; 15:16) kātahi ka whakataurite atu ki tētahi rārangi mō ngā mea i whiwhi ai ia (tirohia Arami 15:18; 16:13–15; 34:8). He aha ngā mea e hiahia ana koe hei whakahere kia meinga ai hei apataki pono ake nā Ihu Karaiti?

• Ko tētahi mea hei āwhina i ō tamariki kia kitea ai tā te mana o te pirīhitanga ārahi i a tātou ki te Karaiti, arā, ko te whakakite atu i ngā pikitia ki a rātou mō ngā āhua e whakamahia ai te mana o te pirīhitanga (tirohia Gospel Art Book, nama 103–110). Māu ō tamariki e āwhina kia whakaarohia ai ngā momo huarahi i whakamahia e Ihu Tana mana (tirohia, hei tauira, Matiu 26:26–28; Maka 5:22–24, 35–43; Gospel Art Book, nama 38–41). Kātahi ka pānui ngātahitia, ā, ka kōrerohia ngātahitia a Arami 13:2 mō ngā āhua e āwhina ai te tohungatanga i a tātou kia “titiro whakamua ki [tā te Atua] Tama” ā, kia rite ake ki a Ia.

  
  

• He aha te Atua i homai ai ngā tikanga tapu o te pirīhitanga ki a tātou? Āwhinatia āu tamariki ki te kimi i ngā whakautu i 1 Nīwhai 13:16. Ki te hia āwhina rātou e mōhio ai he aha tēnei mea te tikanga, kei konā ētahi rārangi whakamārama i te General Handbook, 18.1 me 18.2. Tērā pea me kōrero tahi koutou ko ō tamariki mō ngā mea i pā ai ki a koe i tō whiwhinga ki ēnei tikanga tapu. Me pēhea ēnei mea e āwhina ai i a tātou kia “titiro whakamua atu ki a [Ihu Karaiti] hei murunga i [ō tātou] hara”? He waiata pēnā i ”When I Am Baptized” (Children’s Songbook, 103) tētahi waiata hei āwhina i ō tamariki kia whakaarohia ake ngā momo take e whakawhetai ai tātou mō ngā tikanga tapu o te pirīhitanga.

• Whai muri iho i tā koutou pānuitanga i ēnei whiti, kia huri atu ō whakaaro ki ngā momo huarahi e āwhina ai i ō tamariki kia whakaahuahia ake i ō rātou hinengaro ngā mea e akona ai. Tērā pea ka taea te horoi tahi i tētahi mea. Ka pēhea tātou i ngā wā e paruparu ana tātou? Ka pēhea tātou i ngā wā e mā anō ai? He aha ngā ōritetanga ki ngā wā e hara ai tātou kātahi ka rīpenetā, ā, ka mā anō mā roto i te Whakamārietanga o te Kaiwhakaora?

• Mā te whārangi mahi mō tēnei wiki e āwhina i a koe—i ō tamariki rānei—kia kōrerohia ngā kōrero i Arami 14:18–29 (tirohia anōtia ”Chapter 22: Alma’s Mission to Ammonihah,” Book of Mormon Stories, 58–63). Me whakakaha i te kōrero mō tā Arami rāua ko Amureke whiwhi kaha nā tō rāua “whakapono i roto nei i te Karaiti” (Arami 14:26). Māu anō e kōrero mō tētahi wā i whakakahangia koe e te Atua “e rite ana ki [tō] whakapono.” Me pēhea tātou ū pērā i a Arami rāua ko Amureke?

  

  5:47

• He mea mīharo te panonitanga o tō Tēroma ngākau mā roto i a Ihu Karaiti. Me arotake koutou ko ō tamariki i ngā mea i ako ai i tērā wiki mō Tēroma. Kātahi ka taea e koutou te pānui tahi i a Arami 15:3–12 e kitea ai te huarahi i panoni ai ia. He aha tā tātou e ako ai mō te mana o te Ariki i tā Tēroma panonitanga? (tirohia ”Zeezrom Is Healed and Baptized” [whitiāhua], Wharepukapuka Rongopai).

  

  2:43