2 Nīwhai 11–19

I kī ake a Nīwhai “ehara i te mārama rawa ngā kupu a Ihāia” (2 Nīwhai 25:4). Engari ināna i tuku whakaaro hei āwhina i a tātou ki te rapu māramatanga i ngā tuhituhinga a Ihāia:

• “Whakatauritetia āna kupu ki” a koe anō (2 Nīwhai 11:2). He maha ngā tikanga me ngā whakapānga ō ngā whakaakoranga maha o Ihāia. Hei tauira, ina pānui koe mō ngā wāhi noho i 2 Nīwhai 14:5–6, me āta whakaaro koe me pēhea ēnei whiti e hāngai atu ana ki tō kāinga. Me pātai ki a koe anō, “He aha te hiahia a te Matua i te Rangi hei ako māku?”

• Kimihia ngā tohu o Ihu Karaiti (tirohia 2 Nīwhai 11:4). Ka whakaakona ngā akoranga maha a Ihāia mō te Kaiwhakaora mā roto i ngā tohu. Hei tauira, he aha te tohu mō te Kaiwhakaora i 2 Nīwhai 19:2? He ngā mea e ako ai koe i tēnei tohu Mōna?

• Me whai kia “whakakīa ki te wairua poropititanga” (2 Nīwhai 25:4). I a koe e rangahau ana, me inoi mō te ārahitanga ā–wairua. Kāore pea koe e mārama ki ngā mea katoa i te tuatahi, engari mā te Wairua koe e āwhina ki te ako i ngā mea me ako koe.

Tērā pea ka whaihua anō tāu huri atu ki ngā āwhina rangahau i roto i ngā karaipiture, tae atu ana ki ngā kīwae, kōwae upoko, me te Pukapuka Tātaki ki ngā Karaipiture. Kei roto i ngā pukapuka aratohu o te Pukapuka a Moromona me te Kawenata Tawhito ētahi atu kōrero hei āwhina i a koe ki te ako i te horopaki ā–hītori o ngā akoranga a Ihāia.

He māmā kia kaua e tino aro atu ki te whakaaturanga kaha o Ihāia mō Ihu Karaiti nā te āhuatanga o te reo nāna nei i tuhi. Kimihia te Kaiwhakaora i 2 Nīwhai 13:13; 14:4–6; 15:1–7; 16:1–7; 17:14; 18:14–15; 22:2. He ngā mea e ako ai koe i ēnei whiti Mōna?

I 2 Nīwhai 19:6 kua whakarārangi mai nei i roto i te poropititanga ngā momo taitara o Ihu Karaiti. Me pēhea Ia i whakatutuki nei i ēnei mahi i tō oranga?

Tirohia anōtia a Ulisses Soares, “Jesus Christ: The Caregiver of Our Soul,” Liahona, Mei 2021, 82–84.

I matakite a Nīwhai i te hinganga o tana iwi, he mea nā te whakapehapeha (tirohia 1 Nīwhai 12:19). Nō reira ehara i te mea he ohorere kua tuhia mai nei e Nīwhai ngā whakatūpatoranga i tōaitia e Ihāia ki tōna iwi e pā ana ki te whakapehapeha. I ngā upoko 12 me 13, kimihia ngā kupu i whakamahia nei e Ihāia hei whakaatu i te whakapehapeha, pērā i te whakahihi me te whakakake. I 2 Nīwhai 15:1–24, kimihia ngā kupu tohu e whakamāramahia mai ana ngā hua o te whakapehapeha. Kātahi ka whakarāpopotohia tāu i pānui ai ki āu ake kupu. Me āta whakaaro koe me pēhea koe e noho whakaiti ai.

Tirohia anōtia ”Chapter 18: Beware of Pride,” Teachings of Presidents of the Church: Ezra Taft Benson (2014), 229–40.

I karangatia te temepara e Ihāia “te maunga o te whare o te Ariki” (2 Nīwhai 12:2). He aha te maunga i te tohu pai mō te temepara?

Me pēhea koe e whakamārama atu i te hiranga nui o ngā temepara? Ka kite koe i ngā tūmomo whakautu i 2 Nīwhai 12:2–3me tā Tumuaki Russell M. Nelson karere ”The Temple and Your Spiritual Foundation” (Liahona, Noema 2021, 93–96). Nā runga i tāu i pānui ai, he aha tā te Ariki hiahia hei ako māu i Tōna whare tapu? He aha ngā mea kua pā ki a koe i reira?

Ka kite koe i ngā pātai whakaaetanga temepara i ngā whārangi 36–37 o For the Strength of Youth: A Guide for Making Choices. Me pānui koe ngā mea katoa kātahi ka pātai ki a koe anō, he aha ngā mea e ako ai au mō ngā huarahi o te Ariki i tēnei pātai? Mā hea tēnā e āwhina mai i ahau ki te “hīkoi i ana huarahi”?

Tirohia anōtia ngā Kaupapa Rongopai, “Temples,” Gospel Library; “High on the Mountain Top,” Hymns, no 5.

Ahakoa te whakarihariha i kitea ai e Ihāia, i kite anō ia i tētahi manako mō te anamata. Me āta tirotiro ki ngā whitinga e whai ake nei. Tuhia kia kotahi, neke atu rānei o ngā mea pono e whakaakona ana mō ēnei rā: 2 Nephi 12:1–5; 14:2–6; 15:20–26; 19:2–8. He aha te tikanga ki a koe he mea nui kia mārama ki ngā whiti kōrero?

• I karangatia te temepara e Ihāia “te maunga o te whare o te Ariki” Tērā pea ka rata āu tamariki ki te whakataruna anō nei kei te kake maunga i a koe e pānui ana 2 Nīwhai 12:2–3. Āwhinatia rātou kia kimihia ētahi rerenga kōrero i roto i ēnei whiti e whakamārama ana i te tikanga o ngā temepara.

• Hei whakamārama ake i te rerenga “ka hīkoi mātou i ana huarahi” mai i 2 Nīwhai 12:3, māu tētahi ara e hanga i runga i te papa, e ārahi atu ana ki tētahi pikitia o te temepara. I ō tamariki e hīkoi ana i runga i te ara, ka whakahua ake rātou i ngā mea e taea ana e rātou hei mahi kia hīkoi i ngā huarahi o te Ariki.

• Āwhinatia rātou kia kimihia i roto i ēnei whiti ngā rerenga e whakamārama ana te tikanga o ngā temepara. Me waiata, me whakarongo rānei rātou ki tētahi waiata mō te temepara, pērā i ”I Love to See the Temple,” Children’s Songbook, 95). Āwhinatia rātou kia kimihia ētahi rerenga kōrero i roto i taua waiata e whakaako ana i te tikanga o te temepara me ā tātou mahi i reira.

• He maha ngā ingoa mō Ihu Karaiti i 2 Nīwhai 11:4–7; 17:14; 19:6. Āwhinatia āu tamariki kia rapua ērā, ā, kia kōrerohia te tikanga o aua mea. Hei tauira, ko te tikanga o te “Karaiti” arā “te mea whakawahia”, ā, ko te tikanga o “Imanuera” arā, “piri mai te Atua ki a tātou.” He aha tā ēnei ingoa e whakaako ai ki a tātou mō Ihu?

• Whakaatu atu i ngā wāhanga o te whitiāhua ”The Christ Child” (Wharepukapuka Rongopai) e whakaatu atu ana i ngā momo tangata e kite ake ana i a Ihu mō te wā tuatahi. Me tū te whitiāhua i ēnei wāhi, kātahi ka pātai atu ki āu tamariki mō ngā kare ā–roto o ēnei tāngata. Kua pēhea ō tātou me i konā anō tātou? Ka pēhea ō tātou ina kite anō tātou i a Ia?

  

  17:57

• Whakaatuhia atu ki āu tamariki tētahi mea kawa, pērā i te remana, i roto i tētahi pepa rare. Pānui tahitia 2 Nīwhai 15:20 He aha tā Hātana e mea ai hei whakaāhuareka mai i nga mea kino? Māu anō e whakaatu atu i ngā hēkona 90 o te whitiāhua ”You Will Be Freed” (Wharepukapuka Rongopai). He aha e āhua–kē ai te kaihī–ika i tana matau? He aha e āhua–kē ai a Hātana i te hara? Ka pēhea tā Ihu Karaiti e āwhina ai i a tātou kia kaua e tinihangatia e Hātana?

  

  2:55