2 Nīwhai 1–2

I 2 Nīwhai 1:13–29, tirohia ngā kupu i kōrerotia ai e Rīhai kia whakaahuahia te āhuatanga ā–wairua o Rāmana rāua ko Remuere. He aha ngā mea e āwhina ai i a koe kia oho ake i tētahi “moe au” ā wairua? He aha ngā mea e āwhina ai i a koe kia ruiruia iho ngā “mekameka” ā–wairua i tōu oranga? Kia āta whakaaro ki tā Rīhai whakaaturanga i whiti 15 me tana tono i whiti 23. He aha tā te Matua i te Rangi karere mōu i ēnei whiti?

Kua tae atu te whānau o Rīhai ki tētahi whenua hou, e kikī ana ki ngā mea maha e taea ana. He whakahirahira nui ngā kōwhiringa e mea ai rātou i tēnei wāhi hou mō tō rātou oranga me tō rātou harikoatanga. Koinei pea te take i whakaako a Rīhai i tana tama a Hākopa e pā ana ki te mana kōwhiringa, te mana rānei ki te kōwhiri, i 2 Nīwhai 2. I a koe e rangahau ana i ngā whiti 11–30, tuhia iho ngā momo whakautu ki ēnei pātai:

• He aha e whakahirahira nui ai te mana kōwhiringa ki tō tātou Matua i te Rangi, ahakoa ka whakamahia taua mana hei whakamamae tangata?

• Me pēhea te hoariri e ngana nei ki te whakangoikore i tō mana kōwhiringa?

• Me pēhea te Kaiwhakaora e āwhina i a koe ki te “kōwhiri i te herekoretanga me te oranga tonutanga” (whiti 27)?

Anei tētahi atu huarahi e ako ai mō te mana kōwhiringa i 2 Nīwhai 2: Kimihia ngā mea e tika ana kia whai mana kōwhiringa ai tātou me te whakatutuki i tō tātou pitomata i roto i te Atua. Hei tauira:

• 2 Nīwhai 2:5: He mātauranga mō te pai me te kino; he ture

• 2 Nīwhai 2:11, 16:

  Create a Note

• 2 Nīwhai 2:16:

  Create a Note

• 2 Nīwhai 2:21:

  Create a Note

• 2 Nīwhai 2:6–9, 26–28:

  Create a Note

Ka ahatia tō tātou mana kōwhiringa mehemea kua ngaro atu tētahi, ētahi rānei o ēnei mea?

E mau ana ngā wāhanga e ono katoa o For the Strength of Youth: A Guide for Making Choices ngā “tono” me ngā “Manaakitanga Whakaari.” Tirohia tētahi, ētahi rānei o ēnei wāhanga, ā, kōwhiria tētahi manaakitanga whakaari e manako mai ana koe mō tō oranga. He aha te tono e tika ana hei mahi māu kia riro i a koe tēnei manaakitanga? Me whakaaro koe ki te kōrero atu ki tētahi ngā manaakitanga kua whiwhi nei koe nā te whai i ēnei tono.

Tirohia anōtia ngā Kaupapa Rongopai, “Agency and Accountability, ” Wharepukapuka Rongopai; “Know This, That Every Soul Is Free, ” Hymns, nama 240.

I te mōhio a Rīhai kua whakapāngia tana tama a Hākopa i ngā “whakamamaetanga” me ngā “pōuritanga nui” i tana tamarikitanga (2 Nīwhai 2:1). He aha te take ki a koe i whai hiranga tā Rīhai whakaaturanga i 2 Nīwhai 2:1–3, 6–25 He aha ēnā e utu nui ana ki a tātou? Kimihia ngā kupu me ngā rerenga e whai mana nui ana ki a koe. Me pēhea te Atua i whakatapua ai ō whakamamaetanga hei painga mōu? (Tirohia 2 Nīwhai 2: 2.)

Tirohia anōtia Romana 8:28; Dale G. Renlund, “Infuriating Unfairness,” Liahona Mei 2021, 41–45.

E whakapono ana ngā mea tokomaha, nā, he aituā noa iho te Takanga, ā, i hē nui ai a Arama rāua ko Iwi i te wā i kai ai rāua i te hua. I 2 Nīwhai 2:15–28, e whakaako ana a Rīhai i ētahi atu mea pono mō te Takanga—mō te hokonga anō mā roto i te Karaiti. I a koe e kimihia ana ēnei whiti, meatia tētahi rārangi o ngā mea pono mō ngā meatanga i te Kāri o Erene. He pātai pai ēnei:

• He aha i whakahirahira ai te Takanga?

• He aha ngā mahi a Ihu Karaiti i mea ai ia kia wetea ai ngā here o te Takanga?

• Me pēhea te māramatanga ki te Takanga e āwhina ake ai i tā tātou māramatanga mō hiranga nui o Ihu Karaiti?

Tirohia anōtia a Dallin H. Oaks, “The Great Plan of Happiness,” Ensign, Noema. 1993, 72–75.

• Tērā pea me mahitahi koutou ki te hanga i tētahi mekameka pepa hei āwhina i āu tamariki kia mārama ai ki te tono a Rīhai kia “ruiruia iho ngā mekameka ” o te hara. Mā ngā tamariki e tuhi ki runga pepa ētahi ō ngā whakawainga a Hātana e meatia nei e ia. Kātahi ka taea e koe te pānui i 2 Nīwhai 1:13, 15, 23 i a rātou e whakaari ana i ētahi o ngā rerenga i ēnei whiti—tae atu ki te ruiruitanga iho o te mekameka pepa. He aha te ōritetanga o te hara ki tētahi mekameka? Me pēhea a Ihu e āwhina ai i a tātou kia “ruiruia iho ngā mekameka” o te hara?

• He āwhinatanga mā āu tamariki mēnā ka whakataurite i ngā whakahaunga a te Atua ki ngā hū, ngā pōtae, ngā kahuringa, ētahi atu mea rānei e tiaki nei i a tātou? Tērā pea ka tukua rātou kia whakamaua ētahi i a koe e kōrero ana mō tā ngā whakahaunga tiaki i a tātou. Kātahi ka taea te pānui 2 Nīwhai 1:20, e whakakaha ana i te mea ka “kake” (ka manaakitia, ka tiakina rānei) i a tātou e pupuri ana i ngā whakahaunga. Kōrerohia ake tētahi wā i manaakitia koe, i tiakina rānei koe mā te whai i ngā whakahaunga.

• Hei whakaatu atu i te rerekētanga o te kaketanga me te hātepeatanga atu i te Atua (tirohia 2 Nīwhai 1:20), ka titiro atu koutou ko āu tamariki ki tētahi rākau ora me tētahi rau, tētahi manga rānei kua hātepea atu i te rākau. Kātahi ka taea e āu tamariki te arotake i ngā kōwhiringa a Nīwhai rātou ko ana tuākana (tirohia 1 Nīwhai 2:11–16; 3:5–7; 18:9–11). He aha ngā hua o ēnei kōwhiringa? He aha ngā kōwhiringa e āwhina ai i a tātou kia hono tonu ki te Atua?

• Hei āwhina i āu tamariki kia mārama ai ki tā Rīhai i whakaako ai mō ngā mea tauaro me ngā mahi kōwhiri, ka taea te tākaro tētahi kēmu e whakahua ake ai koe i tētahi kupu (pērā i te māramatanga) kātahi āu tamariki ka mea i tana tauaro (pōuri). Āwhinatia rātou ki te ako he aha ngā pānga o ngā tauaro i roto i tō te Atua mahere i a koutou e pānui tahi ana 2 Nīwhai 2:11, 16. Kātahi koe ka kōrero mō tētahi tamaiti kua whakawaia ki te kōwhiri i te hē. Mā āu tamariki e kōrero he aha te tauaro o te kōwhiri hē me te whakaarihia ake.

• Hei ako i te rerekētanga o te “herekoretanga” i te “hereheretanga” (2 Nīwhai 2:27), mā āu tamariki e tā pikitia mō tētahi kararehe e herea ana me tētahi kararehe i tōna ake taiao. Ko tēhea te kararehe e herekore ana? Tono ngā tamariki kia tuhi atu i te pikitia tika ina pānuitia e koe te kupu “herekore” i 2 Nīwhai 2:27. Whakaatuhia mō tā Ihu e mea ai kia herekore ai tātou.

• Waiatahia ngātahitia tētahi waiata pērā i ”Choose the Right” (Hymns, nama 239). He aha ngā akoranga i te waiata mō te kōwhiringa?