Mōhia 18–24

Whakamāramahia te hōhonu o ngā whakaaro o te hunga whakapono i Mōhia 18 mō Ihu Karaiti. I tika tā rātou hui huna, he nui te mōrearea, ki te ako e pā ana ki a Ia (tirohia whiti 3). Kātahi ka puta te kōwhiringa kia whakaatu mai ai tō rātou ū mā te kawenata o te rumakanga, “i pakipaki rātou i ō rātou ringaringa i runga i te hari, kātahi ka whakapuakina: Koinei te hiahia o ō mātou ngākau” (Mōhia 18:11).

He pai te pānui i ēnei whiti hei wā e āta whakaaroarohia ai te whakahiratanga o ō kawenata ki a koe anō. I a koe e rangahau ana i upoko 18:8–14, me aro ki ngā momo pātai pēnei:

• He aha tāu e ako ai i ēnei whiti mō ngā oati i oati ai koe i tō rumakitanga? He aha tā te Atua e oati nei ki a koe? (tirohia whiti 10, 13).

• Me pēhea te kawenata kia mahi ki te Atua e hāngai atu ana ki ā tātou mahi ki te minita tētahi ki tētahi? (tirohia ngā whiti 8–9).

• He aha te tikanga o te kōrero ki a koe e mea ana “kia tū hei [kaiwhakaatu] o te Atua”? (whiti 9).

• Mā hea tō pupuri i tō kawenata rumaki e āwhina ai i a koe kia “kikī ai i te Wairua”? (Mōhia 18:14). Me pēhea te Wairua e āwhina ai i a koe kia pupuri i tō kawenata?

Mā tō whakautu i ēnei pātai e āta whakaaro ake koe he aha ngā kawenata me ngā tikanga i te whakahirahira ki te Atua. Ka kite koe i ngā tirohanga i roto i tā Erata Gerrit W. Gong karere ”Covenant Belonging” (Liahona, Noema 2019, 80–83) i tā Tumuaki Jean B. Bingham karere rānei “Covenants with God Strengthen, Protect, and Prepare Us for Eternal Glory” (Liahona, Mei 2022, 66–69). He aha koe e whakawhetai ai mō ō kawenata? He aha tāu hei pupuri i ō oati?

Tirohia anōtia ngā Kaupapa Rongopai, Baptism,” Gospel Library; “Alma the Elder Teaches and Baptizes at the Waters of Mormon” (whitiāhua), Wharepukapuka Rongopai.

3:17

E whakaaro ake ana ētahi, he aha te tikanga o whakatū hāhi? Tirohia Mōhia 18:17–31, e kimihia ake ana te wāriu ki te iwi o Arami i te huihui tahi i “te hāhi o te Karaiti” (Mōhia 18:17). He aha ētahi o ngā ōritetanga e kitea nei e koe i te Hāhi o Ihu Karaiti i ngā rā o Arami ki ō tātou rā?

He aha tāu ki tētahi hoa, mema rānei o te whānau kāore nei e whakapono ana e whaitikanga ana kia whakatū hāhi? He aha koe e whakawhetai ai nō te Hāhi o Ihu Karaiti koe?

Me huri ō whakaaro ki ngā mea e taea ai e koe te mahi hei āwhina i tō wāri, i ngā mema rānei o tō peka kia “whatua ngātahitia i runga i te kotahitanga me te aroha” (Mōhia 18:21).

Tirohia anōtia a Dallin H. Oaks, “The Need for a Church,” Liahona, Noema 2021, 24–26; “Love One Another,” Hymns, nama 308.

I taka iho te iwi o Rimihi me te iwi o Arami ki roto ki te hereheretanga, ahakoa he rerekē ngā āhuatanga. He aha ngā mea e ako ai koe mā te whakataurite i ngā kōrero mō te iwi o Rimihi i Mōhia 19–22 ki te kōrero mō te iwi o Arami i Mōhia 18; 23–24? I a koe e pēnā ana, kimihia ngā karere e hāngai atu ana ki tō oranga. Hei tauira, he aha te tikanga o te kōrero e mea ana kia “kake haere i ngā taumata”? (Mōhia 21:16). Me pēhea koe e whakamahi i tēnei tikanga?

Ahakoa i rīpenetā rātou i ō rātou hara, i te hereheretanga tonu a Arami rātou ko tana iwi. Mā ā rātou kōrero e kite ai tātou ahakoa ka whakawhirinaki, ahakoa rānei ka ū ki ngā kawenata, ehara i te mea mā konā tahia atu ai ō tātou taumahatanga, engari mā konā āwhina nei i a tātou kia taea ai aua taumahatanga. I a koe e pānui ana i Mōhia 23:21–24 me 24:8–17, kia aro ki ngā kupu me ngā rerenga e āwhina ai kia whakawhirinaki koe i te Ariki, ahakoa he aha ngā āhuatanga e pā ana ki a koe.

Tirohia anōtia a David A. Bednar, “Bear Up Their Burdens with Ease,” Liahona, Mei 2014, 87–90.

• Ko tētahi huarahi hei āwhina i āu tamariki ki te whakarite mō te rumaki, arā, ko te whakaako i a rātou e pā ana ki te kawenata e meatia ai e rātou ina rumakina rātou. He ngāwari pēnā i te whakaatu atu i tētahi pikitia hei te pito whakamutunga o te whakatakotoranga mahi mō tēnei wiki me te pānui ki a rātou e pā ana ki te kawenata i Mōhia 18:9–10. Me tono pea e koe tētahi o ngā tamariki kua rumakina kētia hei whakaako i tēnei ki āna teina. Tērā pea ka pai ki ō tamariki te whakarongo ki ō ake kōrero mō tō rumakitanga. He aha ngā manaakitanga i tō oranga i puta mai ai i te pupuri i ō kawenata?

• He pai kia titia te maharatanga ki ngā tamariki kua oti kē te rumaki mō ō rātou kawenata kua meatia nei e rātou ia te wiki, ia te wiki i te hākarameta. Me whakataurite e ō tamariki te kawenata rumaki e whakamāramahia ana i Mōhia 18:8–10 ki ngā karakia hākarameta (tirohia Whakaakoranga me ngā Kawenata 20:77, 79). Me pēhea tātou e mea kia tū ai te hākarameta hei wā motuhake, hei wā tapu pērā i ō tātou ruamkitanga?

• E mōhio ana rānei ō tamariki ki te tino tikanga kia tū ai hei mema o Te Hāhi o Ihu Karaiti o te Hunga Tapu i ngā Rā o Muri nei? Āwhinatia rātou kia rapua ai ngā pikitia e whakaatu mai ana i ngā mahi a ngā mema i Mōhia 18:17–28. Hei tauira, tērā pea ka hāngai ngā pikitia Whakamanatanga ki te Pirihitanga me te Utu i te Whakatekau (Gospel Art Book, nos. 106, 113) ngā whiti 18 me 27–28. Me kī atu koe ki a rātou he aha koe e whakawhetai ai he mema koe nō te Hāhi o Ihu Karaiti.

  

• Mā te āwhina i ngā tamariki kia “whatua ngātahitia i runga i te kotahitanga me te aroha” (Mōhia 18:21) e āwhina ai i a rātou kia hono tonu nei ki te Hāhi i te roanga atu o ō rātou oranga. Me tono e koe ō tamariki ki te pānui i Mōhia 18:17–28. He aha tā ngā mema o tō te Karaiti Hāhi i ngā rā o Arami hei aroha, hei mahi tētahi ki tētahi? Me pēhea tātou e pēnei ai i roto i tō tātou wāri, peka, hapori rānei? He waiata mō te aroha ki ngā tangata katoa, pēnei i ”I’ll Walk with You” (Children’s Songbook, 140), e whakakaha i tēnei karere.

• Mā te whakaakoranga ā–ringa poto e titia nei ngā akoranga ki te rokiroki o mahara. Me whakakī tētahi pēke ki ngā mea taumaha (hei tohu mō ngā pīkaunga) kātahi ka tonoa tētahi tamaiti hei pupuri i te pēke. I a koe e pānui ana i Mōhia 24:8–17 ki ō tamariki, tonoa rātou kia tangohia atu tētahi mea i te pēke ia te wā e rongo ai rātou i tētahi kōrero mō Arami rātou ko tana iwi e inoi ana ki te Atua he whakangāwari i ō rātou pīkaunga. Kātahi ka taea te kōrero atu ki a rātou e pā ana ki tā te Matua i te Rangi whakangāwari i ō tātou pīkaunga i a tātou e rapu ana i Tana āwhina.