Arami 53–63

Me i kore tō rātou whakapono, kua whai tikanga nui ngā toa taiohi a Heramana ki te wehi. Engari nā tō rātou whakapono, kua whai tikanga anō kia tino māia ai rātou. I a koe e pānui ana i Arami 53–58, kia aro ki ngā mea e āwhina ai i a koe ki te tū atu ki ō wehi i runga i te whakapono ki te Karaiti. Kia aro atu ki ngā whiti e whai ake nei: Arami 53:10–22; 56:43–49, 55–56; 57:20–27; me 58:39–40. Mā tēnei tēpu e āwhina ai koe ki te tuhi i ngā mea e kitea ai e koe.

Me rapu tātou i te mana o Ihu Karaiti kia wikitōria ai ngā pakanga ā–wairua. Me pēhea koe e toro atu ai ki Tana mana? Tirohia anōtia a Russell M. Nelson, “Drawing the Power of Jesus Christ into Our Lives” (Liahona, Mei 2017, 39–42). Whakatauritetia tāna ki ngā mea i mahia ai e ngā toa a Heramana.

Whai muri iho i tā koutou rangahau i ēnei mea, me huri ō whakaaro ki ō ake pakanga ā–wairua. Tuhia iho te mea e hihiko ana i te ngākau hei mahi māu ki te whakapakari i tō whakapono ki a Ihu Karaiti.

Tirohia anōtia tā Neil L. Andersen, “Wounded,” Liahona, Nov. 2018, 83–86; “True to the Faith,” Hymns, no. 254; “Drawing upon the Power of God in Our Lives” (whitiāhua), Wharepukapuka Rongopai; Ngā Kaupapa Rongopai, “Faith in Jesus Christ,” Wharepukapuka Rongopai.

4:9

I whaitake a Heramana rāua ko Pahorana kia riri ai. Kāore a Heramana e whiwhi tautoko ana mō tana tauā, ā, i whakapae tekahia a Pahorana e Moronai mō te kaiponu i tana tautoko (tirohia Arami 58:4–9, 31–32; 60). He aha te mea pai rawa ki a koe mō ā rātou āhua whai muri i Arami 58:1–12, 31–37 me Arami 61? Ki a koe, he aha rātou i pēnā rawa ai?

I aro atu a Erata David A. Bednar ki a Pahorana hei tauira o te māhaki, ā, i whakaakona “ka kitea ngā tauira tino ātaahua rawa atu o te māhaki i te oranga o te Kaiwhakaora ake” (”Meek and Lowly of Heart,” Liahona, May 2018, 32). Me whakaaro koe ki tā te Kaiwhakaora māhaki. Tirohia, hei tauira, Matiu 27:11–26; Ruka 22:41–42; Hōani 13:4–17. Me pēhea tātou e whai ai i Tana tauira?

I tuhia e Moronai, nā, ka whakahēngia ia e te Atua mehemea kua kaiponu mārika ia i ngā rawa mai i ngātauā Nīwhai. He aha tāu e ako ai i Arami 60:7–14 mō te atawhai i ngā tāngata e hapa ana? He aha tā tātou hei aro atu ki ngā hiahia o ētahi atu?

Rau iho tētahi heki me tētahi rīwai ki roto i te wai koropupū e āwhina ai kia huri ō whakaaro ki tō kōwhiritanga hei mea “whakangāwaritia” ā, hei mea “whakapakekehia” rānei e ō uauatanga. I te wā e tunu ana tō heki, tō rīwai rānei, rangahaua Arami 62:39–51, kātahi ka aro atu ki ngā mahi a te iwi ki tā Heramana minitatanga roa whai muri iho i te pakanga ki ngā Rāmana. Kātahi ka whakataurite koe i tēnei ki tā rātou ki tana kauhautanga i ngā tau 13 i mua (tirohia Arami 45:20–24). He aha ngā rerekētanga ahakoa he rite tonu ngā whakamamaetanga a ngā Nīwhai? Ina maoa te heki me te rīwai, wāwāhia te heki, ā, tapahia te rīwai. He aha te rerekētanga o te wai koropupū ki ēnei mea? He aha ngā mea e ako nei koe e pā ana ki tā tātou kōwhiri i ngā mahi hei mahi māu whai muri i te whakmamaetanga? Me pēhea koe e tahuri mai ai ki te Atua i roto i ō whakamamaetanga?

• He maha ngā rauemi e taea ana e koe hei whakamahi ki te kōrero mō ngā toa a Heramana, tae atu ana ki ngā pikitia i tēnei whakatakotoranga me “Chapter 34: Helaman and the 2,000 Young Warriors” (Book of Mormon Stories, 93–94). Mā te whārangi mahi mō tēnei wiki e āwhina ai i ō tamariki ki te rapu huarahi e rite ai rātou ki te tauā a Heramana. Me kōrero mai e pā ana ki ētahi o ngā āhuatanga o ngā toa taiohi mai i Arami 53:20–21 e tīmata ai rātou. Me waiata ngātahi rānei i te “We’ll Bring the World His Truth,” Children’s Songbook, 172–73

  

  1:53

• I tahuri atu ngā whakaaro o ngā toa taiohi a Heramana ki te whakapono o ō rātou whaea i te wā i pā mai tētahi wero nui. Pānuitia a Arami 56:46–48 ki ngā tamariki, kātahi ka tonoa rātou ki te whakarongo atu ki tā ngā whaea o ēnei taitamatāne i whakaako ai ki a rātou mō te whakapono. Māu rātou e ui atu e pā ana ki tā rātou i ako ai i ō rātou mātua—i ētahi atu pakeke ū rānei—mō te Kaiwhakaora. He aha te take e whakahirahira ana kia whakarongo “i runga i te tino tika”? (Arami 57:21).

• Me pēhea koe—pērā i ngā whaea o ngā toa taiohi—e whakaū i te mōhiotanga ki ō tamariki e mōhio ai rātou ki tō whakapono ki te Atua? Me kōrero atu e pā ana ki te āhua e pā ai te whakapono ki tō oranga. Hei tauira, me pēhea Ia i “whakaputa” ai i a koe i ngā wā kīhai koe i “ngākaurua”?

• Ka kōrero pea ō tamariki e pā ana ki tētahi wā i puritia e tētahi tana oati ki a rātou. He aha ōna kare ā–roto i te kitenga atu kua puritia taua oati? Māu e pānui Arami 53:10–18 kātahi ka tonoa ō tamariki ki te tirotiro i ngā huarahi i puritia ai e Heramana, e te iwi o Amona, e ngā tama a te iwi o Amona hoki i ō rātou oati me ō rātou kawenata. Tohaina mai ngā kōrero e pā ana ki tā te Matua i te Rangi manaaki i a koe i a koe e tākare ana ki te pupuri i ō kawenata.

Me tono ō tamariki kia huri ngā whakaaro ki tētahi wā i whakapaehia tekahia mō tētahi mahi kīhai i mahia. Kōrerohia atu e pā ana ki a Pahorana (tirohia Arami 60–61; tirohia anōtia “Upoko 35: Captain Moroni and Pahoran,” Book of Mormon Stories, 95–97). Me pānui tahi i ngā whiti mai i Arami 61:3–14 kia ako ai e pā ana ki ngā mahi a Pahorana. He aha tā Pahorana i te wā i whakapaea ia e Moronai? (tirohia Arami 61:2–3, 8–9). He aha ngā mea e ako ai e pā ana ki te murunga hara i tā te Kaiwhakaora tauira? (tirohia Ruka 23:34).

2:38