Mōhia 25–28

Mō te tangata ake te whakatahuritanga—e kore e taea te tuku iho ki tā tētahi tamaiti. I a koe e pānui ana i Mōhia 26:1–6, me huri ō whakaaro ki ngā momo take i taka atu ai “te whakatipuranga e tupu ana”, me aro atu ki ngā utu o tō rātou whakapono kore. Me āta whakaaro ake ki ngā tāngata e manako nei koe ki te kukume mai ki te Karaiti. I roto i tō rangahau o Mōhia 25–28 ka kōhimuhimutia atu e te Wairua ngā mea e mahi ai koe hei āwhina i a rātou ki te whakatupu i ō rātou whakapono i a Ihu Karaiti.

I ētahi wā, ka pōhēhē tātou e mōhio katoa ana tētahi kaiārahi o te Hāhi pērā i a Arami he aha pū anō hei mahi māna i ngā wā katoa. I Mōhia 26 e pānui ana tātou i tētahi raruraru i te Hāhi kīhai noa i kitea e Arami i mua. He aha tā Arami i tēnei wā? (tirohia Mōhia 26:13–14, 33–34, 38–39). He aha ngā wheako e puta mai ai i ngā kōrero mō Arami ina aro atu koe ki ō raruraru i tō whānau me tō mahi Hāhi?

He aha tā te Ariki i whakaako ai i Mōhia 26:15–32? Me tiro atu e koe ngā whakautu a te Ariki, me te mea hoki, kāore i hāngai pū atu ki te pātai a Arami. He aha tā tēnei mō te inoi me te whakawhiwhi i ngā whakakitenga mōu ake?

Ko te rīpenetātanga me te murunga hara ētahi o ngā kaupapa e kaha kōrerohia ana i roto i a Mōhia 26–27. Kimihia ngā kupu me ngā rerenga e whakaako ana e pā ana ki te rīpenetātanga me te murunga hara i Mōhia 26:22–24, 29–31; 27:23–37.

Kei te ui atu ētahi mehemea he tūturu tā te Atua muru i ō rātou hara. Ki ō whakaaro ake, he aha tā Arami Matua kōrero ki tētahi mema o te Hāhi i Harahemara e pēnā ana anō ōna whakaaro? He aha ngā mea i ako ai a Arami i te Ariki i Mōhia 26:15–31 e āwhina nei i tēnei mema o te Hāhi? (tirohia anōtia Moronai 6:8; Whakaakoranga me ngā Kawenata 19:16–18; 58:42–43).

He mārakerake te kite atu, me whānau ā–wairua mai anō a Arami Tamaiti. He “kaihara whakarihariha rawa” rātou ko ngā tama a Mōhia (Mōhia 28:4). Engari nō muri tata iho i tana whakatahuritanga, i whakaatu mai a Arami, nā, he tika kia whakatahuritia—tātou katoa: “Kaua e mīharo,” tāna, “E tika ana mō ngā tāngata katoa … kia whānau mai anō” (Mōhia 27:25; ).

I a koe e pānui ana i ngā mea i pā ai ki a Arami i Mōhia 27:8–37, me whakaaro ake anō nei ko koe i tana kōrero. E mōhio ana rānei koe ki ētahi mea nōu e tika ana kia panoni? Ko wai, pērā i tō Arami matua, e inoi ana mōu “i runga i te whakapono nui”? He aha ngā mea i kitea nei e koe nā konā “whakapakepakehia [koe] mō te kaha me te mana o te Atua”? (Mōhia 27:14). He aha ngā “mea nunui” i meatia nei e te Ariki mōu, mō tō whānau rānei e tika ana māu hei “mahara”? (Mōhia 27:16). He aha tāu e ako ai i ngā kupu me ngā mahi a Arami Tamaiti e pā ana ki te tikanga o te kōrero kia whānau mai anō? He aha ngā tauira i kitea ai e koe?

Tuhia iho ētahi o ngā mea e āwhinatia ana koe e te kaiwhakaora kia panoni i a koe—kia whānau mai anō rānei—ahakoa kāore e mīharo rawa ngā āhuatanga pēnā i ō Arami. Kei reira tētahi hīmene e taea ai te waiata, te whakarongo rānei e kōrero ana i ō kare ā–roto, pērā i “I Stand All Amazed”? (Hymns, nama 193). Ko wai ngā mea e whaihua ana i ō wheako?

I whakatauritetia e Erata David A. Bednar te whānautanga mai anō ki tētahi kūkama e meinga ana hei pikara (tirohia “Ye Must Be Born Again,” Liahona, Mei 2007, 19–22). He aha tā tēnei whakatauritetanga e whakaako i a koe mō te whakatahuritanga?

Tirohia anōtia ngā Kaupapa Rongopai, ”Becoming like Jesus Christ,” Wharepukapuka Rongopai; “Alma Testifies He Has Been Born of God” (whitiāhua), Wharepukapuka Rongopai.

3:12

Tērā pea kua rite koe ki a Arami Matua e hāngai ana ki tētahi mema o te whānau e kōwhiri ana i ngā kōwhiringa kino. He aha atu tāu e kite ai i Mōhia 27:8–24 e puta ana tētahi manako ki a koe i reira? Me pēhea ēnei whiti e pā ai ki te āhua o ō inoi, ō ētahi atu?

• Hei āwhina i āu tamariki kia kite ai he aha tā te Ariki i whakaako i a Arami mō te murunga hara, māu rātou e tono ki te pānui i a Mōhia 26:29–31 kātahi ka tatauria iho e hia ngā wā e kitea ai te kupu “muru”. He ngā mea e whakaakona ai i ēnei whiti mō te muru i ngā hara o ētahi atu? (Tirohia anōtia ”Help Me, Dear Father,” Children’s Songbook, 99.)

• Hei whakakaha i tā te Kaiwhakaora tauira mō te murunga hara, māu tētahi pikitia e whakaatu atu Mōna i runga i te rīpeka kātahi ka pānui ngātahitia a Ruka 23:33–34 He aha tā Ihu i inoi ai ki te Matua i te Rangi kia meatia ki te hunga nā rātou Ia i whakarīpeka? Whai muri iho i tēnei kōrero, mā ō tamariki e whakaari i te muru i ngā hara tētahi i tētahi.

• I ētahi wā e uaua ana ki te muru i a tātou anō ina hē ā tātou mahi. Me pēhea ngā kupu a te Atua ki a Arami e āwhina? Me whakaari iho ō tamariki me te mea nei kei te kōrero ki tētahi e whakapono ana e kore rawa te Atua e muru i ōna hara. Tonoa ō tamariki kia kimihia tētahi mea i Mōhia 26:22–23, 29–30 mā konā āwhina ai i taua tangata.

• Mā te whakatahuritanga a Arami Tamaiti me ngā tama a Mōhia e whakaatu atu ki ō tamariki, nā, mā te mana o te Kaiwhakaora, e taea ana e ngā tāngata katoa te panoni. Māu, mā ō tamariki rānei ngā whakaahua e whakamahi i tēnei whakatakotoranga i tēnei whārangi mahi, me ētahi karaipiture matua i Mōhia 27:8–37 hei whakakōrero i ngā kōrero (tirohia anōtia ”Chapter 18: Alma the Younger Repents,” i Book of Mormon Stories, 49–52). Me mātua aro atu ki whiti 24, hei whakaako, nā, i rīpenetā a Arami, ā, nā Ihu Karaiti ia i āwhina kia panoni i tana āhua. Tukuna āu tamariki kia whakaaria mai ai e rātou ngā kōrero, ki te pīrangi rātou.

  

  3:14

• Pānuitia ngātahitia a Mōhia 27:8–24 kātahi ka uia atu ō tamariki kia tohua mai he aha tā Arami rātou ko tana iwi hei āwhina i a Arami Tamaiti. Kua nohopuku, kua inoi rānei koe mō tētahi atu? Kōrerohia ngā mea i mahi nei koe ki ō tamariki, ā, tukua rātou kia kōrerohia ā rātou.

• Kei mōhio rānei koutou ko ō tamariki i tētahi e hiahia ana ki tā te Atua āwhina? I runga i te whai i tā Arami tauira, tērā pea me inoi tahi mō taua tangata, ā, mehemea e taea ana e ō tamariki, me nohopuku hoki mōna.