Hākopa 5–7

He paki kōrero a Hākopa 5, ā, he tikanga anō tōna. E kōrero ana ia mō ngā rākau me ngā huarākau me ngā kaimahi, engari e kōrero kē ana ia mō tā te Atua toronga ki Tana iwi mai i te tīmatanga o te ao. Nō reira i a koe e pānui ana i ngā kupu noa, me whakaaro ake ki te tino tikanga o ētahi o ngā mea kei roto i ngā kōrero.

Hei tauira, mehemea ko te tikanga o te māra wāina ko te ao, ā, ko te tikanga o ngā rākau oriwa ko Iharāira (ko te hunga rānei i meatia nei ngā kawenata ki te Atua; tirohia Hākopa 5:3), he aha pea te tikanga o ngā rākau oriwa ngahere? He aha te tikanga o ngā hua pai me ngā hua kino? He aha atu ētahi tohu e kite nei koe?

Ahakoa kei te whakaako Hākopa 5 mō ngā iwi me ngā rautau o te hītori o te ao, he kōrero anō mōu me tō oranga. He aha ngā karere e kitea nei mōu ake i Hākopa 5?

Tērā pea ko te mea nui, mō Ihu Karaiti a Hākopa 5. Kimihia Ia i a koe e pānui ana. He aha ngā mea e ako nei koe Mōna, hei tauira, i ngā whiti 40–41, 46–47?

Tirohia te mahere whakahoahoa kei te pito whakamutunga o tēnei whakatakotoranga mō ētahi atu tirohanga mō Hākopa 5.

Ko koe tētahi o te hunga e kīa ana ko “ētahi atu pononga” (Hākopa 5:70) i karangatia ai ki roto ki te māra wāina o te Ariki. He aha ngā mea pono e kitea nei e koe i Hākopa 5,arā, ngā whiti 61–62 me 70–75, mō te mahi i roto i te māra wāina o te Ariki? He aha ngā mea e ako nei koe Mōna, mā te āwhina i Tana mahi?

I a koe e pānui ana mō te “wā whakamutunga” e mahi ai te Ariki i Tana māra wāina, he aha te mea e hihiko nei i tō ngākau kia mahi koe ki te Ariki i runga “i tō kaha katoa”? (Hākopa 5:71). Tērā pea me huri ō whakaaro ki tētahi wā i rongo koe i te koa nā te mahi ki te Ariki i te māra wāina—hei tauira, mā te tohatoha atu i te rongopai, te mahi i te temepara, te whakakaha rānei i ētahi atu. Tērā pea ka kimi whakaaro koe i roto i te kōrero a Erata Gary E. Stevenson “Simply Beautiful—Beautifully Simple” (Liahona, Noema 2021, 47–50).

I whakaako a Tumuaki Russell M. Nelson: ”I ngā wā katoa e mahi nei koe i tētahi mahi hei āwhina i tētahi —i tērā atu taha o te ārai—kia tata atu ki te mea i ngā kawenata ki te Atua me te whiwhi i tō rātou rumakanga me ngā tikanga tapu o te temepara, kei te āwhina koe ki te whakahuihui i a Iharaira. He pērā rawa te ngāwari” (”Hope of Israel” [worldwide youth devotional, June 3, 2018], ChurchofJesusChrist.org). Me tīmata pea tāu whakarārangi i ngā whakaaro mō ngā mea e taea ana e koe te mahi hei āwhina ki te whakahuihui i a Iharaira. Mai i tō rārangi, he aha tā te Ariki e pai ai hei mahi māu i tēnei rā i roto i Tana māra wāina? E ai ki whiti 75, he aha tā te Ariki utu ki a tātou mō ā tātou mahi i Tana māra wāina?

Tirohia anōtia ”Israel, Israel, God Is Calling,” Hymns, nama 7; “Old Testament Olive Vineyard” (whitiāhua), Wharepukapuka Rongopai; Kaupapa Rongopai, “Gathering of Israel,” “Inviting All to Receive the Gospel of Jesus Christ,” “Participating in Temple and Family History Work,” Wharepukapuka Rongopai.

6:51

Ko te tikanga o te kupu piri ko te aro atu, ko te whakatata atu ki tētahi mea i runga i te kaha, kia tata rawa, ā, kia ū. Nā konā kua pēhea tō māramatanga ki a Hākopa 6:4–5? I roto i te kōrero mō te rākau oriwa, i pēhea tā te Ariki o te māra wāina toro atu i tana “ringa aroha”? (tirohia, hei tauira, Hākopa 5:47, 51, 60–61, 71–72). Kua pēhea Tana mahi pēnei ki a koe?

E kaha toaitia ana ngā āhuatanga i pā ai ki ngā Nīwhai rātou ko Hereme i ēnei rā: e ngana ana te tangata ki te whakangaro atu i te whakapono ki a te Karaiti. I pēhea tā Hākopa whakautu i te wā i werohia tana whakapono? He aha ngā mea e ako ai koe i āna whakautu? He aha ētahi mea e taea ana e koe ināianei kia rite ai mō ngā wā e werohia ai tō whakapono ki te Kaiwhakaora?

Tirohia anōtia tā Jeffrey R. Holland, “The Cost—and Blessings—of Discipleship,” Liahona, Mei 2014, 6–9; “Sherem Denies Christ” (whitiāhua), Wharepukapuka Rongopai.

7:17

• Me pēhea koe e kōrero atu ki ō tamariki mō ngā rākau oriwa e mārama kehokeho ai ō tamariki ki aua kōrero? Ko tētahi huarahi, arā, ko te hīkoi atu kia tirohia tētahi rākau me te āta kōrero i ngā momo wāhanga o taua kōrero. He aha tā te Ariki o te māra wāina i mea ai mō Ana rākau? Me pēhea tātou e rite ai ki ngā kaimahi i taua kōrero me te āwhina i ētahi atu kia rongo ai i tō te Kaiwhakaora aroha?

• I kōrero atu a Hākopa i taua kōrero mō ngā rākau oriwa hei pōwhiri mai i tana iwi kia haere mai ai ki te Karaiti. E taea ana te pērā mō ō tamariki anō hoki. Tērā pea māu e whakarāpopoto taua kōrero ki ngā whiti pērā i Hākopa 5:3–4, 28–29, 47, and 70–72 (tirohia anōtia ”Old Testament Olive Vineyard” [whitiāhua], Wharepukapuka Rongopai). Māu, mā ō tamariki rānei e pānui Hākopa 5:11, 41, 47, and 72, e kimi ana i ngā mea e whakaatu atu i te nui o te aroha o te Ariki o te māra wāina (Ihu Karaiti) ki ana rākau. He aha tā te Kaiwhakaora hei whakaatu atu i Tana aroha ki a tātou?

  

  6:51

• He karere whakahirahira tā Hākopa 6:4–5 mō tātou ina kōwhiri tātou i te hē. Māu pea ō tamariki e āwhina kia kimihia ai e rātou. He aha ngā kupu i ēnei whiti e puta mai ana tētahi tūmanako ki a tātou ki tō te Atua aroha nunui? Ko tā Erata Allen D. Haynie kōrero mō tana paruparu haere i roto i te rua paru, i tana karere ”Remembering in Whom We Have Trusted” (Liahona, Noema 2015, 121–22), e āwhina. He aha tā tēnei kōrero me Hākopa 6:4–5 e ako nei i a tātou e pā ana ki ngā mea me mahi e tātou kia whakaorangia ai i te kīngitanga o te Atua?

• Me pēhea koe e whakaako i ō tamariki kia tū ake mō te tika pērā i a Hākopa? Me mātakitaki ō tamariki i te whitiāhua ”Chapter 10: Jacob and Sherem” (Wharepukapuka Rongopai) me te whakaari i te kōrero i heipū ake i waenganui Hākopa rāua ko Hereme, e whakamahia ana Hākopa 7:1–23 hei aratohu. I pēhea tā Hākopa tū mō ngā mea i mōhio nei ia he tika? Tonoa āu tamariki ki te tuku kōrero mō ngā wā i tū ake rātou mō te tika, māu anō e tuku kōrero. Me waiata pea rātou i tētahi waiata e whakaatu ana i te māia pērā i tō Hākopa, rite ki “Stand for the Right,” Children’s Songbook, 159.

  

  2:17