Etere 6–11

Ka kite koe i ngā momo akoranga mēnā ka whakatauritea te whakawhitinga a ngā Iarere i te moana ki tō haerenga i roto i te ora. Hei tauira, he aha tā te Ariki i tuku mai hei whakakānapa i tō huarahi pērā i ngā kohatu i roto i ngā pāti o ngā Iarere? He aha te ōritetanga o ngā pāti, ngā hau rānei “e pupuhi ana whakatewhenua o te kupu whakaari”? (Etere 6:8). He aha tāu e ako ai i ngā mahinga a ngā Iarere i mua, i waenganui, ā, i muri hoki i tā rātou haerenga? He aha tā te Ariki hei ārahi i a koe whakatewhenua o te kupu whakaari?

Ahakoa ka turakina ngā hītori Iarere e te whakapehapeha me te whakarihariha, kei reira anō ngā tauira o te māhaki i roto i ēnei upoko—i roto pū i Etere 6:5–18, 30; 9:28–35; me 10:1–2. Ka puta he akoranga ki a koe mā te āta whakaaro i ēnei pātai e whai ake nei: He aha ēnei Iarere i whakaiti i a rātou anō i ēnei āhuatanga? He aha tā rātou hei whakaatu atu i tō rātou whakaiti? He aha tā te Atua hei manaaki i a rātou? Me huri ō whakaaro ki tāu hei tino “hīkoi māhaki i te aroaro o te Ariki” (Etere 6:17) hāunga kia meinga kia whakaiti (tirohia Mōhia 4:11–12; Arami 32:14–18).

Tirohia anōtia a Dale G. Renlund, “Do Justly, Love Mercy, and Walk Humbly with God,” Liahona, Noema 2020, 109–12.

Ka aro atu ngā upoko 7–11 o Etere i ngā whakatipuranga 28. Ahakoa he iti noa ngā whakamāramatanga e taea ana te whakakuhu ki tētahi wāhi iti, ka puta wawe nei tētahi tauira mō ngā utu o te whakahaere tika me te whakahaere kino. He aha tāu e ako ai e pā ana ki te rangatiratanga i ngā tauira—kino me ngā mea pai—o ngā kīngi kua whakarārangitia iho nei?

• Orihā—Etere 6:30; 7:1

• Hure—Etere 7:23–27

• Iarere—Etere 8:1–7, 11–15

• Emere rāua ko Koriatuma—Etere 9:21–23

• Heta—Etere 9:26–30

• Heha—Etere 10:1–2

• Ripakihi—Etere 10:5–8

• Moriatono—Etere 10:9–11

• Ripi—Etere 10:19–28

• Etema—Etere 11:11–13

• Ihu Karaiti—Matiu 18:1–4; 20:20–28; 23:11

I tuku mai a Erata Dieter F. Uchtdorf i ētahi tohutohu pai mō whakahaere i tana karere i “The Greatest among You” (Liahona, Mei 2017, 78–81). Me rangahau tēnei karere—kia tino aro atu ki ngā kōrero e kōrerohia nei e ia—e titiro ana ki ngā tikanga, ki ngā tauira rānei o te rangatiratanga e rite ana ki te Karaiti. Nōnāhea kitea ai e koe ēnei tikanga, ēnei tauira rānei kua whakatakotoria iho nei i roto i ngā tangata e whakahaere ana?

I a koe e whakaaro ana ki tāu i ako ai, me huri ō whakaaro ki ngā huarahi kei mua i a koe hei ārahi, hei kukume i ētahi atu i tō kāinga, hapori, karangatanga o te Hāhi, me ērā atu mea. Me pēhea koe e whakatupu ake i ngā āhuatanga whakahaere e rite ana ki te Karaiti, ahakoa mēnā kāore i a koe tētahi karangatanga whakahaere?

Tirohia anōtia Ngā Kaupapa Rongopai, “Serving in Church Callings,” Wharepukapuka Rongopai “Principles of Leadership in the Church,” General Handbook: Serving in The Church of Jesus Christ of Latter–day Saints, 4.2 (ChurchofJesusChrist.org).

Ina oati ētahi ki te mahi huna i ā rātou mahi kino, kua uru rātou ki roto ki tētahi whakakotahitanga huna. Hei āpiti i taua whakakotahitanga huna kua whakamāramahia nei i Etere 8:7–18, ka kitea ētahi atu tauira i Heramana 1:9–12; 2:2–11; 6:16–30; Mohi 5:29–33. Me whakataurite ēnei whiti ki 2 Nīwhai 26:22–24, i konā whakamāramahia ai e Nīwhai te āhua e mahi nei te Ariki i Tana mahi. He aha te take i whakahaua a Moronai kia tuhia tāna mō ngā whakakotahitanga huna?

He aha tāu i ako ai i te Pukapuka a Etere e āwhina ai i a koe ki te rapu i ngā manaakitanga i kōrerohia nei i Etere 8:26?

• Ka pā ngā rā uaua ki ngā tāngata katoa—arā, ki ngā tamariki pū anō. Tērā pea māu e āwhina i ō tamariki ki te kimi kupu me ngā rerenga i Etere 6:1–12 e whakaatu mai ana i tā ngā Iarere whakawhirinaki ki te Atua i ngā rā uaua me ngā rā mataku. Me tohatoha pea tētahi ki tētahi ētahi āhuatanga kua pā nei ki a koe i reira āwhinatia koe e te Atua i roto i ngā wā uaua o tō oranga.

• Whai muri iho i te taenga atu ki te whenua o te kupu whakaari, i tino whakawhetai ngā Iarere nā konei rātou “heke ai ngā roimata” (Etere 6:12). Māu pea ō tamariki e whakahihiko kia whakawhetai ai rātou ki ngā manaakitanga a te Atua mā te āwhina i a rātou ki te kimi rerenga i Etere 6:9, 12 e whakaatu ana i tā ngā Iarere tuku whakawhetai ki te Atua. Ka rata pea rātou ki te waiata, pērā i ngā Iarere, tētahi waiata tuku whakawhetai, pērā i “My Heavenly Father Loves Me” (Children’s Songbook, 195). Me tono ō tamariki kia kōrero mai ki a koe ngā mea e whakawhetai ana rātou.

• Me pānui pea ō tamariki i Etere 6:30; 7:27; me te 10:2 kātahi ka kimihia ngā mea i maharatia ai e ēnei kīngi tika. Nā konā, i pēhea ā rātou mahi whakahaere i ō rātou iwi? Me kōrero tahi koutou ko ō tamariki i ngā huarahi hei whakamahara i a tātou anō e pā ana ki ngā mea kua meatia nei e te Atua mōu. Hei tauira, me tuhi, me tā pikitia rānei e rātou mō taua mea. Me akiaki i a rātou kia tuhituhi iho ngā manaakitanga e whiwhi ai rātou i te Atua (tirohia ”O Remember, Remember” [whitiāhua], Wharepukapuka Rongopai).

  

  1:48

• Tērā pea ka pai ō tamariki ki te mahi whakaari mō ētahi mea kua whakaakona tātou e te poropiti. Me whakatahuri hei kemu ina whiu whakapae e pā ana ki ngā ā–ringa me ōna tikanga. Ka whakarite tēnei i ō tamariki ki te whakawhiti kōrero e pā ana ki te hiranga o te whaiwhai i te poropiti a te Atua. Kātahi ka taea te pānui Etere 7:24–27 kia mōhio ai i ahatia i te wā i whakarongo te iwi ki te poropiti a te Atua. He aha ngā manaakitanga ki a tātou nā te whaiwhai i te poropiti?

• He pukenga rangahau karaipiture pai te kimi i ngā tauira. Kei roto i te pukapuka a Etere ngā tauira e kaha tōaitia ana e whakanuia ana te aroha o te Ariki. Tonoa ō tamariki ki te pānui i Etere 9:28–35 me Etere 11:5–8, hei āwhina i ō tamariki ki te rapu i tēnei tauira, e kimi ana i ngā ōritetanga i waenganui i ngā tuhinga e rua. He aha ngā mea e ako ai tātou i ēnei kōrero? Me kimi pea i ngā pikitia i te Gospel Art Book mō ngā tāngata i ngā karaipiture i rīpenetāhia kātahi ka murua ō rātou hara.