”Noema 4–10: ʻKei te Kōrero Au ki a Koe Anō nei Kei Konei Koe.ʻ Moromona 7–9,” Haere Mai, Whai Mai i Ahau—Mō te Kāinga me te Hāhi: Ko te Pukapuka a Moromona 2024 (2023)
”Noema 4–10. Moromona 7–9,” Haere Mai, Whai Mai i Ahau—Mō te Kāinga me te Hāhi: 2024(2023)
Ka Tukuna atu e Moronai ngā Papa Kōura, nā Dale Kilborn
”Noema 4–10: ʻKei te Kōrero Au ki a Koe Anō nei Kei Konei Koe.ʻ
Moromona 7–9
I mōhio a Moronai ki te āhua o te noho takitahi i tētahi ao kino—i tino pērā rawa whai muri iho i te matenga o tana matua i te whawhai, ā, whai muri hoki i te whakangaromanga o ngā Nīwhai. ”Ko au pū anō me tōku kotahi,” tāna i tuhi ai. ”Kāore ōku hoa, kāore rānei he wāhi noho mōku” (Moromona 8:3, 5). Ko te āhua nei kāore he manako, engari i kite a Moronai i tētahi manako i roto i a Ihu Karaiti me tana whakaaturanga, nā, “ka tak ahuri tonu ngā take mau tonu a te Ariki” (Moromona 8:22). Ā, i mōhio a Moronai ko tētahi wāhanga matua o aua take mau tonu, arā, ko te Pukapuka a Moromona—te tuhinga i te kaha whakaoti i a ia, ko taua tuhinga ā tōna wā ka kukume mai i te tokomaha “ki te mātauranga o te Karaiti” (Moromona 8:16; 9:36). Nā tō Moronai whakapono i ēnei whakaari, taea ai e ia te whakapuaki atu ki ngā kaipānui anamata e pā ana ki tēnei pukapuka, “Kei te kōrero au ki a koe anō nei kei konei koe,” ā, “e mōhio ana ahau, nā, māu aku kupu” (Moromona 8:35; 9:30). Nā, kei a tātou ana kupu ināianei, ā, kei te takahuri atu te mahi a te Ariki, he mea nā tā Moromona rāua ko Moronai ū ki tā rāua mīhana, ahakoa ko rāua anake.
He Whakaaro mō te Ako ki te Kāinga me te Hāhi
”Kia whakapono ki a Ihu Karaiti” ā, “whakamaua [Tana] rongopai.”
Whai muri iho i te whakarāpopotohanga i te tuhinga o tana iwi, i tuku a Moromona i tana karere whakakapinga i Moromona 7. He aha ia i kōwhiri ai i tēnei karere? He aha te tikanga o te kōrero ki a koe e mea ana kia “whakamaua te rongopai a te Karaiti”? (Moromona 7:8).
Tirohia anōtia “I Believe in Christ,” Hymns, no. 134
Moromona 7:8–10; 8:12–16; 9:31–37
He taonga utu nui te Pukapuka a Moromona.
I pātai a Tumuaki Russell M. Nelson: ”Mehemea kua tukuna atu ki a koe he taimana, he rupi rānei, te Pukapuka a Moromona rānei, ka kōwhiri koe i te aha? Kia pono, he aha te mea e utu nui ake ana ki a koe?” (“The Book of Mormon: What Would Your Life Be Like without It?,” Liahona, Noema 2017, 61).
He aha tāu e kite nei i Moromona 7:8–10; 8:12–22; me te 9:31–37 e āwhina nei i a koe kia mārama ki te wāriu o te Pukapuka a Moromona i ēnei rā? He aha tēnā e utu nui ana ki a koe? Ka kitea ētahi atu tirohanga i 1 Nīwhai 13:38–41; 2 Nīwhai 3:11–12; me te Whakaakoranga me ngā Kawenata 33:16; 42:12–13.
Ka pupuri au i ngā whakahaunga ahakoa kāore e pērāhia e ētahi atu.
I ētahi wā ka whakaaro koe ko koe anake e pupuri ana i ngā whakahaunga. He aha ngā akoranga i tā Moronai mahi e āwhina ai i a koe? (tirohia Moromona 8:1–11). Mehemea e taea ana te pātai atu ki a Moronai me pēhea ia i ū ai ki te pono, ki ō whakaaro, he aha tana whakautu?
Tirohia anōtia “All May Know the Truth: Moroni’s Promise” (whitiāhua), Wharepukapuka Rongopai.
All May Know the Truth: Moroni’s Promise | Mormon 8–9; Moroni 1, 10
I tuhia te Pukapuka a Moromona mō ēnei rā.
I whakakitea atu e Ihu Karaiti ki a Moronai ngā mea e mahia ana i te wā e puta ake ai te Pukapuka a Moromona (tirohia Moromona 8:34–35), nā konā tukuna mai ngā whakatūpato kaha mō ēnei rā. I a koe e pānui ana Moromona 8:26–41 me te 9:1–30, me huri ō whakaaro ki te hāngaitanga o ana kupu ki a koe. Hei tauira, ka uia e Moronai ngā pātai 24 i ēnei whiti. He aha ngā taunakitanga e kitea nei e koe i ēnei pātai nā konā whakapono ai i kite a Moronai i ēnei rā? Me pēhea te Pukapuka a Moromona e āwhina ai i roto i ēnei wero i matakitea ai e Moronai?
Whakarongo ki te Wairua. Me aro ki ō whakaaro me ō kare ā–roto, ahakoa mēnā kāore ōna pānga ki tāu e pānui nei. Tērā pea koinei ngā mea e hiahia ana tō Matua i te Rangi hei mea ako māu. Hei tauira, he aha ngā whakaaro e tau ai ki runga ki a koe whai muri iho i tō whakaaroaro i ngā pātai e uia ana i Moromona 9:1–30?
Ko Ihu Karaiti tētahi Atua merekara.
I whakakapia e Moronai ngā tuhinga a tōna matua ki tētahi karere whaimana mō ngā tāngata i ēnei rā kāore nei e whakapono ana ki ngā merekara (tirohia Moromona 8:26; 9:1, 10–11). He aha ki a koe, e whai tikanga ai te whakapono merekara i ēnei rā? Tirohia Moromona 9:9–11, 15–27 me Moronai 7:27–29 kātahi ka āta whakaarohia ake ngā pātai pēnei:
-
He aha ngā mea e ako ai au e pā ana ki te Kaiwhakaora i ēnei whiti?
-
He aha ngā mea e ako ai au mō ngā merekara i mua, ināianei hoki?
-
He aha ngā painga o te whakapono ko Ihu Karaiti tētahi Atua merekara? He aha ngā utu o te kore whakapono ki tēnei?
-
He aha ngā merekara—nui mai, iti mai—kua meatia nei e te Kaiwhakaora i tōku oranga? He aha tā ēnei merekara e whakaako nei i ahau Mōna?
Nā Tumuaki Russell M. Nelson i ako: ”Ka meatia e tō tātou Kaiwhakaora, e tō tātou Kaihoko, e Ihu Karaiti, ētahi o Āna mahinga whakamīharo i tēnei wā tae noa atu ki Tana haerenga mai anō. Ka kite tātou i ngā tohu whakamīharo kei te whakahaere te Atua te Matua rāua ko Tana Tama a Ihu Karaiti i runga i te Hāhi i runga i te kīngitanga me te korōria” (“Revelation for the Church, Revelation for Our Lives,” Liahona, Mei 2018, 96). He aha ki a koe ētahi o ēnei merekara? He aha tāu hei āwhina i te Kaiwhakaora kia whakatutuki i aua poropititanga?
He aha tāu e ako ai e pā ana ki te whakapono me ngā merekara nā ngā mea i pā ai ki te Hunga Tapu i Hāmoa, Tonga, Whīti me Tahiti i ngā haerenga a Tumuaki rāua ko Tuahine Nelson ki reira? (tirohia Russell M. Nelson, “Christ Is Risen; Faith in Him Will Move Mountains,” Liahona, Mei 2021, 101–4).
Tirohia anōtia tā Ronald A. Rasband, “Behold! I Am a God of Miracles,” Liahona, May 2021, 109–12; Ngā Kaupapa Rongopai “Miracles,” Wharepukapuka Rongopai.
He Whakaaro mō te Whakaako Tamariki
E whakaatu ana te Pukapuka a Moromona rāua ko te Paipera mō Ihu Karaiti.
-
Mā tētahi tākaro pēnei e whakaatu atu ki ō tamariki i te hononga i waenganui i te Paipera me te Pukapuka a Moromona: Tonoa rātou kia kī ake “Kawenata Tawhito, Kawenata Hou” ina hīkina ake e koe tētahi kape o te Paipera, ā, “he whakaaturanga mai anō” ina hīkina ake tētahi kape o te Pukapuka a Moromona. Me kōwhiri i ngā āhuatanga maha e whakaaturia ana e te Paipera rāua ko te Pukapuka a Moromona—pērā i te whānautanga mai, te matenga me te Aranga o Ihu—kātahi ka tonoa ō tamariki ki te rapu i ngā pikitia mō ēnei mea (hei tauira, kei roto i te Gospel Art Book).
-
Me tuhi ngā kupu o te tikanga whakapono tuawaru ki runga i ētahi pepa rerekē hei āwhina i ō tamariki ki te ako i aua kupu. Tonoa ō tamariki ki te mahitahi ki te whakakotahi i ēnei kupu i te whakaraupapa tika kātahi ka tōai haere kia maha ngā taima.
Ka pupuri au i ngā whakahaunga ahakoa ko ahau anake.
-
Mā te tauira i whakatauirahia ake nei e Moronai e whakahihiko i ō tamariki ki te pupuri i ngā whakahaunga a te Atua ahakoa ko rātou anake. Whai muri i tāu pānui i Moromona 8:1–7 ki a rātou, ka taea e rātou te kōrero mō ō rātou whakaaro mehemea i reira a Moronai. Kei roto i ngā whiti 1, 3, me te 4, i whakahaua a Moronai ki te aha, ā, he aha tāna hei whakarongo? Me pēhea tātou e rite ake ki a Moronai?
-
Me kōrero tahi me ō tamariki e pā ana ki ngā āhuatanga e tika ana kia kōwhiri koe i te tika, i te hē rānei ina kāore tētahi e mātakitaki ana. Me pēhea te whakapono ki a Ihu Karaiti e āwhina nei i a tātou i ēnei tūāhuatanga? Mā tētahi waiata pērā i Stand for the Right” (Children’s Songbook, 159) e tautoko i tēnei kōrero.
Ko Ihu Karaiti “tētahi Atua merekara.”
-
Me whakamārama atu ki ō tamariki, nā, ko te merekara tētahi mea e meatia nei e te Atua e whakaatu atu i Tana mana me te manaaki i ō tātou oranga. Kātahi ka taea te pānui ngā rerenga i Moromona 9:11–13, 17 e whakamāramahia ana ētahi o ngā merekara a te Atua, ka whakaarohia e ō tamariki ētahi atu merekara (ngā pikitia mai i te Gospel Art Book, pērā i ngā nama 26, 40, 41, me te 83, e āwhina). Me kōrero mō ngā merekara i meatia nei e te Atua i tō oranga.
-
Huraina atu ki ō tamariki tētahi tohutao, kātahi ka kōrero atu mō ngā mea e puta mehemea kua mahue atu tētahi kīnaki tika. Pānuitia ngātahitia a Moromona 8:24 me te 9:20–21 kia kimihia ngā “kīnaki” e ārahina atu ai ki ngā merekara a te Atua.
Hei whakaaro anō, tirohia te terenga mō tēnei marama o te Friend makahīni.