Arami 8–12

Kua ngana nei koe i mua ki te toha atu i te rongopai a Ihu Karaiti ki tētahi, engari i whakaparahakotia tō tono? I pērāhia anō hoki a Arami. He aha tāu e ako ai i Mōhia 8:13–16 e pā ana ki te tohatohanga atu i te rongopai ahakoa ngā whakapātaritari me ngā wero? Me pānui tonu i ngā whiti 17–32, kātahi ka kimihia ngā rerenga kōrero e whakahihiko i tō ngākau ki te toha tonu atu i te rongopai, i ngā wā pū anō kāore e tutuki ana tāu.

He kaiwhakaatu motuhake ngā poropiti me ngā āpōtoro mō te Karaiti, nō reira he nui ā rātou kōrero e pā ana ki te huarahi hei whakaatu atu Mōna. Tirohia tā Erata Dieter F. Uchtdorf i ”But What If It’s Hard?” (he wāhanga i te “Missionary Work: Sharing What Is in Your Heart,” Liahona, Mei 2019, 18) ki tā Erata Gary E. Stevenson rānei i “Love, Share, Invite” (Liahona, Mei 2022, 84–87). He aha tāu e kite ai i reira hei āwhina i tētahi e ngākau marū haere ana e pā ana ki te toha atu i te rongopai?

He aha tāu hei whakarāpopoto i ngā mea katoa kua rangahaua nei e koe ki te rerenga kotahi, ki ngā rerenga e rua rānei hei whakakipakipa i te tangata ki te tohatoha atu i te rongopai? Tēnā pea, hangaia ake tētahi pānui whakaahua, tētahi atakata rānei e whakahihiko ai i tō ngākau (i tō ētahi atu hoki) ki te ngana tonu.

Tirohia anōtia ”Help Me Teach with Inspiration,” Hymns, nama 281; “Alma Is Commanded by an Angel to Return to Ammonihah” (whitiāhua), Wharepukapuka Rongopai; Kaupapa Rongopai, “Inviting All to Receive the Gospel of Jesus Christ,” Wharepukapuka Rongopai.

2:23

I a koe e pānui ana mō te āhua o ngā mahi a te iwi i Amonaiha ki ngā pononga a te Ariki, he māmā te wareware, nā, he iwi ū ki te rongopai i tōna wā, ā, he “iwi makau nui a te Ariki” (Arami 9:20). I a koe e pānui ana mō ngā manaakitanga nui i hoatu ai e te Atua ki te iwi o Nīwhai (tirohia rawatia Arami 9:14–23), whakaarohia ngā manaakitanga nui Nāna nei i hoatu ki a koe. He aha ngā haepapa e haere ngātahi mai ana me ēnei manaakitanga? He aha tāu hei ū pono ki ēnei haepapa?

Tirohia anōtia Whakaakoranga me ngā Kawenata 50:24; 82:3; 93:39.

I Arami 11–12, i whakahāngaitia e Arami rāua ko Amureke te mahere o te Atua hei mahere hokonga. I a koe e pānui ana i ēnei upoko, whakaarohia he aha te kupu hokonga i meatia ai hei whakamārama i tā te Atua mahere. Tuhia tētahi whakarāpopoto mō ngā mea i whakaako ai a Arami rāua ko Amureke e pā ana ki ngā āhuatanga o te mahere e whai ake nei:

• Ko te Takanga

• Ko te Kaihoko

• Rīpenetātanga

• Matenga

• Aranga

• Whakawākanga

Tirohia te mana o ngā kupu a Amureke ki runga i te iwi (tirohia Arami 11:46). He aha ngā pānga o tō mōhio ki te mahere o te Atua ki a koe?

Tirohia anōtia tā Dallin H. Oaks, “The Great Plan,” Liahona, May 2020, 93–96; “Amulek Testifies of Jesus Christ” (whitiāhua), Wharepukapuka Rongopai.

6:10

Ka whakaaro ake ētahi he aha e kore ai te Matua i te Rangi e whakamōhio i ngā mea katoa ki a tātou. I Arami 12:9–14, i whakamāramahia tētahi take e Arami. Mā ēnei pātai e āwhina i a koe hei whakaarohia ake tāna i whakaako ai:

• He aha te tikanga o te kōrero, whakapakekehia tō ngākau? He aha ngā hua o te whakapakeke i tō ngākau? (tirohia anōtia Arami 8:9–11; 9:5, 30–31; me 10:6, 25).

• He aha tāu hei whakatahuri i tō ngākau ki te Atua? (tirohia Heremaia 24:7; Arami 16:16; Heramana 3:35).

• He aha tāu hei whakairo iho i ngā kupu a te Atua “e kitea ai i roto i a [koe]”? (Arami 12:13). Mehemea kei roto te kupu a te Atua i a koe, he aha ōna pānga ki ō “kupu,” “mahi,” me ō “whakaaro”? (Arami 12:14).

He aha ngā akoranga e puta mai ana i ngā kōrero mō Amureke mō ngā manaakitanga e ahu mai ana i te ngākau ngāwari? (tirohia Arami 10:1–11).

Tirohia anōtia “Alma Warns Zeezrom” (whitiāhua), Wharepukapuka Rongopai.

3:59

• Mā te whārangi mahi mō tēnei wiki e āwhinai a koe hei whakarāpopoto i ngā mahi i Arami 8–10 mō ō tamariki. Tērā pea e hiahia ana koe ki te āwhina i a rātou ki te kimi i ngā tikanga nā konā meinga a Arami rāua ko Amureke hei mihingare pai. Hei tauira, kāore rāua i tuohu (tirohia Arami 8:8–13), i whakaatu rāua mō te Karaiti (tirohia Arami 9:26–27), ā, i mahi tahi rāua (tirohia Arami 10:12).

• Ka puta he whakaaro i tētahi waiata pērā i I Want to Be a Missionary Now” (Children’s Songbook, 168) hei whāngai atu ki ō tamariki mō te tohanga atu o te rongopai ki ō rātou hoa. Tonoa rātou ki te whakarārangi i ngā whakaaro me ngā tāngata hoki e taea ai e rātou te rongopai te toha atu. Māu pea rātou e tuku kia mahi whakaari mō tā rātou e kōrero ai, e mahi ai rānei.

• Me tā pikitia ō tamariki mō ngā tikanga o te mahere o te hokonga, pērā i te Takanga o Arama rāua ko Iwi, te Whakamārietanga o Ihu Karaiti, te rīpenetātanga, te matenga, te aranga, me te whakawākanga. Kātahi ka āwhina i a rātou ki te whakahono atu i ngā pikitia ki ngā whiti i Arami 11–12 e whakaako ana mō ēnei tikanga.

• Māu tētahi tamaiti e tono hei whakaari anō nei ko Amureke ia, me tētahi atu anō nei ko Arami i a koe e kōrero ana i ngā kōrero i Arami 8:18–22. Ka taea e au hei hoa pai. Tērā pea me kōrero mai ō tamariki mō ngā wā i whakahoahia rātou e tētahi me ōna kare ā–roto i ahu mai i taua āhuatanga.

• Me waihanga tētahi panga whakahoa: kimihia, tāngia rānei tētahi pikitia hei tohu mō te hoatanga kātahi ka kutia hei kongakonga panga. Tuhia ki muri i tēnā me tēnā o ngā kongakonga panga tētahi mahi e taea ai hei hoa pai, tae atu ana ki ngā mea i mahia e Arami rāua ko Amureke. Mā ō tamariki e kōwhiri haere i tētahi wāhanga kātahi ka tāpiri atu ki te panga i a koe e pānui ana i ngā kupu kua tuhia ki muri. Ko wai e hiahia ana kia whakahoangia ngātahitia?

• Me huri ō whakaaro ki tētahi akoranga ā–mea hei whakaako atu e pā ana ki te Aranga: ko tō ringa hei tohu mō tō wairua, ā, ko tētahi kahuringa hei tohu mō tō tīnana. Tangohia atu tō ringa i te kahuringa hei whakaako i te āhuatanga e weheruatia ō tātou wairua i ō tātou tīnana hei te matenga. Tangohia atu tō ringa i te kahuringa hei whakaako i te āhuatanga e weheruatia ō tātou wairua i ō tātou tīnana hei te matenga. Tukua ō tamariki kia kuhuna ō rātou ringaringa ki roto i te kahuringa kātahi ka tangohia atu i a koe e pānui ana i Arami 11:43 ki a rātou. Huraina atu tētahi pikitia mō te Kaiwhakaora whai muri i Tana aranga (tirohia Gospel Art Book, no. 59), kātahi ka whakaatu atu nā Ihu Karaiti i mea e taea ai kia whakaarahia ake tātou katoa.