Mōhia 11–17

I a koe e pānui ana i Mōhia 11–13; 17, titiro ki ngā pikitia mō Apinati i tēnei takotoranga. He aha ngā mea e ako ai koe mō te tū hei kaiwhakaatu o te Karaiti? Tuatahi ake, me aro tō rangahau ki ngā whiti me ngā pātai pēnei:

• He aha tō whakamāramatanga mō Noa me tana iwi? He aha te take me māia kia tuku atu a Apinati i tā te Atua karere ki a rātou? (tirohia Mōhia 11:1–19, 27–29; 12:9–15).

• He aha tō whakamāramatanga mō Apinati? He aha ngā mea i mōhio ai a Apinati nā konā māia tana whakaaturanga? (tirohia Mōhia 13:2–9, 28, 33–35; 17:8–10, 20).

He aha ngā wā kua tū ko koe anake hei whawhai mō te Kaiwhakaora me Tana rongopai? He aha Tāna hei āwhina ai hei mōhio koe kei tō taha Ia? I a koe e whakaaroaro ana ki tēnei, māu e pānui te tuhinga o Eriha me tana pononga taitamariki i 2 Kīngi 6:14–17. He aha ngā mea e hihiko ake nei i tō ngākau nā tēnei kōrero?

Māu e tirotiro i ngā whārangi 31–33 o For the Strength of Youth: A Guide for Making Choices kia rapua ngā rerenga kōrero mā konā māia ai koe ki te whawhai mō te tika. Ka pēnā rānei koe ki ngā kupu o tētahi hīmene pērā i ”Do What Is Right” “Let Us All Press On” rānei(Hymns, nama 237, 243).

Me pēhea koe e whakamahi i tāu i ako ai i a Apinati? Kei roto i te whitiāhua ”Dare to Stand Alone” (Wharepukapuka Rongopai) ngā āhuatanga e taea ai e koe te tū mō te Karaiti me Tana rongopai. He aha atu ētahi tauira e whakaarohia nei e koe?

Tirohia anōtia “Rōma 1:16; 2 Tīmoti 1:7–8; “Upoko 8: The Call for Courage,” Teachings of Presidents of the Church: Thomas S. Monson (2022), 135–47; Ngā Kaupapa Rongopai, ”Faith in Jesus Christ,” Wharepukapuka Rongopai.

I waia ngā pirihi a Kīngi Noa ki ngā kupu a te Atua. I takina e rātou ngā whiti karaipiture, ā, i mea rātou nā rātou ngā whakahaunga i whakaako atu. Heoi, kāore i pāngia ō rātou oranga e te rongopai o te Kaiwhakaora. He aha i pēnā ai?

Me whakaaro ki tēnei i a koe e pānui ana i Mōhia 12:19–37. He aha te tikanga ki a koe anō o te whakahāngai atu i tō ngākau ki te māramatanga ki tā te Atua kupu? He aha ngā kupu, ngā rerenga kōrero rānei e hihiko ai i tō ngākau kia panoni i ngā āhua e ako ai koe i te rongopai?

Whakaarohia ake te tirohanga a Apinati i mea ai “kīhai ngā whakahaunga ”i tuhituhia i roto i [ngā] ngākau” o ngā pirihi (Mōhia 13:11). He aha pea te tikanga o tēnei rerenga kōrero? I a koe e pānui ana i Mōhia 13:11–26, me whakaaro ake mehemea kua tuhia ēnei whakahaunga i roto i tō ngākau.

Tirohia anōtia Heremaia 31:31–34; 2 Korinihi 3:3.

I Mōhia 14–15, tirohia ngā kupu me ngā rerenga e whakamāramahia ana te Kaiwhakaora me Tana whakamamaetanga mōu. He aha ngā whiti e whakahohonu ake i tō aroha me tō whakawhetai ki a Ia?

Nā Apinati i whakaako, nā, ko te Atua te Tama–Ihu Karaiti–e tū ai hei Kaihoko (tirohia Mōhia 15:1), e noho ana i te kikokiko, e meinga ana hei tangata hei Atua hoki (whiti 2–3). I tuohu katoa iho i a Ia anō ki tā te Atua te Matua i pai ai (whiti 5–9). Nā konei, ko Ihu Karaiti te Tama a te Atua, koia hoki te whakakanohitanga tika rawa o te Atua te Matua i runga i te whenua (tirohia Hōani 14:6–10).

Ko Ihu Karaiti anō te Matua i te mea, ina whakaae tātou i Tana hokonga, ka meinga tātou hei “uri Mōna” ā, hei “kaiwhiwhi ki te kīngitanga o te Atua” (Mōhia 15:11–12). Kia pēnei kē te kupu, ka meinga tātou hei mea whakawhānau tuarua mā roto i a Ia (tirohia Mōhia 5:7).

He aha e hirahira ai ki ō whakaaro kia mōhio ai ki ēnei mea pono mō te Matua i te Rangi rāua ko Ihu Karaiti? Me pēhea tā Apinati whakaaturanga e whakakaha nei i tō whakapono ki a Rāua?

• Hei ētahi wā i ō tātou oranga, ka huapae mai ngā kōwhiringa e werohia ana tō tātou whakapono i a Ihu Karaiti. He aha ngā mea e ako ai āu tamariki i a Apinati mō te tū hei kaiwhakaatu o te Karaiti, ahakoa kāore e pai ana ki te katoa? Mā ngā mahi toi i tēnei whakatakotoranga mā tēnei rānei ”Chapter 14: Abinadi and King Noah” (i te Book of Mormon Stories, 38–42) e āwhina i a rātou ki te kite i ō rātou hinengaro ngā kōrero i Mōhia 11–13; 17. Pātai atu ki a rātou he aha ngā mea pai o Apinati.

  

  NaN:NaN

• Tērā pea ka pai ki āu tamariki te mahi whakaari i ētahi wāhanga o te kōrero mō Apinati. Kātahi ka taea e rātou te mahi whakaari i ngā momo āhuatanga e puta ake i ō rātou ake oranga ina tonoa rātou e ētahi atu ki te mahi hē. Ka taea rānei e rātou te tuku kōreo mō ngā taima i māia rātou ki te whai atu i a Ihu Karaiti. He aha tā Apinati hei whai atu i a Ihu Karaiti? (tirohia Mōhia 13:2–9; 17:7–10). He aha a Kīngi Noa i kore ai e mahi i ngā mea i mōhio nei ia he tika? (tirohia Mōhia 17:11–12).

• I mōhio ngā pirihi a Kīngi Noa ki ngā whakahaunga engari kīhai i “tuhia i [ō rātou] ngākau” (Mōhia 13:11). Me pēhea koe e āwhina i ō tamariki kia mōhio ai ki ngā whakahaunga me te aroha hoki ki ēnā mea? Tērā pea me tuhituhi ngā whakahaunga e rātou i Mōhia 12:33–36 me 13:11–24 i runga i ngā pepa kua kutikutia hei manawa te āhua. I a rātou e pēnā ana, me āta kōrero ki a rātou te tikanga o ēnei whakahaunga, ā, me pēhea hoki tōna whai. Me pēhea tātou e tuhituhi i ēnei whakahaunga i ō tātou ngākau?

• Waiatahia ngātahitia tētahi waiata mō ngā whakahaunga, pērā i “Keep the Commandments” (Children’s Songbook, 146–47). He aha ngā manaakitanga e ahu mai ana i te ū ki ngā whakahaunga?

• Ahakoa he upoko poto, kei roto i a Mōhia 14 ētahi kupu me ētahi rerenga e kōrero ana mō Ihu Karaiti. Tērā pea mā koutou ko ō tamariki ērā mea e whakarārangi i a koutou e pānui tahi ana. Kātahi ka taea e koutou te kōrero mō ō koutou kare ā–roto e pā ana ki te Kaiwhakaora i a koutou e rangahau ana i ēnei kupu me ēnei rerenga.

• I takina e Apinati ngā kōrero a Ihāia hei whakaako mō Ihu Karaiti, i whakatauritetia tātou e Ihāia anō nei he hipi e ngaro ana. Tonoa āu tamariki ki te tuku kōrero mō ngā wā i ngaro i a rātou tētahi mea, i te ngaro rānei rātou. I pēhea rātou? I aha rātou? Kātahi ka taea e koutou te pānui tahi i Mōhia 14:6 me 16:4–9. Me pēhea tātou e rite nei ki ngā hipi e ātiutiu atu ai i te Atua? I pēhea tā Ihu Karaiti e āwhina ai i a tātou kia hoki mai anō?