Mōhia 1–3

I roto i ēnei whiti, tirohia me pēhea i manaakitia te iwi o Kīngi Peniamine e ngā tuhinga tapu. Me pēhea tō oranga e pai ake ai i tō pupuri i ngā karaipiture?

Ki ō whakaaro, mehemea ka pātai koe ki a Kīngi Peniamine he aha ia i mahi i runga i tōna “kaha, whakaaro me tōna mārohirohi” katoa, he aha tana whakautu? (Mōhia 2:11). Me whakaaro ki tēnei i a koe e pānui ana i Mōhia 2:10–26. He aha tā Kīngi Peniamine i whakaako ai nā konā hihiko nei tō ngākau kia kaha ake tō mahi ki ētahi atu? Hei tauira, he aha te tikanga ki a koe, nā, ina mahi koe ki ētahi atu tāngata, e mahi ana anō hoki koe ki te Atua? (tirohia Mōhia 2:17). Me whai atu i tā te Wairua e mōhio ai me pēhea koe e mahi ki tētahi atu i tēnei wiki.

Ahakoa e mōhio ana tātou me mahi ki ētahi atu, ka uaua i ētahi wā. Ko tētahi atu huarahi rangahau i Mōhia 2:10–26 ko te whakarārangi i ngā mea pono i whakaakona ai e Kīngi Peniamine e āwhina ai i a koe kia taea ai ō uauatanga e aukati ana i tō mahi ki ētahi atu. He aha ngā mea i kitea nei e koe nā konā mōhio ai koe he pono tā Kīngi Peniamine whakaakoranga?

I kōrero mai a Tumuaki Joy D. Jones e pā ana ki tētahi āhuatanga mananui nā konā rerekē tana titiro ki te mahi ki ētahi atu. Pānuitia tāna i “For Him” (Liahona, Noema 2018, 50–52), kātahi ka whakaarohia ake ki ngā huarahi e puare ana hei mahi koe ki ētahi atu. Tērā pea māu e whakarārangi i ētahi me te āta whakaaro me pēhea tā Tumuaki Jones karere rāua tahi ko Mōhia 2:17 e kukume mai i a koe ina kitea ēnā huarahi. He hīmene pērā i “A Poor Wayfaring Man of Grief” (Hymns, nama 29) he whitiāhua rānei pērā i “The Old Shoemaker” (Wharepukapuka Rongopai) tētahi mea hei āwhina kia hua ake ētahi atu whakaaro.

3:28

Tirohia anōtia Matiu 25:40; “Faith Murray’s Story: Overcoming Adversity through Service,” “King Benjamin Teaches about Serving God” (whitiāhua), Wharepukapuka Rongopai; JustServe.org; Ngā Kaupapa Rongopai, “Service,” Wharepukapuka Rongopai.

4:52

4:18

Me pēhea koe e whakamārama i te koa e ahu mai ana i te ngohengohe ki te Atua? He rerenga rānei i Mōhia 2:38–41 e āwhina mai i a koe ki te whakamārama atu he aha koe e pupuri ai i Ana whakahaunga?

I whakaatu atu a Kīngi Peniamine, pērā i ngā poropiti katoa, mō Ihu Karaiti “kia whiwhi tana iwii tētahi murunga i ō rātou hara, kia koa hoki i runga i te hari tino nui” (Mōhia 3:13). Anei ētahi pātai hei whakaarohanga māu i a koe e rangahau ana i Mōhia 3:1–20:

• He aha tāku e ako ai i ēnei whiti mō te Kaiwhakaora me Tana mīhana?

• He aha tāku e ako ai i Mōhia 3:18–19 e pā ana ki te tikanga o te kōrero kia huri hei hunga tapu?

• He aha tā Ihu Karaiti hei āwhina nei i ahau kia taea ai te hara, kia panoni taku āhua, me te whakatata atu kia tino rite ki tētahi hunga tapu?

He aha ngā mea e taea ana nā te hiko? Me pēhea tō oranga e rerekē mehemea kāore he hiko? Mā ēnei pātai koe e āwhina kia huri atu ngā whakaaro ki te mana e nui ake ana e tō mai ai te Kaiwhakaora ki roto i tō oranga.

I kī ake te anahera i tana putanga mai ki a Kīngi Peniamine ko Ihu Karaiti “te Ariki Kaha Rawa.” ko te tikanga o taua taitara, arā, kei a Ia te mana katoa. He aha tāu e ako ai i Mōhia 3:5–21 mō te Kaiwhakaora me Tana whakamahi i Tōna mana? Kua pēhea tō kite atu i tō te Kaiwhakaora mana i roto i tō oranga, i ō te hunga hoki e karapotia nei koe? He aha ngā mea e taea ana e koe nā Tōna mana? Me pēhea tō oranga e rerekē mehemea kāore Tōna mana?

• Kei te whārangi mahi mō tēnei wiki tētahi karauna e ahei ana i āu tamariki te hanga. Tērā pea me tū tēnā me tēnā o ngā tamariki ki runga tūru anō nei ko Kīngi Peniamine i a koe e kōrero ana i ngā mea i whakaakona e Kīngi Peniamine ki tana iwi, kei roto i Mōhia 2–3. Māu anō hoki e kōrero atu ki a rātou ngā mea i ”Chapter 12: King Benjamin” (Book of Mormon Stories, 32–35) hei whakamārama poto i ngā whakaakoranga a Kīngi Peniamine.

  

  3:13

• Ko Mōhia 2:17 tētahi whiti pai pea hei akoako mā ō tamariki. Māu rātou e āwhina mā te tōai i ētahi kupu, kia pēnei te haere. Māu rānei te whiti e tuhituhi iho, engari kaua e tuhia ētahi kupu, kātahi ka tono atu ki ngā tamariki kia kimihia aua kupu e ngaro ana. Kātahi ka taea e koe te kōrero tahi me ō tamariki he aha te Atua e hiahia ai kia mahi tātou tētahi ki tētahi.

• Māu ō tamariki e āwhina ki te kimi i Mōhia 2:11–18 kia kitea ai he aha tā Kīngi Peniamine hei mahi ki ētahi atu. Kātahi ka tuhia iho e ō tamariki i runga pepa whāiti ētahi mahi whakarato ki ngā mema o te whānau. Whakaraua iho ngā pepa ki roto i tētahi ipu, pērā i tētahi pēke, ipu rānei, kia tīpakohia tētahi ia rā e ō tamariki, me te mahi i taua mahinga ki tētahi atu.

• Nā tō Kīngi Peniamine whakawhetai nui ki te Atua huri atu ai ia ki te mahi ki tana iwi. Me pēhea koe whakatō iho i aua momo whakaaro ki roto i ō tamariki? Me pānui ngātahi koutou i Mōhia 2:21 kātahi ka tīmatahia te whakarārangi i ngā manaakitanga kua homai nei e tō tātou Matua i te Rangi. Kātahi ka taea e koe te tāpiri atu i ētahi atu manaakitanga e whakaarohia ai e ō tamariki.

• Anei tētahi kemu hei tākaro mā koutou kia āwhina ai i ō tamariki kia kitea ngā manaakitanga a te Matua i te Rangi. Ka tukutuku haere ngā tamariki i tētahi pikitia huri noa i a rātou i a rātou e waiata ana, e whakarongo ana rānei ki tētahi waiata whakawhetai (tirohia ”Gratitude” i roto i te rārangi kuputohu kaupapa o te Children’s Songbook). Me tū te waiata i ētahi wā, kātahi ka tonoa te tamaiti kei a ia te pikitia kia kōrero mai mō tētahi manaakitanga kei a ia. E ai ki Mōhia 2:22–24, me pēhea tātou e whakaatu atu he nui tō tātou whakawhetai mō ngā manaakitanga?

• I kōrero atu tētahi anahera ki a Kīngi Peniamine mō ngā mea pono whakahirahira e pā ana ki te oranga me te minitatanga a Ihu Karaiti. Me titiro pea koutou ko ō tamariki ki ngā pikitia mō ētahi o ngā āhuatanga kua kōrerohia ake nei i Mōhia 3:5–10 (hei tauira, tirohia, Gospel Art Book, nos. 30, 41, 42, 57, 59). I a koe e pānui ana i Mōhia 3:5–10, ka tū ō tamariki i ō rātou ringaringa ina rongo rātou i tētahi kōrero e hāngai ana ki tētahi o ngā pikitia.

  

• Kua āwhina ō tamariki ki te tunu kai mā te whai i tētahi tohutohu tao kai? Me kōrero koe mō taua mahi me te whakamahi i Mōhia 3:19 kia hangaia ake tētahi “tohutohu tao kai” e tohua ana me pēhea e rite haere ki a Ihu Karaiti. E pēhea ana tā Ihu āwhina i a tātou kia rite haere ki a Ia?