Arami 39–42

Ka kite tātou i tā Arami kōrero ki tana tama a Koriatono i Arami 39 ngā mea hei ako i a tātou e pā ana ki ngā āhuatanga whakaweriweri o te hara onioni, tae atu ana ki te mātaki karihika, arā, ngā whitiāhua onioni. Ko te mea nui kē pea, mā tā Arami koe e āwhina kia mārama ai ki tā te Kaiwhakaora tuku i te murunga hara me tana tuku whakaoranga ki ngā tāngata e rīpenetā ana. Mā ēnei pātai me ēnei mahi e āwhina:

• He aha ngā hē nā konā whatia e Koriatono te ture o te tapu o te tīnana? (tirohia Arami 39:2–4, 8–9). He aha ngā utu o āna mahi? (tirohia ngā whiti 5–13). He aha ngā mea e whakaatu mai ana i tā Koriatono rīpenetātanga? (tirohia Arami 42:31; 49:30; 48:18). He aha ngā mea e ako ai koe e pā ana ki te Kaiwhakaora i tēnei kōrero?

• Pānuitia ngā whārangi 19–20 o te For the Strength of Youth: A Guide for Making Choices. Kātahi ka tuhia tāu ake whakamāramatanga mō te whitiāhua karihika, he aha e mōrearea ai hoki, ā, ka aha hoki koe mehemea ka tūpono ki taua mea. Tirohia anōtia Matiu 5:27–28 and Whakaakoranga me ngā Kawenata 63:16.)

• He aha atu tāu e kī ai ki tētahi hoa e pā ana ki tō kōwhiringa kia karo ai i ngā whitiāhua karihika me te ū hoki ki te ture o te tapu o te tīnana? He aha ō tirohanga e tukuna atu e koe mai i ”Your Body Is Sacred” i For the Strength of Youth: A Guide for Making Choices (whārangi 22–29)?

• Me mātakitaki te whitiāhua ”To Look Upon” (Wharepukapuka Rongopai). Me tū te whitiāhua i ngā wā e taea ai e Rāwiri te kōwhiri atu i tētahi atu kōwhiringa. He aha ngā kōwhiringa a Rāwiri e taurite ana ki ngā kōwhiringa e meatia ai e tātou?

4:15

Tirohia anōtia tā Bradley R. Wilcox, “Worthiness Is Not Flawlessness,” Liahona, Nov. 2021, 61–67; “Pornography” i te “Life Help” he kohinga o te Wharepukapuka Rongopai.

I a Koriatono ētahi pātai e pā ana ki ngā āhuatanga whai muri iho i te mate. Nā ēnei pātai ka whakaakona e Arami ngā tikanga kei roto i Arami 40–41. I a koe e rangahau ana, meatia tētahi rārangi mō ngā mea pono e kite ai koe e pā ana ki ngā mea pērā i te ao wairua, te aranga, me te whakawākanga. Me pānui koe i ēnei upoko mai i te tirohanga o tētahi tangata pērā i a Koriatono, e whaitikanga ana ki te rīpenetā—nā te mea, e tika ana kia pērāhia e tātou katoa.

I ētahi wā ka whakaaro ake tātou e mōhio ana ngā poropiti ki ngā whakautuki ngā pātai rongopai katoa. Engari kia aro atu ki ngā pātai a Arami kīhai i whakautua i upoko 40. He aha tāna hei kimi whakautu? He aha tāna i ngā wā kāore ōna whakautu? Me pēhea tā Arami tauira e āwhina ai i a koe?

I whakapono a Koriatono kāore e tika ana kia whakawhiua te tangata mō te hara (tirohia Arami 42:1). I Arami 42, he aha tā Arami hei aro atu ki tēnei whakaaro ōna? Māu pea e whakariterite i ngā whitinga kei roto i tēnei upoko kia rua ngā rōpū: “he tika te Atua”, ā, “he aroha tō te Atua.” Me pēhea te tika me te aroha e puta ai i tō te Kaiwhakaora Whakamārietanga? Kimihia ētahi atu tirohanga i te whitiāhua ”The Mediator” (Wharepukapuka Rongopai).

10:47

Tirohia anōtia ”How Great the Wisdom and the Love,” Hymns, 195.

• Mā ngā kōrero tohutohu a Arami ki a Koriatono e āwhina i ō tamariki kia mārama ai ki te whakahirahira o te mahi pai. Pānui tahitia Arami 39:1. He aha ngā mahi pai i whakatauiratia e Hipirona, te tuakana o Koriatono? Mā ō tamariki e kimi i ētahi atu whakautu ki tēnei pātai i Arami 38:2–4.

• E taea ana anō te takaro kēmu e whaiwhai ana koutou i ā koutou mahi, e kape ana tētahi i tētahi. Meatia tēnei kemu hei whakaako i te mana o ā tātou mahi hei āhwina i ētahi atu ki te mahi pai. Me waiata ngātahit ”I Am like a Star” (Children’s Songbook, 163), kātahi ka āwhina i ō tamariki kia whakaarohia ake ngā momo huarahi e taea ai te mahi pai.

• Ka taea te whakataurite i te rama, i tētahi pikitia rānei o te rā ki te mana nui o te mahi pai. Ka titiro koutou ko ō tamariki ki ētahi pikitia o Ihu e mahi ana i ngā mea pai kātahi ka kōrero e pā ana ki te tauira i whakatakotohia e Ia mō tātou. E taea ana e ngā whitiāhua ”Shine Your Light So Others May See” me “Lessons I Learned as a Boy” hei āwhina i ō tamariki ki te whakawhiti kōrero e pā ana ki tā rātou tauira hei ārahi i ngā tāngata ki te Karaiti.

3:20

4:4

• Kia kaua e ruku hohono ki te āhua o ōna hara, whakamāramahia tā Koriatono kōwhiringa hē. He aha tā tātou hei āwhina i a ia? Me pānui i a Arami 39:9 ki ō tamariki, kātahi ka āwhina i a rātou e mārama ai ki te tikanga o te rīpenetā me te whakarere. Whakaaturia atu, nā, kua puta te rīpenetātanga i a Ihu Karaiti me Tana Whakamārietanga.

• Anei tētahi akoranga ā–ringa hei whakaahua ake i te hari o te rīpenetātanga: Hoatu tētahi mea taumaha ki tētahi tamaiti e pupuri ai i a koe e kōrero ana mō tētahi tangata i hē ai, ā, nā konā ka pāmamae ia. Me kī atu ki ō tamariki e rite ana taua mea taumaha ki ngā pāmamaetanga e mau nei tātou ina mahi hē tātou. Tangohia atu te mea taumaha i te tamaiti i a koe e whakaatu ana e pā ana ki tā te Matua i te Rangi rāua ko Ihu Karaiti tango atu i ngā kare ā–roto taumaha, me ngā pāmamaetanga mā konei āwhina ai i a tātou e pai ai te rīpenetā.

• E pai ana kia huri ngā whakaaro ki tā tātou ina mate tātou. He aha tāu hei āwhina i ō tamariki ki te rapu i ngā whakautu o te wairua? Māu e tuhi matenga, ao wairua (pararaiha me te whareherehere wairua), aranga, me te whakawākanga i runga i ētahi atu pepa. Āwhinatia ō tamariki kia mārama ki te tikanga o ēnei kupu. I a koe e pānui tahi ana i a Arami 40:6–7, 11–14, 21–23, ka whakaraupapahia ngā kupu e ō tamariki i te whakaraupapa tika e rangona ai i ēnei whiti.

• Ka whaihua ngā tamariki pakeke ake i te kimi whakautu ki ngā pātai mā te tirotiro i Arami 40:6–7, 11–14, 21–23. Me ui atu ki ō tamariki ngā pātai e whakautua ai i roto i ēnei whiti, pērā i te “Ka pēhea te āhua o tōku tīnana ina whakaarahia ake au?” Tonoa rātou ki te kimi whakautu i roto i ngā whiti e tika ana.

  

• Kei mōhio rānei ō tamariki ki tētahi kua mate? Māu pea e paku kōrero mō taua tangata. Tukuna tō whakaaturanga, hei tōna wā—ka whakaarahia ake rātou—me ngā tāngata katoa—he mea nā Ihu Karaiti. Mehemea e tika ana, whakamahia te whārangi mahi mō tēnei wiki hei whakamārama atu e pā ana ki te tikanga o te whakaaratanga.