3 Nīwhai 20–26

I 3 Nīwhai 20–22, i poropititia e te Kaiwhakaora e pā ana ki te anamata o Tana iwi kawenata (tirohia rawatia 3 Nīwhai 20:30–32, 39–41; 21:9–11, 22–29). I a koe e pānui ana i ēnei whiti, kia mahara ki tā Tumuaki Russell M. Nelson: ”Ko tātou ētahi o ngā iwi kawenata a te Ariki. Ko tō tātou waimarie kia āwhina i ngā mahi whakatutuki i ēnei whakaari. Kātahi ko te wā pai e ora ai tātou!” (“The Gathering of Scattered Israel,” Liahona, Noema 2006, 79). He aha ngā poropititanga tino pai rawa ki a koe? He aha tāu hei whakatutuki i aua poropititanga?

I 3 Nephi 22 me 24, ka takina e te Kaiwhakaora ngā kupu nā Ihāia rāua ko Maraki e kikī ana i ngā āhuatanga me ngā whakatauritetanga—ngā korakora i te ahi, te hiriwā poke kore, te mārenatanga, ngā matapihi o te rangi (tirohia rawatia 3 Nīwhai 22:7–8, 10–17; 24:10–12, 17–18). He aha ngā mea e whakaakona ai i ēnei whiti mō whanaungatanga o te Atua me Tana iwi—me Tana whanaungatanga ki a koe? Me pēhea ēnei whakaari i ēnei upoko i whakatutuki nei i tō oranga, i te oranga rānei o tō whānau?

Tirohia anōtia “The Refiner’s Fire” (whitiāhua), Wharepukapuka Rongopai.

5:2

He aha te mea pai rawa ki a koe mō tā Kaiwhakaora kōrero tahi me Nīwhai i 3 Nīwhai 23:6–13? Mehemea ka tirohia e te Kaiwhakaora ngā tuhinga kua mau nei i a koe, he aha pea ētahi pātai e uia ai koe e Ia? He aha ngā mahi tino whakahirahira, ngā āhuatanga wairua rānei e tika ana kia tuhia? He aha te take e whakahirahira ana kia pērā ai? (tirohia 3 Nīwhai 26:2).

I a koe e pānui ana 3 Nīwhai 20:10–12; 23; 26:1–12, me āta whakaaro ki ngā whakaaro a te Kaiwhakaora mō ngā karaipiture. He aha te rerekē o te rangahau karaipiture i te pānui noa i ngā karaipiture? (tirohia 3 Nīwhai 23:1).

Kua whakahaua te iwi o te Atua mai rā anō ki te tuku whakatekau (tirohia Kenehi 14:17–20; Maraki 3:8–11). I a koe e rangahau ana i 3 Nīwhai 24:7–12, me whakaaro ki te take e tonoa ana e te Atua Tana iwi ki te tuku whakatekau. Mā ēnei pātai me ēnei mahi e āwhina:

• He aha tēnei mea te ture whakatekau? Tirohia Whakaakoranga me ngā Kawenata 119. Ko te tikanga o te “interest” i tēnei whakakitenga, arā, ko te utu tāpiri. Me tuku whakatekau ngā mema katoa e whai mahi ana.) He aha te rerekē o te whakatekau i ērā atu momo koha?

• E whakamahia ana te whakatekau mō te aha? Ka kitea tētahi rārangi i Ngā Kaupapa Rongopai, ”Tithing” (Wharepukapuka Rongopai). He aha ngā manaakitanga i tau ai ki runga i a koe he mea nā te tuku whakatekau e ngā mema o te Hāhi?

• He aha ngā manaakitanga e ahu mai ana i te hunga e ū ana ki te ture whakatekau? (Tirohia 1 Nīwhai 24:7–12). Ka kitea ētahi i roto i tā Erata David A. Bednar karere ” The Windows of Heaven” (Liahona, Noema 2013, 17–20). Kimihia, ngā manaakitanga ehara nei i te mea ā–moni. Kua kitea rānei e koe ēnei momo manaakitanga i tō oranga?

Ka pai pea ki a koe te mātaki i te whitiāhua “Jesus Teaches about the Widow’s Mite” (Wharepukapuka Rongopai), me pānui rānei a Maka 12:41–44. He aha tā tēnei kōrero e whakaako ai i a koe?

1:15

I ō tātou rā, e “whakatahuritia ana [ō tātou ngākau] ki [ō tātou] tūpuna” mā roto i ngā mahi temepara me ngā mahi whakapapa. Mā hea pēneitia ai mōu? I a koe e pānui ana i 3 Nīwhai 25:5–6 me te Whakaakoranga me ngā Kawenata 110:13–16, me tino whakaaro ake he aha e whakahirahira nui ai tēnei wāhanga o tā te Atua mahere.

Tirohia anōtia “Families Can Be Together Forever,” Children’s Songbook, 188.

• Nā ngā tohutohu a te Kaiwhakaora i 3 Nīwhai 23 e whakaatu mai ana Tōna aroha nui ki ngā karaipiture. Hei āwhina i ō tamariki kia kitea ai tēnei, me pānui tahi i 3 Nīwhai 23:1, 5, kātahi ka tonoa rātou ki te whakarongo ki tētahi kupu kua tōaitia kia toru ngā taima. He aha te rerekē o te rangahau i te pānui noa?

• Me tuhi iho e koutou ko ō tamariki tētahi whiti pai rawa kātahi ka hunaia. Kātahi ka haere ki te kimi i ngā karaipiture kua hunaia, pānuitia ngātahitia, kātahi ka āta kōrero tahi mō te whakahirahira o aua whiti.

• Āwhinatia ō tamariki kia rangahaua e rātou 3 Nīwhai 24:8–12 kia kimihia ngā huarahi e whakaotioti ai tēnei rerenga: Mehemea ka tuku whakatekau ahau, mā te Ariki e …. Kātahi ka taea e koe te tuku i tētahi kōrero mō tētahi wā i manaakitia koe nā te tuku whakatekau. Mēnā ka āwhinatia, me tuhi i ngā momo tatauranga moni kātahi ka āwhinatia ō tamariki ki te whakatau e hia whakatekau (10 paiheneti) e tuku ai mō ia tatauranga.

• Mā te whārangi mahi mō tēnei wiki e āwhina ai i ō tamariki ki te ako e pā ana ki ngā momo huarahi e whakamahia ai e te Ariki ngā whakatekau hei manaaki i ngā mema o Tana Hāhi. Kātahi ka taea e rātou te tā pikitia, (te rapu pikitia rānei i roto i ngā makahīni Hāhi) mō ngā manaakitanga e ahu mai ai i te whakatekau.

• Me pēhea koe e whakaako i ō tamariki kia rapua, ā, kia ako e pā ana ki ō rātou tūpuna? Me pēhea koe e whakaako i ō tamariki kia meatia e rātou ngā tikanga tapu mō ō rātou tūpuna ina pakeke ake rātou? Āwhinatia ō tamariki kia rangahaua e rātou 3 Nīwhai 25:5–6 kia kimihia tētahi mea e meatia ake ai hei ngā rā o muri. Me pā ngā taitamariki ō rātou ringa ki ō rātou ngākau ia taima e rongo ai rātou i te kupu “ngākau” i a koe e pānui ana i ēnei whiti. Māu anō e pānui mō tēnei poropititanga me tana whakatutukiranga i te Whakaakoranga me ngā Kawenata 110:13–16 (tirohia anōtia Gospel Art Book, no. 95). Me kōrero tahi e pā ana ki te āhua i huri atu ai tō ngākau ki ō koutou tūpuna. Hei tauira, me kōrero atu e pā ana ki ētahi āhuatanga i pā ai ki a koe i a koe e ako ana e pā ana ki ō tūpuna, i roto i tāu meatanga i ngā tikanga tapu temepara mō rātou.

  

• Āwhinatia ō tamariki kia whakakīngia ai tētahi rākau whakapapa ki ngā ingoa o ō rātou tūpuna. He aha ētahi kōrero e taea te tuku e pā ana ki tētahi o ō tūpuna? Huraina atu ngā pikitia me ka taea. Me waiata ngātahi “Families Can Be Together Forever” (Children’s Songbook, 188) kātahi ka kōrero tahi me ō tamariki mō te hiranga o te whānau i roto i te mahere o te Matua i te Rangi.