Arami 23–29

Kāore i whakapono ka whakatahuri ngā Rāmana ki te rongopai, heoi, i pā ai te panonitanga mīharo rawa ki te tokomaha o rātou he mea nā Ihu Karaiti. I karangatia ēnei Rāmana kua whakatahuritia nei e rātou anō, arā, ko ngā Anati–Nīwhai–Rīhai.

Mā te pānui i a Arami 23–25; 27 e akiaki i a koeki te āta whakaarohia tō ake whakatahuritanga. Tirohia te ara panoni i takahia e ngā Anati–Nīwhai–Rīhai—me te āhua o tā rātou whakatahuritanga “ki te Ariki” (Arami 23:6). Anei ētahi whiti e whai ake nei hei tīmatanga māu:

• Arami 23:6–7

• Arami 11:17–18

• Arami 24:15–21

• Arami 25:13–16

• Arami 27:26–30

He aha ngā āhuatanga i panoni ai koe he mea nā Ihu Karaiti me Tana rongopai? He aha ngā wā i pātata atu ki a Ia? Me pēhea koe e mōhio ai kei te whakatahuri haere ki a Ihu Karaiti? He aha ngā mea e ākina ana koe e te Wairua hei mahi?

Tirohia anōtia tā David A. Bednar, “Converted unto the Lord,” Liahona, Noema 2012, 106–9; Dale G. Renlund, “Unwavering Commitment to Jesus Christ,” Liahona, Noema 2019, 22–25; Ngā Kaupapa Rongopai: “Becoming like Jesus Christ,” Wharepukapuka Rongopai.

He nui noa atu te panonitanga i pā ai ki ngā Anati–Nīwhai–Rīhai, ehara noa i te mea ā–whanonga—he panonitanga o te ngākau i whānau mai ai i te whakapono i a Ihu Karaiti me te rīpenetātanga pono. Tērā pea ka taea e koe te kimi i tētahi mea ponomō te rīpenetātanga i ia whiti o Arami 24:7–19. He ngā mea e whakaakona ai i ēnei whiti mō te aroha o te Atua ki te hunga rīpenetā? He aha atu ngā mea pono anō e akona ana i a Arami 26:17–22?

Me whakaaro ake he aha tā te Atua hei tuku i Tana aroha i tō oranga. Me pēhea koe e tuku whakawhetai ai ki a Ia?

Ka kitea te kupu hari kia 24 ngā taima i Arami 23–29, nā konei he upoko pai ēnei hei ako me pēhea e hari i te oranga—me te tohanga—i te rongopai o te Kaiwhakaora. Me rangahau i a Arami 26:12–22, 35–37; and 29:1–17, e kimihia ana ngā take i hari ai a Amona rātou ko ngā tama a Mōhia, ko Arami hoki. He aha tāu e ako ai i ēnei whiti e ārahina atu ai koe ki te hari nui ake i tō oranga?

I whakaakona e Erata Marcus B. Nash: ”Ko te tohanga atu i te rongopai te mea e muramura ai te hari me te manako i roto i ngā wairua o te kaituku rāua tahi ko te kaiwhiwhi. … Ko te tohatohatanga i te rongopai te hari i runga i te hari, te manako i runga i te manako” (”Hold Up Your Light,” Liahona, Noema 2021, 71). He aha ngā mea kua pā nei ki a koe i a koe e tohatoha ana i te rongopai ki ētahi atu? He aha atu ngā wero e huapae ai ki a koe i a koe e ngana ana ki te toha atu i te rongopai? He aha tā te Matua i te Rangi hei āwhina kia taea ai e koe ēnei wero?

Tirohia tā Tumuaki Dallin H. Oaks karere e kitea ai ngā tohutohu poropiti me pēhea e tohatoha atu i te rongopai—ā, kia hari ai anō i a koe e pēnā ana ”Sharing the Restored Gospel,” (Liahona, Noema 2016, 57–60). He aha ngā tīwhiri e kitea nei koe i tana karere?

Tirohia anōtia “The Bush Family Story,” “Sharing Your Beliefs,” “Sharing the Gospel” (whitiāhua), Wharepukapuka Rongopai.

6:12

2:2

2:0

Hei te wā o te kotinga, whakapiria ai ngā wīti hei mea e kīa ana ko ngā paihere kātahi ka whakaurua ki roto ki ngā pātaka, e kīa ana i ētahi wā ko ngā kāna. I Alma 26:5–7me huri ō whakaaro ki ngā tikanga o ngā paihere, kāna me te marangai i roto i tō oranga. Ka pēhea koe e haumarutia ai e Ihu Karaiti?

Tirohia tā Russell M. Nelson, “The Temple and Your Spiritual Foundation,” Liahona, Noema 2021, 93–96; David A. Bednar, “Honorably Hold a Name and a Standing,” Liahona, Mei 2009, 97–100; “Jesus, Lover of My Soul,” Hymns, no. 102.

• Ka pai pea ō tamariki ki te tanu i ā rātou “rākau whawhai” pērā i ngā Anati–Nīwhai–Rīhai. Me pānui i ētahi whiti mai i Arami 24:6–24 hei whakaako i ō tamariki e pā ana ki ngā oati i oatitia ai e ngā Anati–Nīwhai–Rīhai hei whai atu i te Kaiwhakaora. Kātahi ka whakaarohia ake e rātou tētahi mea e panoni ai rātou hei whai atu i a Ia, tuhia ki runga ki te whārangi mahi mō tēnei wiki, kātahi ka whakataruna anō nei kei te keri rua e tanumia ai tā rātou rākau whawhai.

• Mā ō tamariki e pānui a Arami 24:15–19, e kimi ana i tā ngā Anati–Nīwhai–Rīhai hei “whakaaturanga mō te Atua.” Kātahi ka kōrero atu ki a rātou mō te āhua e rite ai ō tātou kawenata ki “tētahi whakaaturanga ki te Atua” (whiti 18). Tukua ō tamariki kia kōrero ai mō tā rātou hei whakaatu atu ki te Atua e hiahia ana rātou ki te whai atu i a Ia. Mā tētahi waiata pērā i “I Want to Live the Gospel” (Children’s Songbook, 148) e whakahihiko ai i ō rātou ngākau.

• Hei āwhina i ō tamariki, tirohia me pēhea a Ihu Karaiti e āwhina ai i a tātouki te panoni ina rīpenetā tātou, māu e whakaako ki a rātou e pā ana ki ngā Anati–Nīwhai–Rīhai. Kia pēneitia, me tāpiri kupu ki ngā oko e rua “i mua” me “i muri.” Kātahi ka pānuitia ngātahitia a Arami 17:14–15 me 27:27–30, me te tuhituhi iho he aha te āhua o ngā Rāmana i mua, ā, i muri hoki i te rīpenetātanga, kātahi ka purua iho ki roto i te oko tika. E ai ki a Arami 24:7–10, he aha te mea i āwhina ai i a rātou ki te panoni? Me pēhea tātou e whakaatu atu i ā tātou whakawhetai ki te Atua mō Tana aroha?

• Tērā pea ka pai ō tamariki ki te tā pikitia mō ngā mea i te rongopai o Ihu Karaiti e whakakoa ana i a koe. Huraina atu tō pikitia ki ō tamariki, ā, ākina rātou ki te hura atu i ā rātou pikitia ki tētahi hei whakakoa i taua tangata.

• Āwhinatia āu tamariki ki te kimi i ngā kupu hari me te koa i Arami 26 me 29. He aha te mea i meinga ai a Amona rāua ko Arami kia hari, ā, kia koa? Mā konei puta ai ngā kōrero mō te hari e puta mai ana i te ū me te toha i te rongopai a Ihu Karaiti.

• Mā ō tamariki e pānui a Arami 27:22–23, e kimi ana i tā ngā Nīwhai hei āwhina i ngā Anati–Nīwhai–Rīhai pupuri ki tō rātou kawenata kia kore rawa e whawhai anō. Me pēhea tātou e āwhina i ō tātou hoa ki te pupuri i ō rātou whakaari? Mā ō tamariki e mahi whakaari i ngā momo āhuatanga. Hei tauira, he aha tā tātou ki tētahi hoa e hiahia ana ki te rūkahu, ki te mahi tūkino rānei?