Te Wā Whakanui i te Aranga

He whakarerenga iho i te wā whakanui i te Aranga kia huri atu ngā whakaaro ki te Aranga ake o Ihu Karaiti, engari he aha rawa ia te tikanga o te aranga? He aha ngā kōrero i te Pukapuka a Moromona e pā ana ki te aranga? Tērā pea māu ētahi mea pono e whakarārangi mō te aranga i tēnei wā whakanui i te Aranga e kitea ai i 2 Nīwhai 9:6–15, 22; Arami 11:42–45; 40:21–25; 3 Nīwhai 26:4–5.

Māu anō e tuhituhi me pēhea ēnei mea pono mō te aranga e āwhina i āu mahi me te āhua o tō oranga. Hei tauira, me whakaaro ake me pēhea koe e whakaoti i ēnei rerenga: Mehemea kīhai au i mōhio ki ēnei mea … me Nā te mea kei te mōhio au ki ēnei mea …

He himene pērā i ”I Know That My Redeemer Lives” (Hymns, no. 136) i te mea pai hei āwhina i a koe kia whakaarohia ake he aha te Aranga o te Kaiwhakaora i te mea nui ki a koe. I a koe e waiata ana, whakarongo atu, pānuitia rānei te hīmene, tērā pea ka pātai ake kia koe anō, “He aha te rerekē o taku oranga nā te aranga ake o Ihu Karaiti?”

He kohikohinga tō te Wharepukapuka Rongopai o whitiāhua Aranga e tautoko ai i tō mahi rangahau. Māu pea e mātakitaki i tētahi, i ētahi o ēnei whitiāhua kātahi ka āta whakaaro me pēhea ēnā e whakawhānui i tō māramatanga me tō whakawhetai mō te Aranga ake o te Kaiwhakaora.

Tirohia anōtia Ruka 24:36–43; Ngā Mahi 24:15; 1 Koriniti 15:12–23; Reyna I. Aburto, “The Grave Has No Victory,” Liahona, Mei 2021, 85–86; Ngā Kaupapa Rongopai, “Resurrection,” Wharepukapuka Rongopai; “Death, Grieving, and Loss” i te “Life Help” kohikohinga i te Wharepukapuka Rongopai.

E whakaako mārama ana te Paipera, nā, i whakamārie a Ihu Karaiti i ō tātou hara. E whakawhānuitia ana ō tātou māramatanga mō tō te Karaiti whakahere me Tōna whakamamaetanga e te Pukapuka a Moromona. Ka kitea ētahi o ēnei whakakoranga i Mōhia 3:7; 15:5–9; Arami 7:11–13. Whai muri i tō pānuitanga i ēnei wāhanga, me tuhituhi pea tāu e kite ai ki roto i tētahi mahere pēnei i tēnei:

Anei anō tētahi huarahi hei rangahau i ēnei wāhanga: Kimihia ētahi hīmene e hāngai ana ki ngā karere kei roto rā. Mā te kupu tohu “Karaipiture” kei te pito whakamutunga o te pukapuka hīmene koe e āwhina. He aha ngā rerenga i ēnei hīmene me ēnei karaipiture e āwhina ana i a koe kia nui atu tō whakawhetai mō te whakahere a te Kaiwhakaora?

Tirohia anōtia Īhāia 53; Hīperu 4:14–16; Gérald Caussé, “A Living Witness of the Living Christ,” Liahona, Mei 2020, 38–40.

E taea ana te kī, ko te Pukapuka a Moromona tētahi tuhinga mō tētahi iwi i panoni ai nā te Whakamārietanga o Ihu Karaiti. Ka taea ēnei āhuatanga te pānui i Mōhia 5:1–2; 27:8–28; Arami 15:3–12; 24:7–19. Tērā pea ka toko ake ētahi atu tauira hei rangahau atu anō. He aha ngā ōritetanga e kitea nei e koe? He aha ngā rerekētanga e kitea nei e koe? He aha ngā mea e ako ai koe i ēnei āhuatanga me pēhea hoki koe e panoni nā te Kaiwhakaora?

Tirohia anōtia Arami 5:6–14; 13:11–12; 19:1–16; 22:1–26; 36:16–21; Etere 12:27; Moronai 10:32–33.

• Māu e whakamahi ”Chapter 53: Jesus Is Crucified” and “Chapter 54: Jesus Is Risen” (in New Testament Stories, 136–38, 139–44) kia kōrero atu ki ngā tamariki e pā ana ki te Aranga ake o Ihu Karaiti. Tukuna āu tamariki kia kōrero mai ai i ngā mea e mōhio nei rātou mā ngā whakaahua i roto i ēnei upoko.

• He kaiwhakaatu kaha rawa te toronga atu a te Kaiwhakaora ki ngā Amerika whai muri tata iho i Tana Aranga. Me kōrero atu pea koe ki āu tamariki e pā ana ki taua mea, mā te whakamahi 3 Nīwhai 11; 17; the song “Easter Hosanna”; te whiti whakamutunga rānei o “Book of Mormon Stories” (Children’s Songbook, 68–69, 118–19). Akiaki i āu tamariki kia āta whakaarohia ake kua pēhea te whāwhā i ngā taotūnga o Ihu (tirohia 3 Nīwhai 11:14–15) kia tū ai anō nei koia tētahi o ngā tamariki Nāna nei i manaaki (tirohia 3 Nīwhai 17:21). Kōrerohia atu tētahi i tētahi mō ō kotuou kare ā–roto mō Ihu Karaiti me Tana Aranga.

• Hei āwhina i āu tamariki kia kite ai he tā te Pukapuka a Moromona e ako ai mō te aranga, māu pea rātou e tono kia whakataruna anō nei kāore koe i te paku mōhio ki tētahi mea, ā, mā rātou koe e whakamārama. Āwhinatia rātou kia titiro i 2 Nīwhai 9:10–15; Arami 11:41–45; and Arami 40:21–23 mō ngā whakautu ki ngā pātai pēnei: He aha te tikanga o te whakaaratanga? Ko wai mā e whakaarahia ake? Tonoa rātou anō kia tuku whakaaturanga mō tō te Kaiwhakaora Aranga i roto i ā rātou whakautu.

• E whakamāramahia ana e Mōhia 3:7 and Arami 7:11 ētahi o ngā mea i pā ai ki te Kaiwhakaora i roto i Tana Whakamārietanga. Tērā pea ka pānui koe i tētahi o ēnei whiti ki āu tamariki me te tono atu kia whakarongo ki ngā kupu e whakamōhio ana he aha ngā mea i pā ai ki a Ihu mō tātou. Kātahi ka pānui Arami 7:12 kia kite ai he aha Ia i tuku kia pērāhia ai. Me whakaatu atu mō tā Ihu Karaiti rongo i ō tātou mamae katoa me ō tātou mate katoa kia taea ai tātou te whakaaio e Ia.

• He tino hīmene, he tino waiata rānei tā āu tamariki mō Ihu Karaiti me Tana Whakamārietanga? Ka waiata ngātahitia—ka ako ngātahi rānei i tētahi mea hou. Kōrerohia atu mō ngā kupu me ngā rerenga i roto i ngā kupu e whakaako ana i a koe mō te āiotanga me te maungārongo e tukua mai ana e te Kaiwhakaora.

• He maha ngā tauira i roto i te Pukapuka a Moromona mō ngā tāngata i panoni nā te Whakamārietanga o te Kaiwhakaora. Tērā pea me kōwhiri tētahi e āu tamariki hei rangahau mā rātou, pērā i a Enohi (tirohia Enohi 1:2–8), Arami te Tamaiti (tirohia Mōhia 27:8–24), ngā Anati–Nīwhai–Rīhai rānei (tirohia Arami 24:7–19). I pēhea tēnei tangata, tēnei rōpū rānei i panoni ai nā te Whakamārietanga o Ihu Karaiti? Me pēhea tātou e whai ai i ā rātou tauira?

• Me whakatauriterite koutou i tētahi mea paru ki tētahi mea mā kātahi ka kōrero mō te āhua e meatia nei tētahi mea hei mea mā. Pānui tahitia Arami 13:11–13. He aha tā Ihu i mea ai e meatia nei tātou hei mea mā i ō tātou hara? Pēhea ōu whakaaro mō te hara? Pēhea ōu whakaaro mō te Kaiwhakaora?