2 Nīwhai 20–25

Ko te tautohetohenga te raru nui mō ngā tamariki a Rīhai. I kino haere taua raru i ngā whakatipuranga heke iho, nā konā weherua ai, hereheretia ai, pōuri ai, ā, whakangaromia ai. He raru tonu te tautohetohenga i ēnei rā.

Nā runga i tērā, me whakaaro ki ngā poropititanga i 2 Nīwhai 21–22. Me whakaaro ki tā te Kaiwhakaora whakatutuki i ēnei poropititanga. He aha te tikanga ki a koe o te poropititanga e mea ana mō te wuruhi e “nohotahi ai me te reme”? (2 Nīwhai 21:6). Me āta whakaaro me pēhea koe e tū ai hei kaihohou i te rongo.

Tirohia anōtia a Dale G. Renlund, “The Peace of Christ Abolishes Enmity,” Liahona, Noema 2021, 83–85.

I kite a Nīwhai rātou ko tana whānau i te whakamararatanga o Iharaira (tirohia 2 Nīwhai 25:10). Māu e āwhina ināianei i roto i te whakahuihuinga o Iharaira (tirohia 2 Nīwhai 21:12) I a koe e pānui ana i 2 Nīwhai 21:9–12, me whakaaro ki tāu e taea ai hei whakatutuki i ngā poropititanga i roto i ēnei whiti.

Hei tauira, i a koe e pānui ana mō te “kara” (kara, haki rānei) e hāpaingia ake hei whakahui tahi i te iwi o te Atua, me whakaaro koe ki tāu i kite ai i te Atua e whakahuihui ana i Tana iwi, ā–tīnana, ā–wairua hoki. He aha te mea e kumea mai ai ngā tāngata ki te Ariki me Tana Hāhi?

He aha te mea e hihiko ana i te ngākau hei āwhina i te whakahuinga o te iwi o te Atua?

He mōreareatanga nui te kīngitanga o Papurona ki a Iharaira onamata, ki te taha tōrangapū, ope tauā hoki. Engari ki tō Nīwhai iwi—ki a tātou ināianei—ko te mōreareatanga nui ake te mea kei muri i te tohu o Papurona: te horihoritanga me te hara. Me whakaaro ki ngā whakatūpato i 2 Nīwhai 23–24 me tana pānga atu ki ngā tāngata i wehi ai, i mīharo ai rānei, i whakawhirinaki ai rānei i te moni me te mana o Papurona (tirohia, hei tauira 23:6–9, 11, 19–22; 24:10–19). He aha ētahi o ngā mea pērā e wehi ai, e mīharo ai rānei, e whakawhirinaki ai rānei tātou ināianei? He aha ki a koe te karere a te Kaiwhakaora ki a koe i ēnei upoko? Me whakaaro koe me pēhea koe e whakaatu atu i tō “hari i tō [te Ariki] tiketiketanga” (2 Nīwhai 23:3).

I kaha kōrero a Nīwhai mō tana whakapono—me tana whakaaturanga mō Ihu Karaiti. I roto i tō rangahau o 2 Nīwhai 25, me whakaaro ki tō Nīwhai hiahia ki te “whakapakepake i [ana] tamariki … kia whakapono i te Karaiti, ā, kia hohou ai te rongo ki te Atua” (whiti 23). I te hiahia a Nīwhai kia mōhio ngā tāngata i te aha mō te Kaiwhakaora? (tirohia whiti 12–13, 16). He aha tā Nīwhai i mea ai kia whakapakepake i te iwi kia whakapono ai i a Ia? (tirohia whiti 19–29). Tohua ngā whiti i tēnei upoko e whakapakepake i a koe ki te whakapono me te ārahi i a Ihu Karaiti.

Kāore ētahi o tātou i te māia pērā i a Nīwhai ki te kōrero mō te Karaiti. Engari tērā pea ka kite koe i tētahi mea i roto i ngā akoranga a Nīwhai i 2 Nīwhai 25:23–26 e whakahihiko i a koe ki te kōrero Mōna ki ētahi atu. Hei tauira, tā Nīwhai whakapuakitanga “Kei te hari mātou i te Karaiti” e whakahihiko i tō ngākau kia whakaaro ake ki ngā āhua e hari ai koe i te Kaiwhakaora—me tāu e tohatoha atu ai i taua hari ki ētahi atu.

I tana karere ”We Talk of Christ” (Liahona, Noema 2020, 88–91), kei te kī ake a Erata Neil L. Andersen me pēhea tātou e kōrero noa ai mō te Karaiti i ngā momo huinga. He aha te kōrero pai rawa ki a koe? He aha ētahi atu wāhi e taea ai e koe te kōrero mō te Karaiti ki ētahi atu?

He aha te mea e hihiko ana i te ngākau ki te kōrero atu ki ētahi atu mō te Karaiti? Mehemea he whakaaro ōu, tērā pea ka tirohia e koe ”The Living Christ: The Testimony of the Apostles” (Wharepukapuka Rongopai). Ka hua ake he whakaaro anō i tētahi hīmene pērā i “I Believe in Christ” (Hymns, nama 134).

Tirohia anōtia ngā Kaupapa Rongopai, ”Inviting All to Receive the Gospel of Jesus Christ,” Wharepukapuka Rongopai.

• Hei āwhina i āu tamariki kia tino mārama ki ēnei whiti, kimihia tētahi rākau kua poroa iho, he manga rānei e tipu mai ana i tētahi rākau (meatia rānei te pikitia kei raro iho). Mehemea ko te tohu o te “manga” i 2 Nīwhai 21:1 a Ihu Karaiti, he aha tā ngā whiti 2–5 e whakaako ai i a tātou Mōna?

• He aha tā 2 Nīwhai 21:6–9 e whakaako ai mō ngā hua e puta ina whai tātou i te Kaiwhakaora? (tirohia anōtia 4 Nīwhai 1:15–18). Me pēhea tātou e whakarite i tō mātou kāinga kia rite ki tēnei? Ka pai pea ki āu tamariki te titiro ki ngā pikitia mō ngā kararehe kua kōrerohia ake i ngā whiti 6–7—ngā kararehe e whawhai ai tētahi ki tētahi i te nuinga o te wā e noho tahi ana ina haere mai anō a Ihu (tirohia te whārangi mahi mō tēnei wiki). Ka tā pikitia anō ō tamariki mō rātou me ngā kararehe e noho mārie ana me Ihu.

• I kī ake a Ihāia, nā, ka whakarite ake te Ariki i tētahi “kara mō ngā iwi katoa” hei āwhina i ngā tāngata kia huihui tahi ki a Ia (tirohia 2 Nīwhai 21:11–12). Āwhinatia āu tamariki kia mārama ai he rite te kara ki tētahi haki. Tērā pea ka pai ki a rātou te tā i ā rātou ake haki. Ka tā anō ngā pikitia, ngā kupu rānei e whakaatu ana i ngā take e haere mai ai rātou ki a Ihu Karaiti me Tana Hāhi. Tukua rātou kia kōrero ai mō ā rātou haki, ā, āwhinatia rātou ki te whakaaro ake me pēhea rātou e āwhina i ētahi atu kia “huihui” ki a Ihu Karaiti.

• Whai muri i te pānui tahi i 2 Nīwhai 22:4–5, me kōrero pea koe ki ō tamariki mō ētahi o ngā “mea pai rawa” kua meatia e te Ariki. He aha ētahi o tā te Ariki “meatanga i waenganui [i a tātou]” e taea ai te whakapuaki atu? Hei āwhina i āu tamariki kia whakaarohia tēnei pātai, me waiata tahi pea koutou i tētahi waiata mō te Kaiwhakaora, pērā i ”I Believe in Christ” (Hymns, nama 134). Mā tētahi me tētahi e whakaoti rerenga pērā i tēnei: “E whakapono ana au i te Karaiti; Ko Ia .” Me pēhea tātou e āwhina i ētahi atu kia mōhio ai ki tā te Kaiwhakaora mō tātou?

• Me pēhea koe e āwhina i ō tamariki kia “hari i te Karaiti”? Me kōrero paki pea mō tā Ihu Karaiti whakahari i ētahi atu, ka whakaatu atu rānei i tētahi whitiāhua pērā i ”Jesus Heals a Man Born Blind” te “Suffer the Little Children to Come unto Me” rānei (Wharepukapuka Rongopai). Mā āu tamariki e tohu atu i ngā wā hari i te pakikōrero, te whitiāhua rānei. Kātahi, i a koe e pānui ana 2 Nīwhai 25:26, me kōrero rātou mō ngā take e “hari i te Karaiti.”

  

  7:51

  

  2:44