Mzee Steven C. Barlow

Mojawapo ya uzoefu wa kuchochea sana ambao Mzee Steven C. Barlow alikuwa nao wa Roho Mtakatifu ulikuwa msukumo usiopingika kutoka mbinguni kwamba [yeye] alihitaji kumuoa Christina Evans.” Walifunga ndoa katika Hekalu la Salt Lake mnamo 1991 na wana watoto watano.

Mzee na Dada Barlow walihudumu kama viongozi wa misioni huko Ecuador kuanzia mwaka 2017 hadi 2020, ikijumuisha mwanzoni mwa janga la UVIKO-19. Wakati huo, wamisionari wengi walirudi nyumbani, wakati wamisionari wengine walipopangiwa upya kwenye misioni ya Barlows. Mzee na Dada Barlow walishuhudia mkono wa Bwana ukielekeza juhudi hizo za umisionari.

“Tunaweka tumaini letu kwa Bwana,” anakumbuka. “Kulikuwa na nyakati ambapo hatukujua nini kitatokea siku iliyofuata. Tulibakia wenye kubadilika kirahisi na kuwa tayari. Tulikuwa wenye kusali, na yote yalikuwa sawa.”

Uzoefu huu uliimarisha masomo aliyokuwa amefundishwa mapema kwamba Bwana atashughulikia mambo yote na kwamba daima tunaweza kumtumainia Yeye.

Mzee Barlow alipokea shahada ya kwanza katika elimu ya afya kutoka Chuo Kikuu cha Utah mnamo 1993. Amefanya kazi kama mtendaji katika uchambuzi wa data na maboresho ya ubora katika huduma za afya. Wakati wa wito wake, Mzee Barlow alikuwa akihudumu kama Sabini wa Eneo katika Eneo la Utah.

Steven Chad Barlow alizaliwa huko Bountiful, Utah, mnamo Januari 1, 1969, kwa Jon Kay Barlow na Becky Christensen Barlow. Alikuwa “amelelewa na wazazi wa kupendeza waliojitoa na waaminifu” ambao walimfundisha injili tangu akiwa na umri mdogo.