Mzee Clement M. Matswagothata

Wakati Mzee Clement M. Matswagothata alipokuwa mtoto huko Botswana, aliweza kumsomea Biblia kwa sauti kubwa bibi yake. Alisoma 1 Samweli 3, ambapo Mungu anazungumza na Samweli, ambaye baadaye aliitwa kama nabii.

“Swali langu la asili lilikuwa, ‘Je, Mungu bado anafanya vivyo hivyo?’”

Swali hilo lilianza safari yake ya kujaribu kumtafuta Mungu ambaye bado alizungumza. Alikutana na wamisionari Watakatifu wa Siku za Mwisho alipokuwa na umri wa miaka 16, alisoma Kitabu cha Mormoni kwa siku chache, na kuwapigia simu saa 9:00 usiku ili kuwaambia kuwa alitaka kubatizwa.

Baadaye alikuwa rais wa kwanza wa kigingi aliyeitwa huko Botswana, kisha Sabini wa Eneo wa kwanza, na sasa Sabini Mkuu Mwenye Mamlaka wa kwanza.

“Nina ushuhuda wenye kina kirefu cha mizizi kwamba Mungu yu hai na anazungumza nasi katika siku hizi za mwisho na kwamba tunaishi katika siku na wakati ambapo manabii wanatembea duniani,” alisema.

Clement Mosiame Matswagothata alizaliwa Middlepits, Botswana, mnamo Januari 8, 1980, kwa Bojotlhe J. na Rachel M. Matswagothata. Baada ya kuhudumu katika Misioni ya Afrika Kusini Cape Town, alikutana na mkewe, Novelty Busisiwe Buthelezi, katika kongamano la vijana wakubwa waseja. Walifunga ndoa katika Hekalu la Johannesburg Afrika Kusini mnamo Februari 28, 2004. Wana watoto watatu.

Alipokea shahada ya kwanza katika falsafa. Amefanya kazi katika tasnia ya magari na aina mbalimbali za magari, akiwa ameshikilia nafasi kadhaa za uongozi, ikiwa ni pamoja na meneja wa mauzo, meneja mkuu, na meneja wa nchi wa Barloworld Motor.

Wakati wa wito wake, Mzee Matswagothata alikuwa akihudumu kama mhudumu wa ibada wa hekaluni katika Hekalu la Johannesburg Afrika Kusini na kama mtaalamu wa kujitegemea wa eneo.