یاناگِیدا خاندان

ٹوشیکو اور ٹوکِیچی یاناگِیدا جاپان میں رہتے تھے۔ وہ یِسُوع مسِیح پر اِیمان رکھتے تھے اور اُس کی کلِیسیا میں شامِل ہو چُکے تھے۔ لیکن اُس وقت جاپان میں زِندگی مُشکل تھی۔ جنگ نے بُہت سے گھروں اور عِمارتوں کو تباہ و برباد کر دِیا تھا۔ ٹوشیکو اور ٹوکِیچی اپنے خاندان کے لیے گھر تعمیر کرنا چاہتے تھے، مگر وہ بُہت غریب تھے۔

ُمُقدّسِین، 3:‏543

یاناگِیدا خاندان جانتا تھا کہ خُداوند چاہتا تھا کہ وہ دَہ یکی اَدا کریں، لیکن اُنھیں یقین نہیں تھا کہ وہ اَیسا کر سکتے ہیں۔ ٹوشیکو نے ایک مِشنری سے پُوچھا کہ اُنھیں کیا کرنا چاہیے۔ ”دَہ یکی دینا ہمارے لیے بُہت مُشکل ہے،“ اُس نے کہا۔ مِشنری نے وعدہ کِیا کہ اگر وہ اپنی دَہ یکی اَدا کریں گے، تو خُداوند اُنھیں اپنے گھر کا مالِک بننے کے اُن کے مقصد تک پُہنچنے میں مدد فرمائے گا۔

عقائد اور عہُود 119؛ مُقدّسِین، 3:‏543–44

ٹوشیکو اور ٹوکِیچی کو اِس بات کا یقین نہیں تھا۔ اُن کے پاس اپنے بیٹے کے لیے سکُول کا دوپہر کا کھانا خریدنے کے لیے بمُشکل ہی پیسے تھے۔ لیکن اُنھوں نے خُداوند پر بھروسا کرنے اور دَہ یکی دینے کا فیصلہ کِیا۔

مُقدّسِین، 3:‏543–44

خُداوند نے یاناگِیدا خاندان کو برکت دی۔ جلد ہی وہ زمین خریدنے اور گھر کی تعمیر شُروع کرنے کے قابل ہو گئے۔

ُمُقدّسِین، 3:‏544

ایک دِن ایک اِنسپکٹر آیا۔ اُس نے کہا کہ اُن کی زمین میں کوئی مسئلہ ہے، اور وہ وہاں گھر نہیں بنا سکتے تھے۔ اُس نے مزدُوروں کو کام روکنے کا کہا۔

ُمُقدّسِین، 3:‏544

یاناگِیدا خاندان بُہت اُداس تھا۔ اُنھوں نے مِشنریوں کو بتایا کہ کیا ہُوا تھا۔ مِشنریوں نے کہا کہ وہ یاناگِیدا خاندان کے ساتھ مِل کر روزہ رکھیں گے اور دُعا کریں گے۔

ُمُقدّسِین، 3:‏545

بعد میں، ایک اور اِنسپکٹر آیا۔ اُس نے کہا کہ اُن کی زمین کا مسئلہ حل کِیا جا سکتا ہے۔ یاناگِیدا خاندان اپنا گھر تعمیر کر سکتا تھا۔ ”یقیناً آپ دونوں نے کوئی اچھا کام کِیا ہو گا،“ اِنسپکٹر نے ٹوشیکو اور ٹوکِیچی سے کہا۔ وہ جانتے تھے کہ خُدا نے اُنھیں برکت دی ہے۔ وہ خُوش تھے کہ اُنھوں نے اُس پر بھروسا کِیا تھا اور دَہ یکی اَدا کی تھی۔

ُمُقدّسِین، 3:‏545