بیش قِیمت موتی

ایک روز، ایک شخص مِصر سے ممِیز کے ساتھ کرٹ لینڈ آیا۔ ممِیز کے ساتھ کُچھ طُومار، یا کاغذ کے بُہت پُرانے رول تھے۔ طُوماروں پر مِصری تحریر لِکھی ہُوئی تھی۔ اُس شخص نے وہ طُومار نبی جوزف سمِتھ کو دِکھائے۔ جوزف اِس تحریر میں بُہت دِلچسپی رکھتا تھا۔

مُقدّسِین، 1:‏219–20

چند دوستوں نے جوزف کی مدد کی تاکہ وہ ممِیز اور طُومار خرید سکے۔ جب جوزف نے اِس تحریر کا مُطالعہ کِیا، تو خُداوند نے اُس پر اَبرہام کی قدیم تحریریں ظاہر کِیں، جو بائبل کا ایک نبی تھا۔ اولیور کاؤڈری جیسے دوستوں کی مدد سے، جوزف نے وہ باتیں لِکھیں جو خُداوند نے اُسے اَبرہام کی تعلیمات کے بارے میں سِکھائیں۔

مُقدّسِین، 1:‏220

اَبرہام نے ایک رویا میں ہمارے پَیدا ہونے سے پہلے آسمانی باپ کے ساتھ ہماری زِندگی کو دیکھا تھا۔ اُس نے دیکھا کہ یِسُوع کو ہمارا نجات دہندہ بننے کے لیے چُنا گیا تھا۔ اَبرہام نے دُنیا کی تخلیق کے بارے میں بھی علم پایا۔ مُقدّسِین اَبرہام کی اِن تعلیمات کو حاصِل کر کے بے حد خُوش تھے۔ وہ خُوش تھے کہ خُداوند اُنھیں مزید سِکھانا چاہتا تھا۔

اَبرہام 2:‏6–11؛ 3–5؛ مُقدّسِین، 1:‏220

اَبرہام کی تحریریں صحائف کی کِتاب کا حِصّہ بن گئیں جسے بیش قِیمت موتی کہا جاتا ہے۔ اِس کِتاب میں مُوسیٰ کی تحریریں بھی شامِل ہیں، جو بائبل کا ایک اور نبی تھا۔ یہ اُن سچّائیوں کے بارے میں سِکھاتی ہے جو بائبل میں موجُود نہیں ہیں۔ خُداوند چاہتا تھا کہ لوگ اِن سچّائیوں کو جانیں، اِسی لیے اُس نے یہ جوزف سمِتھ کو بتائیں۔

مُوسیٰ 1–8؛ اَبرہام 1–5

بیش قیمت موتی میں جوزف سمِتھ کی گواہی اور اَیمان کے 13 اَرکان بھی شامِل ہیں۔ جوزف سمِتھ نے یہ باتیں دُنیا کو بتانے کے لیے لکھیں کہ مُقدّسِینِ آخِری ایّام کے عقائد کیا ہیں۔ بیش قِیمت موتی ایک چھوٹی سی کِتاب ہے، جیسے موتی چھوٹا، مگر نہایت بیش قِیمت ہوتا ہے۔

جوزف سمِتھ—تاریخ؛ اَیمان کے اَرکان 1