اَنجُمنِ خواتین

مارگریٹ کُک ناوُوہ میں رہتی تھی۔ وہ سارہ کِمبل کے لیے کام کرتی تھی، اور سِلائی میں اُس کی مدد کرتی تھی۔ کام کرتے ہوئے، اُنھیں ناوُوہ میں تعمیر کی جانے والی نئی ہَیکل کے بارے میں بات کرنا اچھا لگتا تھا۔ وہ ہَیکل کے لیے پُرجوش تھیں۔

ُمُقدّسِین، 1:‏447

ایک روز، مارگریٹ نے غور کِیا کہ ہَیکل کی تعمیر کرنے والے بُہت سے مَردوں کے کپڑے پُرانے اور پھٹے ہُوئے تھے۔ اُس نے سوچا کہ کیا وہ اور سارہ مِل کر مَردوں کے لیے نئے کپڑے سِلائی کر سکتی ہیں۔ سارہ کو یہ خیال پسند آیا۔ اُس نے اور مارگریٹ نے کارکُنوں کی مدد کرنے کے لئے ایک گروپ تشکیل دینے کے بارے میں دِیگر خواتین سے بات کی۔

مُقدّسِین، 1:‏447–48

نبی جوزف سمِتھ نے کہا کہ خُداوند اُن کے خیال سے خوش تھا، اور اُس کے پاس اُن کے لیے اِس سے بھی کُچھ بہتر تھا۔ جوزف نے 17 مارچ، 1842 کو خواتین کو اپنے ساتھ مُلاقات کرنے کی دعوت دی۔ کہانتی اِختیار کو اِستعمال کرتے ہُوئے، اُس نے کلِیسیا کی خواتین کو مُنظم کِیا۔ اُنھوں نے اپنے گروپ کا نام ناوُوہ کی اَنجُمنِ خواتین رکھنے کا فیصلہ کِیا۔

مُقدّسِین، 1:‏448، 450–51

جوزف نے اَنجُمنِ خواتین سے کہا کہ وہ لوگوں کی ہَیکل اور اَبَدی زِندگی کی برکات کے لیے تیار ہونے میں مدد کریں۔ اُنھیں یِسُوع کی پیروی کرنے کی مِثالیں بننا چاہیے۔

مُقدّسِین، 1:‏451

جوزف نے یہ بھی کہا کہ اَنجُمنِ خواتین کو غریب لوگوں کو ڈھونڈنا چاہیے اور اُن کی مُعاونت کرنی چاہیے۔ حتیٰ کہ غریب خواتین بھی ضرُورت مند لوگوں کی مدد کرنا چاہتی تھیں۔

مُقدّسِین، 1:‏449

اَنجُمنِ خواتین مُنظم ہو گئی۔ ایما سمِتھ کو صدر کی بُلاہٹ دی گئی۔ اُس نے دو مُشیروں، سارہ کلیولینڈ اور این وِٹنی کو بُلاہٹ دی۔ اُس نے علیزا آر سنو کو سیکرٹری کی بُلاہٹ بھی دی۔

مُقدّسِین، 1:‏450

خُداوند نے ایما کی اپنی بُلاہٹ کو پُورا کرنے میں مدد کی۔ ایما نے خواتین کو سِکھایا کہ وہ خُداوند کی خِدمت میں بڑے بڑے کام کر سکتی ہیں۔ وہ چاہتی تھی کہ اُن میں سے ہر ایک بھلائی کرنے کے طریقے تلاش کرے۔ سب سے اَہم بات، اُس نے اُنھیں یہ بتائی، کہ دُوسرے لوگوں سے یِسُوع کی مانِند محبّت رکھنی ہے۔ ناوُوہ کی بُہت سی خواتین نے اَنجُمنِ خواتین میں شمُولیت اِختیار کی۔

عقائد اور عہُود 25:‏3، 7؛ مُقدّسِین، 1:‏451

اُنھوں نے لوگوں کی ہَیکل کی برکات کی تیاری میں مدد کی اور ناوُوہ میں بُہت سے ضرُورت مند خاندانوں کی مدد کی۔ اُس وقت سے، پُوری دُنیا کی خواتین اَنجُمنِ خواتین میں شامِل ہُوئیں ہیں۔ وہ مُسلسل لوگوں کی خِدمت کر رہی ہیں اور اُنھیں ہَیکل کی برکات پانے میں مدد فراہم کر رہی ہیں۔

مُقدّسِین، 1:‏451