رَسُول سلطنتِ برطانیہ میں مِشنری خِدمت کرتے ہیں

جوزف سمِتھ کو مُکاشفہ میں، خُداوند نے سمُندر پار سلطنتِ برطانیہ میں رَسُولوں کو مِشنری خِدمت کی بُلاہٹ دی۔ اگرچہ جوزف کے لیے رَسُولوں کو اِتنی دُور بھیجنا مُشکل تھا، مگر اُس نے خُداوند پر بھروسا کِیا۔ رَسُولوں کے لیے بھی اپنے خاندانوں کو چھوڑنا مُشکل تھا۔ لیکن خُداوند نے اُنھیں برکت دینے کا وعدہ فرمایا۔

عقائداور عہُود 118

ہیبر سی کِمبل اور اُس کی اہلیہ، وِیلیٹ، کا چھوٹا سا خاندان تھا۔ اُن کا ایک ننھا سا بچّہ تھا جو صِرف ایک ماہ کی عُمر کا تھا۔ اُن کے خاندان کے بُہت سے افراد شدید بیمار تھے۔

مُقدّسِین، 1:‏405

بریگھم ینگ بھی بیمار تھا، اور اُس کا خاندان غریب تھا۔ لیکن بریگھم کی بیوی، میری این، نے اُن سے کہا، ”جائیں اور اپنا مِشن پُورا کریں، اور خُداوند آپ کو برکت دے گا۔“

مُقدّسِین، 1:‏404–5

بریگھم نے سفر شُروع کِیا، مگر جب تک وہ ہیبر کے گھر پُہنچا، وہ اِتنا کمزور تھا کہ وہ چل بھی نہیں سکتا تھا۔ وہ چند دِنوں تک ہیبر کے خاندان کے ساتھ رہا۔

مُقدّسِین، 1:‏405

میری این بریگھم کی دیکھ بھال کرنے کے لیے آئی جب تک کہ وہ اور ہیبر روانہ ہونے کے لیے کافی صحت یاب نہ ہو گئے۔ وہ دونوں بُہت کمزور تھے، مگر وہ اِنجِیل کی مُنادی کرنا چاہتے تھے۔

مُقدّسِین، 1:‏405

ہیبر اور بریگھم نے اپنی بیویوں کو اِلوداع کہا اور ایک چھکڑے کی پُشت پر چڑھ گئے۔ اُنھوں اپنے خاندانوں کو اِتنا بیمار اور غریب چھوڑ کر بُرا محسُوس کِیا۔ جب چھکڑے دُور چلے گئے، تو ہیبر نے بریگھم سے کہا، ”یہ بُہت مشکل ہے۔“ وہ چاہتا تھا کہ اُن کے خاندان بہادُر محسُوس کریں۔ ہیبر نے چھکڑے کے ڈرائیور سے رُکنے کو کہا۔

مُقدّسِین، 1:‏405–6

گھر کے اَندر سے، وِیلیٹ نے شور سُنا۔ وہ دروازے پر آئی، جہاں میری این کھڑی تھی۔ اُنھوں نے ہیبر اور بریگھم کو چھکڑے کے پیچھے کھڑے دیکھا، ہَوا میں اپنے ٹوپیاں لہراتے اور چِلاتے ہُوئے، ”جے! جے! اِسرائیل کی جے ہو!“ خواتین نے جواب دِیا، ”اِلوداع! خُدا آپ کو برکت دے!“

ُمُقدّسِین، 1:‏406

سمُندر پار طویل سفر کے بعد، ہیبر اور بریگھم سلطنتِ برطانیہ پُہنچے۔ دُوسرے رَسُولوں کے ساتھ، اُنھوں نے بُہت سے لوگوں کو یِسُوع مسِیح اور اُس کی اِنجِیل کی بابت تعلیم دی۔ ہزاروں لوگوں نے بپتِسما لِیا اور مُنّجی کی کلِیسیا میں شامِل ہُوئے۔

مُقدّسِین، 1:‏408–11

بُہت سے لوگ جِنھوں نے سلطنتِ برطانیہ میں بپتِسما لِیا ناوُوہ شہر اور ہَیکل کی تعمیر میں مدد کے لیے وہاں مُنتقل ہو گئے۔ خُداوند نے ہیبر اور بریگھم کے خاندانوں کی دیکھ بھال کرنے کا اپنا وعدہ نِبھایا جب کہ وہ مِشنریوں کے طور پر اُس کی خِدمت کر رہے تھے۔

مُقدّسِین، 1:‏437–39