لُوسی مورلی اور اُس کا خاندان

ایک دِن، 15 سالہ لُوسی مورلی اپنی ہمسائی، ایبیگلیل ڈینیلز، کی کپڑا بُننے میں مدد کر رہی تھی۔ کام کرتے ہُوئے، اُنھیں دروازے پر دستک کی آواز سُنائی دی۔ یہ تین مِشنری تھے۔ ایبیگیل نے اُنھیں اندر آنے کی دعوت دی۔ اُنھوں نے کہا کہ یِسُوع مسِیح نے اُنھیں اپنا پیغام بیان کرنے کے لیے بھیجا ہے۔

مُقدّسِین، 1:‏102–3

اُنھوں نے ایبیگیل اور لُوسی کو بتایا کہ یِسُوع نے جوزف سمِتھ کو نبی کے طور پر بُلاہٹ دی ہے۔ مِشنریوں نے اُنھیں مورمن کی کِتاب کے بارے میں بھی بتایا۔

ُمُقدّسِین، 1:‏103

لُوسی کو حیرانی ہُوئی، کہ ایبیگیل غُصّے میں آ گئی تھی۔ اُس نے مِشنریوں کو اپنے گھر سے نکال دیا۔

ُمُقدّسِین، 1:‏103

لُوسی جانتی تھی کہ یہ مِشنری خُدا کے خادِم ہیں۔ اُس نے اُنھیں سڑک کے پار اپنے خاندان سے مُلاقات کرنے کے لیے آنے کا کہا۔ ”میرا والد یہاں سے ایک مِیل دُور رہتا ہے،“ اُس نے کہا۔ ”وہاں جائیں، اور آپ کو کھانا مِلے گا اور آپ کی دیکھ بھال کی جائے گی۔“

مُقدّسِین، 1:‏103–4

لُوسی بالکل صحیح تھی۔ مِشنریوں نے مورلی خاندان کے فارم پر اچھا کھانا کھایا۔ لُوسی کے والدین سِڈنی رِگڈن کے دوست تھے۔ وہ اِیمان رکھتے تھے کہ یِسُوع چاہتا تھا کہ وہ اپنی ہر ایک چیز کو دُوسروں کے ساتھ بانٹیں۔ اُنھوں نے مِشنریوں کو دعوت دی کہ وہ اُنھیں اور اُن کے دوستوں کو تعلیم دیں۔

ُمُقدّسِین، 1:‏104

اُس رات، تقریباً آدھی رات کو، 17 لوگوں نے بپتِسما لِیا۔ اگلے چند دِنوں میں، 50 مزید لوگ مِشنریوں کو سُننے کے لیے مورلی فارم پر آئے، اور اُنھوں نے بپتسِما پانے کا کہا۔ یہاں تک کہ لُوسی کی دوست ایبیگیل ڈینیلز نے بھی مِشنریوں کے بارے میں اپنا خیال بدل لِیا۔ اُس نے اور اُس کے شوہر نے کلِیسیا میں شامِل ہونے کا فیصلہ کِیا۔

مُقدّسِین، 1:‏105؛ عقائد اور عہُود 20:‏25، 37