سموئیل سمِتھ مورمن کی کِتاب کا اِشتراک کرتا ہے

خُداوند نے جوزف کے چھوٹے بھائی، سموئیل سمِتھ کو، اِنجِیل کی مُنادی کرنے کے مِشن پر بُلاہٹ دی۔ سموئیل جان اور روڈا گرین سے مِلا اور اُنھیں مورمن کی کِتاب کے بارے میں بتایا۔ جان ایک اور کلِیسیا میں مُناد کی خِدمت کر رہا تھا۔ اُس نے کہا کہ وہ کِتاب کی ایک جِلد لے جائے گا اور دیکھے گا کہ اگر اُس کی کلِیسیا میں کوئی اِسے پڑھنا چاہتا ہے۔

مُقدّسِین، 1:‏99

چند مہینوں کے بعد، سموئیل واپس آیا۔ روڈا نے کہا کہ اُس کے شوہر کو کوئی ایسا شخص نہیں مِلا جو مورمن کی کِتاب پڑھنے کا خواہش مند ہو۔ اُس نے اِسے سموئیل کو واپس دے دیا۔

مُقدّسِین، 1:‏99

سموئیل اُداس تھا۔ وہ واپس جانے کے لیے مُڑا، مگر روڈا نے اُسے روک دِیا۔ اُس نے کہا کہ اُس نے مورمن کی کِتاب پڑھی ہے، اور اُسے یہ پسند آئی ہے۔

مُقدّسِین، 1:‏99

رُوحُ القُدس نے سموئیل سے کہا کہ وہ کِتاب روڈا کو واپس دے دے۔ ”خُدا سے گواہی پانے کی دُعا کریں،“ سموئیل نے اُسے بتایا۔ اُس نے روڈا کو رُوحُ القُدس کے بارے میں سِکھایا اور وہ کیسے جان پائے گی کہ مورمن کی کِتاب سچّی ہے۔

مرونی 10:‏3–5؛ مُقدّسِین، 1:‏99–100

سموئیل اپنے مِشن سے گھر واپس لوٹا۔ اُس نے کسی کو بپتِسما نہیں دِیا تھا، اور صِرف چند لوگوں نے مورمن کی کِتاب میں دِل چسپی ظاہر کی تھی۔

روڈا اور جان نے دُعا کی، اور رُوحُ القُدس نے اُنھیں بتایا کہ مورمن کی کِتاب سچّی ہے۔ پھر روڈا نے اپنے بھائی، بریگھم ینگ کے ساتھ کِتاب کا اِشتراک کِیا۔

ُمُقدّسِین، 1:‏100

بریگھم اور اُس کا دوست، ہیبر قِمبل، یسُوع کی سچّی کلِیسیا کی تلاش میں تھے۔ اُنھوں نے مورمن کی کِتاب کو پڑھا۔ اُنھوں نے لگ بھگ دو سال تک یِسُوع مسِیح کی اِنجِیل کے بارے میں مُطالعہ کیا اور دُعا کی۔

اِس وقت کے دوران میں، بریگھم اور ہیبر اپنے خاندانوں کے ساتھ کلِیسیائی عِبادات میں گئے۔ اِن عِبادات میں سے ایک میں، بریگھم نے ایک مِشنری کو اپنی گواہی بیان کرتے سُنا۔ وہ مِشنری کوئی عظیم مُقرر نہیں تھا، مگر جب وہ بولا تو بریگھم نے رُوحُ القُدس کو محسُوس کِیا۔ بریگھم جانتا تھا کہ وہ سچّائی بتا رہا تھا۔

بریگھم، ہیبر، اور اُن کی بیویوں، میریم اور وِیلیت، نے بپتِسما پایا۔ وہ مُنّجی اور اُس کی اِنجِیل سے پیار کرتے تھے۔ سالوں بعد، خُداوند نے بریگھم اور ہیبر کو اپنے رَسُول ہونے اور مِشنری خِدمت کرنے کی بُلاہٹ دی۔ کیوں کہ سموئیل نے مورمن کی کِتاب کا اِشتراک کِیا، تو بُہت سے لوگ نجات دہندہ کی کلِیسیا میں شامِل ہُوئے۔

عقائد اور عہُود 124:‏127–29؛ 126؛ مُقدّسِین، 1:‏215–16