اِسرائیل کا خیمہ

مُقدّسِین جو اِنڈیپنڈنس، میزوری میں رہ رہے تھے، اُنھیں مدد کی ضرُورت تھی۔ اُنھوں نے صِیون کی تعمیر کے لیے سخت محنت کی تھی جیسے خُدا نے کہا تھا۔ مگر شہر کے دُوسرے لوگ اُںھیں وہاں دیکھنا نہیں چاہتے تھے۔ اُنھوں نے مُقدّسِین کو اپنا گھر چھوڑنے پر مجبُور کر دِیا۔

مُقدّسِین، 1:‏195

جوزف سمِتھ کرٹ لینڈ میں رہ رہا تھا۔ اُس نے سُنا کہ میزوری میں مُقدّسِین کے ساتھ کیا ہُوا، اور وہ اُداس تھا۔ اُس نے یہ جاننے کے لیے دُعا کی کہ کیا کِیا جائے۔ خُداوند نے جوزف کو بتایا کہ وہ لوگوں کو اپنے ساتھ میزوری میں جانے کے لیے ڈھُونڈے۔ اُنھیں اُمید تھی کہ حُکومت مُقدّسِین کو اُن کے گھر واپس دِلانے میں مدد کرے گی۔

عقائد اور عہُود 103:‏1–2، 11–20، 30–34؛ مُقدّسِین، 1:‏195–96

تقریباً 100 لوگوں نے اُس کے ساتھ شامِل ہونے کے لیے رضاکارانہ طور پر پیش کش کی۔ نبی نے اِس گروہ کو اِسرائیل کا خیمہ کہا۔ وہ میزوری میں مُقدّسِین کی مدد کرنے کے لیے پُرجوش تھے۔

مُقدّسِین، 1:‏197–99

بریگھم ینگ اور اُس کا دوست ہیبر کِمبل اِس گروپ کا حِصّہ تھے۔ وِلفورڈ وُوڈرف نامی ایک نوجوان مدد کرنے کے لیے نیویارک سے دُور دراز کا سفر کر کے آیا۔

مُقدّسِین، 1:‏197–98

مزید لوگ خیمہ میں شامِل ہُوئے۔ وہ پُورے مہینے تک مارچ کر کے ایک وسیع دریا کو پار کر کے میزوری میں داخِل ہُوئے۔ وہ تھکے ہُوئے اور دَرد سے چُور تھے۔ طویل مارچ نے کُچھ لوگوں کو مایُوس بھی کر دِیا تھا۔ اُنھیں اِنڈیپنڈنس شہر تک پُہنچنے کے لیے اَبھی ایک طویل سفر طے کرنا تھا۔

مُقدّسِین، 1:‏200–201

جب وہ مارچ کرتے رہے، تو ایک عورت نے اُنھیں آواز دی۔ اُس نے کہا کہ کُچھ آدمی اُنھیں قتل کرنے آ رہے تھے۔

مُقدّسِین، 1:‏203

اِسرائیل کے خیمے نے رات گُزارنے کے لیے ایک دریا کے اُوپر ایک پہاڑی پر پڑاؤ ڈالا۔ جب وہ خیمے لگا رہے تھے، تو پانچ آدمی گھوڑوں پر سَوار ہو کر اُن کے پاس آئے۔ اُنھوں نے فخر سے کہا کہ 300 مزید آدمی خیمے پر حملہ کرنے کے لیے آتے ہیں۔ اِسرائیل کے خیمے کے بُہت سے اَرکان پریشان تھے۔ جوزف نے اُن سے کہا کہ اِیمان رکھیں کہ خُدا اُن کی مدد کرے گا۔

مُقدّسِین، 1:‏203

جلد ہی آسمان سُرمئی بادلوں سے بھر گیا۔ تیز بارش شُروع ہو گئی۔ دریا گہرا ہو گیا۔ ہَوا نے درخت گِرا دِیے۔ آسمان پر بِجلی چمکی۔ جوزف اور دُوسروں نے ایک چھوٹا سا چرچ ڈھُونڈا جہاں وہ محفُوظ رہ سکیں۔ اُنھوں نے پُوری رات گیت گائے۔ ”خُدا اِس طُوفان میں ہے!“ جوزف نے کہا۔

مُقدّسِین، 1:‏203–4

طُوفان نے اُن لوگوں کو روک دِیا تھا جو اُن پر حملہ کرنا چاہتے تھے۔ خیمہ محفُوظ تھا۔ مگر حُکومت نے کہا کہ وہ مُقدّسِین کی مدد نہیں کرے گی۔ خُداوند نے جوزف کو بتایا کہ اِسرائیل کا خیمہ گھر جا سکتا ہے۔ مُقدّسِین کو خُدا کے حُکموں پر عمل کرتے ہُوئے صِیون کی تعمیر کرنی چاہیے۔ اُس نے وعدہ کِیا کہ وہ ”صِیون کی جنگیں لڑے گا۔“

عقائد اور عہُود 105:‏1–19؛ مُقدّسِین، 1:‏204–5

خیمہ کے کُچھ اَرکان پریشان تھے جب اُنھوں نے یہ سُنا۔ وہ اُداس تھے کہ اُنھیں صِیون کے لیے لڑنا نہیں پڑا۔ بعض لوگوں کا خیال تھا کہ اِسرائیل کا خیمہ ناکام ہو گیا ہے۔ مگر دُوسرے، بریگھم ینگ، ہیبر، اور وِلفورڈ کی مانِند، نبی جوزف کے ساتھ ہونے اور اُس سے سیکھنے کے موقع کے لیے شُکر گُزار تھے۔

مُقدّسِین، 1:‏205–6

بعد میں، خُداوند نے جوزف سمِتھ کو کہا کہ وہ اپنی کلِیسیا کی راہ نُمائی کرنے میں مدد کے لیے بارہ رَسُولوں کو بُلاہٹ دے۔ رَسُول ساری دُنیا میں یِسُوع مسِیح کے نام کے خاص گواہ ہوں گے۔ بارہ رَسُولوں میں سے آٹھ اِسرائیل کے خیمے میں مارچ کر چُکے تھے۔ جوزف کے ساتھ خِدمت کرنے کے باعث وہ اِس اَہم بُلاہٹ کے لیے تیار ہو پائے۔

عقائد اور عہُود 18:‏26–27؛ 107:‏23، مُقدّسِین، 1:‏214–17