نائٹس اور دیگر لوگ صِیہون میں اِکٹھے ہوتے ہیں

پولی اور جوزف نائٹ نیویارک میں اپنے خاندان کے ساتھ رہتے تھے۔ وہ نبی جوزف کو اچھی طرح جانتے تھے۔ اِنجِیل سیکھنے کے بعد، اُنھوں نے کلِیسیا میں شامِل ہونے کا اِنتخاب کِیا۔ جب خُداوند نے مُقدّسِین کو اوہائیو مُنتقل ہونے کو کہا، تو نائٹس نے بھی فرماں برداری کی۔

عقائد اور عہُود 37؛ مُقدّسِین، 1:‏33، 94، 109–110

جب نائٹس اوہائیو میں پُہنچے تو وہ خُوش تھے۔ لی مین کوپلی، کلِیسیا کا ایک رُکن، اُس نے کہا کُچھ مُقدّسِین اُس کی زمین پر رہ سکتے ہیں۔ وہاں فصلیں اُگانے اور گھر بنانے کے لیے کافی جگہ موجُود تھی۔ جوزف نائٹ اور اُس کے بیٹوں نے کھیتوں کو کاشت کے لیے تیار کرنے کے لیے سخت محنت کی۔

مُقدّسِین، 1:‏126–27

مگر ایک دِن، لی مین نے اپنی زمین کے بارے میں اپنا فیصلہ بدل لِیا۔ وہ نہیں چاہتا تھا کہ مُقدّسِین اَب وہاں رہیں۔ اُس نے نائٹس اور باقی سب کو وہاں سے جانے کو کہا۔

ُمُقدّسِین، 1:‏127

مُقدّسِین پریشان تھے۔ اَب اُن کے پاس رہنے کے لیے کوئی جگہ نہ تھی۔ اُنھوں نے نبی جوزف سے پُوچھا کہ اُنھیں کیا کرنا چاہیے۔

عقائد اور عہُود 54؛ مُقدّسِین، 1:‏127

خُداوند نے فرمایا کہ اِن مُقدّسِین کو میزوری میں جا کر صِیہون کی تعمیر کرنی چاہیے۔ صِیہون اَیسا شہر ہو گا جہاں خُداوند کے لوگ جمع ہو سکیں گے۔ صِیہون میں، وہ ہَیکل تعمیر کریں گے جس میں وہ عہُود باندھیں گے، یا خُدا کے ساتھ وعدے کریں گے۔ وہ اُنھیں برکت دے گا اگر وہ اِن عہُود پر قائم رہتے ہیں۔ نائٹس بھی جانے کے لیے پُرجوش تھے۔

عقائد اور عہُود 29:‏1–8؛ 42:‏30–36؛ 45:‏59–66؛ 54:‏6–9؛ 57:‏1–2؛ مُقدّسِین، 1:‏128

جب نائٹس میزوری کا سفر کر رہے تھے، تو پولی بُہت بیمار ہو گئی۔ اُس کے شوہر، جوزف، اور اُس کے بیٹوں کو خدشہ تھا کہ وہ زیادہ دیر تک زِندہ نہ رہے گی۔ مگر پولی نے اپنے خاندان کو بتایا کہ وہ مرنے سے پہلے صِیہون میں جانا چاہتی ہے۔ وہ اِسے ہر چیز سے زیادہ چاہتی تھی!

ُمُقدّسِین، 1:‏128

ایک طویل سفر کے بعد، نائٹس میزوری پُہنچ گئے۔ پولی خُداوند کی نہایت شُکرگُزار تھی کہ وہ اِسے دیکھنے کے لیے زِندہ رہی۔ نائٹس کو یہ زمین بُہت خُوبصُورت لگی۔ اُن کا اِیمان تھا کہ وہ وہاں صِیہون تعمیر کرنے کے لیے خُدا کے حُکم کی پیروی کر سکتے ہیں۔

ُمُقدّسِین، 1:‏132

مُقدّسِین نے خاص دُعا کی اور اِس زمین کو صِیہون کہا، جہاں خُدا کے لوگ آئیں گے۔ نبی جوزف نے نِشان لگانے کے لیے پتھر گاڑا کہ ہَیکل کا کونا کہاں ہو گا۔ چند دِن بعد، پولی فوت ہو گئی۔ خُداوند نے وعدہ کِیا کہ جو مُقدّسِین صِیہون میں آ کر وفات پائیں گے تو وہ آسمان میں آرام پائیں گے۔

عقائد اور عہُود 59:‏1–2؛ مُقدّسِین، 1:‏132–33