Նախագահ Թիմոթի Լ․ Ֆարնս

Երբ նախագահ Թիմոթի Լ. Ֆարնսը 14 տարեկան էր, այլ դավանանքի ընկերը սկսեց վիճարկել նրա կրոնական համոզմունքները: Իր երիտասարդ կյանքում առաջին անգամ Թիմոթին վկայեց, որ Ջոզեֆ Սմիթը Աստծո մարգարեն է, և որ Հիսուս Քրիստոսի Վերջին Օրերի Սրբերի Եկեղեցին ճշմարիտ է:

«Հոգին լցրեց սենյակը: Դա շոշափելի էր»,- հիշել է նա: «Մենք բոլորս դա զգացինք, և բոլորս փոխվեցինք»:

Նախագահ Ֆարնսն ասել է, որ ցանկանում է, որ Եկեղեցու երիտասարդներն իմանան` իրենք պատկանում են Աստծո ընտանիքին:

«Նրանք Աստծո զավակներն են և ուխտի զավակներն են,- ասել է նա,- և նրանք կարող են դառնալ Հիսուս Քրիստոսի աշակերտները, եթե ընդունեն Նրան, ընդունեն այն պարգևը, որն իրենցն է Նրա Քավության շնորհիվ»:

Թիմոթի Լովել Ֆարնսը ծնվել է 1969 թվականի հունիսի 29-ին Բալթիմորում (Մերիլենդ)` Գարի Վիլյամ Ֆարնսի և Մերի Էլեն Ֆարնսի ընտանիքում։ Երբ երեխա էր, նրա ընտանիքը տեղափոխվեց Յուտա, որտեղ նա մեծացավ: Նա յոթ զավակներից ավագն է:

Նախագահ Ֆարնսը ծառայել է որպես միսիոներ Բրազիլիա Պորտո Ալեգրե միսիայում: Նա տնտեսագիտություն է սովորել Բրիգամ Յանգի Համալսարանում և հետագայում հիմնել բազմաթիվ ընկերություններ, այդ թվում՝ MedSource Direct, Aspire և մարդասիրական ոչ առևտրային World Joy կազմակերպությունը:

Նա ամուսնացել է Լինսի Էնն Ֆարնսի հետ Սոլթ Լեյքի տաճարում 1992 թվականի օգոստոսի 27-ին: Նրանք ունեն հինգ երեխա, վեց թոռ և ապրում են Բաունթիֆուլում (Յուտա):

Նախագահ և քույր Ֆարնսերը ծառայել են որպես միսիայի ղեկավարներ Բրազիլիա Սան Պաուլո հյուսիսային միսիայում 2014-2017 թթ․: Երեց Ֆարնսը նախկինում ծառայել է որպես Տարածքային յոթանասունական Յուտայի տարածաշրջանում, ցցի նախագահ, բարձրագույն խորհրդական, եպիսկոպոս և երիտասարդ ամուրիների եպիսկոպոս։