Երեց Կլեմենտ Մ. Մացվագոթաթա

Երեց Կլեմենտ Մ. Մացվագոթաթան մանուկ հասակում Բոտսվանայում բարձր ձայնով Աստվածաշունչ էր կարդում իր տատիկի համար։ Մի օր նա կարդաց Ա Թագավորների 3 գլուխը, որտեղ Աստված խոսում է Սամուելի հետ, ով ավելի ուշ կանչվեց որպես մարգարե։

«Բնականաբար, մի հարց ծագեց իմ մտքում՝ «Աստված դեռ նույն բանն է անում»»։

Այդ հարցը սկսեց նրա ճամփորդությունը՝ փորձելով գտնել Աստծուն, ով դեռ խոսում էր: Նա հանդիպեց Վերջին Օրերի Սրբերի միսիոներների, երբ 16 տարեկան էր, մի քանի օրում կարդաց Մորմոնի Գիրքը և առավոտյան ժամը 3-ին կանչեց նրանց՝ ասելու, որ ցանկանում է մկրտվել:

Ավելի ուշ նա դարձավ Բոտսվանայի առաջին ցցի նախագահը, ապա առաջին Տարածքային Յոթանասունականը, իսկ այժմ՝ առաջին Բարձրագույն Իշխանություն Յոթանասունականը:

«Ես ունեմ խոր արմատներ ունեցող վկայություն, որ Աստված ապրում և խոսում է մեզ հետ այս վերջին օրերում, և որ մենք ապրում ենք այն օրում և ժամանակում, երբ մարգարեները քայլում են երկրի վրա»,- ասել է նա:

Կլեմենտ Մ. Մացվագոթաթան ծնվել է Միդլփիթսում (Բոտսվանա) 1980 թվականի հունվարի 8-ին` Բոջոտլե Ջ. և Ռեյչել Մ. Մացվագոթաթաների ընտանիքում: Հարավային Աֆրիկայի Քեյփթաուն միսիայում ծառայելուց հետո նա հանդիպեց իր կնոջը՝ Նովելթի Բուսիսիվե Բուտելեզիին, Երիտասարդ ամուրիների տարածքային համաժողովում: Նրանք ամուսնացան Յոհանեսբուրգի (Հարավային Աֆրիկա) տաճարում 2004 թվականի փետրվարի 28-ին: Նրանք ունեն երեք զավակ:

Նա ստացել է փիլիսոփայության բակալավրի աստիճան։ Նա աշխատել է մեքենաների տարբեր ապրանքանիշերի ավտոմոբիլային արդյունաբերություններում՝ զբաղեցնելով մի քանի ղեկավար պաշտոններ, այդ թվում՝ վաճառքի մենեջեր, գլխավոր մենեջեր և Barloworld Motor-ի մենեջեր:

Իր կոչումը ստանալու պահին երեց Մացվագոթաթան ծառայում էր որպես տաճարային արարողությունների աշխատող Յոհանեսբուրգի (Հարավային Աֆրիկա) տաճարում և որպես տարածքի ինքնապահովման մասնագետ: