Երեց Սթիվեն Չ․ Բարլոու

Երեց Սթիվեն Չ. Բարլոուն Սուրբ Հոգու հետ հաղորդակցվելու ամենահուզիչ փորձառություններից մեկը համարում է «երկնքից ստացած անհերքելի տպավորությունը, որ [նա] պետք է ամուսնանար Քրիստինա Էվանսի հետ»: Նրանք ամուսնացել են Սոլթ Լեյքի տաճարում 1991 թվականին և ունեն հինգ երեխա:

Երեց և քույր Բարլոուները ծառայել են որպես միսիայի ղեկավարներ Էկվադորում 2017-2020 թթ․, այդ թվում՝ COVID-19 համավարակի սկզբում: Այդ ընթացքում շատ միսիոներներ վերադարձան տուն, մինչդեռ մյուս միսիոներները վերանշանակվեցին Բարլոուների միսիայում: Երեց և քույր Բարլոուները ականատես եղան Տիրոջ ձեռքի միջամտությանը, որն ուղղորդում էր այդ միսիոներական ջանքերը:

«Մենք մեր հույսը դրեցինք Տիրոջ վրա»,- հիշեց նա: «Կային պահեր, երբ մենք չգիտեինք, թե ինչ է լինելու հաջորդ օրը։ Մենք հարմարվում էինք և պատրաստվում։ Մենք աղոթում էինք, և ամեն ինչ ստացվեց»։

Այս փորձառությունն ամրապնդեց այն դասերը, որոնք նրան ավելի վաղ սովորեցրել էին, որ Տերը կառավարում է ամեն բան, և որ մենք միշտ կարող ենք վստահել Նրան:

Երեց Բարլոուն առողջապահության կրթության բակալավրի աստիճան է ստացել Յուտայի համալսարանում 1993 թվականին։ Նա աշխատել է որպես գործադիր տնօրեն՝ տվյալների վերլուծության և առողջապահության որակի բարելավման ոլորտում: Իր կոչումը ստանալու պահին երեց Բարլոուն ծառայում էր որպես Տարածքային Յոթանասունական Յուտայի տարածաշրջանում:

Սթիվեն Չադ Բարլոուն ծնվել է Բաունթիֆուլում (Յուտա), 1969 թվականի հունվարի 1-ին՝ Ջոն Քեյ Բարլոուի և Բեքի Քրիստենսեն Բարլոուի ընտանիքում: Նրան «մեծացրել են զարմանալիորեն նվիրված, հավատարիմ ծնողներ», որոնք նրան ուսուցանել են ավետարանը վաղ տարիքից: