Beretitenti Timothy L. Farnes

Beretitenti ni Kabuta n te Bootaki n Ataeinimwaane

Ngke 14 ana ririki ni maiu Beretitenti Timothy L. Farnes, temanna raoraona man te aro teuana are e kataia ni kakaewenakoa n ana koaua. Te moan tai inanon maiuna ngke e ataei Timothy, ao e kaota ana koaua bwa Iotebwa Timiti bon ana burabeti te Atua ao e bon koaua Ana Ekaretia Iesu Kristo ibukiia Aika Itiaki ni Boong aika Kaitira.

“E kaonaki nanon te ruu n Tamnei ae Raoiroi. E bon namakinaki,” e taku. Ti bane n namakinna, ao ni bitaki iai.”

E taku Beretitenti Farnes bwa e tangiriia kairake n te Ekaretia bwa a na ataia ae bon ngaiia kaain ana utu te Atua.

E taku, “Bon ngaiia natin te Atua ao naati ni berita,”, “ao a kona n riki bwa ana reirei Iesu Kristo ngkana a butimwaeia—butimwaea ana bwaintituaraoi are bon Ana Mwakuri ni Kamaiu ibukiia.”

E bungiaki Timothy Lowell Farnes n Tuun 29, 1969, i Baltimore, Maryland, irouia ana karo aika William Farnes ao Mary Ellen Farnes. Ngke te ataei ngaia, a mwaing ana utu nako Utah, ike e a rikirake man ikawai ikekei. Bon ngaia te ikawai mai ibuakoia ake itiman.

E beku Beretitenti Farnes bwa te mitinare ngaia n te Brazil Porto Alegre Mition. E kamatebwaia karikirakean kaubwain te aba n te Bringham Young Iuniwetiri ao imwina e waaki ni mwakuri ma kambwana aika a mwaiti, n aron MedSource Direct, Aspire, ao te rabwata n ibuobuoki ibukin te botanaomata ae akea boona ae te World Joy.

E mareaki ma Anne Farnes n te Salt Lake Tembora n Aokati 27, 1992. Bon iai natiia aika niiman ao onoman tibuia, ao a maeka I Bountiful, Utah.

Beretitenti ao Titita Farnes a tia ni beku bwa taan kairiiri n te mition i Brazil São Paulo North Mition man 2014 ni karokoa 2017. E a tia ni beku Beretitenti Farnes bwa te Itingaun n te Aono n Aonon Utah, te beretitenti n te titeiki, te kauntira ae rietaata, te bitiobi, ao te bitiobi n aia uoote kairake ni ikawai.