Unimwaane Wan-Liang Wu

Ngke 10 ana ririki Wan-Liang Wu a mwaing ana utu mai Taiwan nako Bolivia. Te tabo anne are a kaitibo iai mwanena ma mitinare mai irouia raoraoia. E moana ana reirei ma mitinare ao ni bwabetitoaki ngke ai 11 ana ririki.

Mwaingia nakon aia auti ae boou e bon rangi ni karawawata, ma e kakaitau ni mwaingia aia utu. E taku, “E bua irou te bwai teuana bwa I aonga ni karekea ae tamaroa riki rinanon ana kawai te Uea,”.

E bungiaki Wan-Liang Wu i Taipei, Taiwan, Ritembwa 22, 1970, ao bon ngaia te kabanea ni uarereke mai ibuakoia natiia Yung Wu ao Bao Guey Lin. Iai teniman mwanena ao temana tarina.

Imwiin mwaingiia ana utu nako Santa Cruz, Bolivia, a manga mwaing nako Buenos Aires, Argentina, ngke ai 14 ana ririki. Imwiin ana beku n te China Hong Kong Mition, e mareaki ma Marcela Beatriz Castellani n Maati 17, 1995, n te Buenos Aires Argentina Tembora. Iai natiia aika teniman.

A bwaibwai ngaia ma Marcela ao ni kabuta naba aia titooa n aia utu i Buenos Aires. E mwakuri ibukin te Ekaretia man 2007, ni moa man n te Rabwata are Tararuai Autinibotaki ao imwiina, n 2016, e riki bwa te manatia ibukin onobwai ao kateitei ibukin te Aono i Amerika Maiaki.

E karekea ana degree ibukin tararuan te bitineti man te Universidad Argentina de la Empresa n 2014, ao te master ibukin tararuan bitineti man te Universidad del CEMA i Buenos Aires n 2020.

Inanon ana tai ni beku, Unimwaane Wu ao e bon beku bwa te beretitenti ngaia n te Chile Antofagasta Mition. E a tia naba ni beku bwa te beretitenti n te titeiki, te kauntira n ana beretitentii te titeiki, te bitiobi, te beretitenti n aia kooram unimwaane, te kiraaka n te uoote, te kauntira n aia kooram unimwaane, ao ai te tia mwakuri ibukin karaoan otenanti n te tembora.