“Rongorongon bwaai ake aki kaotaki: Barongaan te Tabo n Taetae n te Tienta ni Maungatabu,” Riaona, Meei 2025.
Rongorongon bwaai ake aki kaotaki: Barongaan te raitaeka ao Waaki ni Butimwaei
Teuana te wiikente ni katoa onoua namwakaina ao ti kukurei inanon waakin te maungatabu ni kabuta. Ma ibuakon bwaai ake aki kaotaki, ao iraua tengaa ake anga nanoia n raonaki ma taan mwakuri n te Ekaretia ake a mwakuri korakora inanon namwakaina aika bati bwa ana kabobongaa te bong anne.
A barongai bwaai ni kabane ibukin katanoataan taetae ni burabeti nakoia mirion aomata n te aonaba ni kabuta. Aikai tabeua bwaai aika a karaoaki.
Mwakuri n Raitaeka
Tebubua ao abwi ma teniua te tiim n raitaeka ni katobibia te aonaba a karaoa te raitaeka nakon taian taetae n te maungatabu ni kabuta ni bon taina bwa aonga membwa n ongora nakon taetaen abaia. Bon ti 57 mai ibuakoia tiim aikanne ake a karaoa te raitaeka man ana etekuata te Ekaretia i Salt Lake City.
Te raitaeka n te taetae e bon rangi ni kaokoro ma te raitaeka n te koroboki, are kanoana bon rairan koroboki nakon te taetae teuana. Ibukin te raitaeka n te taetae, a riai tiim n rairai n tauraoin rairii maroro ake a karaoaki n te kabanea ni miniti iaon te tabo n taetae mai moa. Taan raitaeka n te taetae ana buokia membwa ni kabuta te aonaba n ongoraea taekan te euangkerio n oin neweia (taraa Reirei ao Berita aika Tabu 90:11).
Mwakuri ni Butimwaai
Ngkana ko kaea te maungatabu ni kabuta i Salt Lake City, USA, ao ko na bae ni kairaki irouiia taan mwakuri nakon am kaintekateka. E kaania 400 mitinare n te tembora tikuea ake a kabanea 9,000 te aoa ni kairiia iruwa in rinnako ao n otinako man te Tienta ni Maungatabu.
A buokiia 20,000 taan roko ni katoa ana tetere te maungatabu ni kabuta. Ngkana e bane kanoan teuana te tetere, ao a manga kabaitiia ni buokiiataan roko n nakon te tabo n otinako bwa aonga ni manga kaitiaki marenan kaintekateka imwaiia naake a na manga roko n te tetere are imwiina.