Unimwaane Clement M. Matswagothata

Ngke e uarereke Unimwaane Clement M. Matswagothata i Botswana, e aki toki ni wareka te Baibara nakon tibuna te unaine ni kabaibati. E kunea te kibu 1 Tamuera 3, are taetae te Atua iai nakon Tamuera, are weteaki rimwii bwa te burabeti.

“Au titiraki n aomata e kangai,‘E teimatoa te Atua ni kakaraoa naba aei?’”

Ana titiraki anne are ngaia e kauekea nanona ni kan ukora te Atua. E kaitiboaki ma mitinare n te Ekaretia ngke 16 ana ririki ni maiu, e wareka Ana Boki Moomon inanon tabeua te bong, ao n weteiia n te aoa 3:00 n te karangaina ao n tua nakoia bwa e kan bwabetitoaki.

E weteaki bwa ngaia te moan beretitenti n te titeiki i Botswana, ao imwiina bwa te moan itingaun n te Aono, ao ngkai bwa te moan Mataniwi ni Kabuta n te Itingaun.

E taku, “Iai au koaua ae nene bwa e maiu te Atua ao n taetae nakoira ni boong aikai ao ni maiu inanon boong inanon aia tai burabeti ni maeka i aon te aba,”.

E bungiaki Clement Mosiame Matswagothata i Middlepits, Botswana, n Tianuare 8, 1980, irouia ana karo aika Bojotlhe J. ma Rachel M. Matswagothata. Imwiin karaoan ana beku n te South Africa Cape Town Mition, e kaitibo ma kainabana, ae Novelty Busisiwe Buthelezi, n tain aia maungatabu kairake ni ikawai. A mareaki i Johannesburg South Africa Tembora n Beberuare 28, 2004. Iai natiia aika teniman.

E karekea ana beeba ae te degree n te philosophy ke kamatebwaian te iango. E a tia ni mwakuri n taian kambwana ni kaa aika a mwaiti, e taui nakoa ni kairiiri aika a mwaiti, bwa te manatia ibukin bobwai ma karekemwane, te manatia ni kabuta, ao te manatia n te aba ibukin te kambwana ae Barloworld Motor.

I nanon ana tai ni weteaki, e beku Unimwaane Matswagothata bwa te tia mwakuri ibukin otenanti n te tembora n te Johannesburg South Africa Tembora ao te tia rabakau iaon te riki n toronibwai.