Unimwaane Michael Cziesla

E rangi n uringa ana kangaanga Unimwaane Michael Cziesla are e aitara ma ngaia n 2017. N te kauabong n te namwakaina ae Tianuare, e bua ana mwakuri n te kambwana n rooia ngke e aki kona uotana aia kambwana n irekereke ma aki taun te mwane. Te bong are imwiina ao e a manga uruaki te baibu n ran n ana auti ike e a kaona nanona n te ran. A manga roko taan iraa ni katenibongina ni kataia n anai aia bwai ana utu aika a rangi ni kakaawaki. Tabeua te bong imwiina, ao e rootaki maiuna n te kangaanga.

E taku, “I moangare n te Tabati anne n aron are I bon kakaraoia ngkana I tekateka I moa bwa te beretitenti n te titeiki,”. “Akea ae ataa te bwai ae riki. Ma i nanou ao i bon rangi n rawawata. I mena n te tabo ae rootongitong.”

Imwiin te taromauri, temanna te mwaane man ara uoote, are e a titiraki bwa tera ae riki. “E ongora, ao imwiina e a rabwatai naba,” ao e taku Unimwaane Cziesla. “I namakinna bwa I mwaneaki raoi iroun te Uea, ao E atai rawawatau, ao bwaai ni kabane a na bane n nakoraoi.”

E bungiaki Michael Cziesla i Neumünster, Tiaman, n Turai 26, 1972 irouia Armin Ludwig ao Irmtraut Hanna. E ikawairake i Schleswig-Holstein ao rimwi riki ao e beku bwa te mitinare n te Utah Ogden Mition. Kainabana ae, Maegret Anne Rauh, e beku n te Temple Square Mition. A mareaki n te Frankfurt Germany Tembora n Eberi 4, 1997. N ana tai ni beku, ao a maeka ma natiia aika niman i Griesheim, Germany, ike a maeka inanon te kakukurei n neneweabaa buakonikain aia maeka ao n reke aia tai n nanako ni motirawa n teuana te atimwakoro i Denmark.

E karekea ana degree n te tua Unimwaane Cziesla n te Mainz Iuniwetiri n 2000. E mwakuri bwa te aobitia ae rietata n te McDermott Will & Emery.

Imwain weteana bwa te mataniwi ni Kabuta n te Itingaun, e beku Unimwaane Cziesla bwa te itingaun n te Aono n te Aono n Eurobe, te bonomwi ni beretitenti n te mition n te Frankurt Germany Mition, te beretitenti n te titeiki, te kauntira ae rietata, ao te kauntira n te bitiobiriki.