Te Tari Sean R. Dixon

Kinai bwanaa aika a kataia ni katikii nanoia kairake, bwa n ana kaantaninga te Tari Sean R. Dixon ao kairake a na matakuakiniia burabeti n taai aikai ao n onimaki man n tou mwiin aia kairiiri.

E taku “A Kairiira nakon Iesu Kristo,”. “Bon tiaki te burabeti [Beretitenti Russell M. Nelson] are ana kabane ni kouru; bon te Tia Kamaiu. Ma e kairiko n taainako te burabeti nakon te Tia Kamaiu, ao ngkana a iriiria, ao a na kona n tauraoi nakon baike a na aitara ma ngaia inanon maiuia.”

E bungiaki Sean Romney Dixon ni Meei 5, 1970, i Provo, Utah, natin Donald Romney Dixon ma Diane Scott Dixon. E karaoa ana mwakuri ni mitinare n te Canada Toronto Mition. E mareaki ma M’Shelle Lundquist ni Meei 14, 1992, n te Salt Lake Tembora. Bon niman mwaitiia natiia.

E reke ana beebwa man te reirei ae te degree te Tari Dixon ibukin te utu man te Brigham Young Iuniwetiri ao ana beeba ae te master degree ibukin te reirei man te Iuniwetiri i Phoenix. E a tia ni mwakuri n te tieminari ao te intitute n te maan ae 30 te ririki. George. Mai imwaina, ao e tia reirei n te tieminari i Utah ao te tarekita naba ngaia n te Intitute ibukin Taekan te Aro i Utah Valley.

I nanon ana tai ni weteaki nakon nakoana, e beku te Tari Dixon bwa te beretitenti n te Spanish Fork Utah Mainiku Titeiki. E a tia naba ni beku bwa te beretitenti n te California Redlands Mition, te kauntira n ana beretitentii te titeiki, kauntira n te bitiobiriki, ao te beretitenti irouia Kairake n Ataeinimwaane n te uoote.