Steven C. Barlow

Teuana te namakin are e a tia n rinanona Unimwaane Steven C. Barlow are e karekea mairoun te Tamnei ae Raoiroi bon te “kairiiri ae roko mai karawa bwa [e] riai ni mareaki ma Christina Evans.” A mareaki n te Salt Lake Tembora n 1991, ao ni karekeia natiia aika niman.

E beku Unimwaane ao Titita Barlow bwa taan kairiiri n te mition i Ecuador man 2017 nakon 2020, te tai are moana iai butina te aoraki ae te COVID-19. Te tai anne, a mwaiti mitinare ake a okiri mwengaia, ao iai naba mitinare ake a kamwaingaki nakon aia tararua te utu ae te Barlow. Unimwaane ao Titita Barlow a kakoaua bain te Uea bwa E kairiia mitinare aikai n aia kekeiaki.

“Ti katuka ara onimaki iroun te Uea,” e taku. “Iai taai are ti aki kona n ataia bwa tera ae nang riki nakon te bong are imwiina. Ti kakorakoraira ao ni katauraoira. Ti tataromwaaka, ao a bane n nakoraoi bwaai ni kabane”

Te taneiai aei e bon kauringira ana reirei te Uea are reireia bwa ti na katuka ara onimaki Irouna n taainako.

E karekea ana degree Unimwaane Barlow iaon te health education man te Iuniwetiri Utah n 1993. E a tia ni mwakuri bwa kain te rabwata ni babaire ibukin tauan mwiin rongorongo ibukin karaoan babaire ao kanakoraoan te botaki ni kuakua. I nanon ana tai ni weteaki, e beku Unimwaane Barlow bwa te Itingaun n te Aono n Aonon Utah.

E bungiaki Steven Chad Barlow i Bountiful, Utah, n Tianuare 1, 1969, irouia ana karo aika Jon Kay Barlow ao Becky Christensen Barlow. E “kaikawaaki n te aro ae tamaroa, irouia ana karo aika a kakaonimaki” ao n reireinna taekan te euangkerio mangke e uarereke.