Unimwaane John D. Amos

N 2020, E karekea te wewete Unimwaane John D. Amos bwa e na riki bwa te beretitenti n te mition n te Baton Rouge Louisiana Mition. A bati bitaki ake e na kainanoaki bwa e na karaoi inanon maiuna ibukin nakoana aei, ma a karabwarabwaUnimwaane ao Titita Amos ao ni butimwaea te wewete ma aia onimaki.

“E a kaman koreaki taekan te babaire ma te motinanno aio,” e taku Unimwaane Amos. “Ngkana e weteiko te Uea, ao tabera ti na ti kaekaa.”

E bungiaki John D. Amos n Nobembwa 2, 1961, i Lafayette, Louisiana, irouia ana karo John N. Amos Sr. ao Dorothy Victorian Amos. E kaitibo ma kainabana, Michele Evette Wright, ngke a reirei, ao n uaia kaaina te kamatebwai iaon te intinia i aon te iti.

Michelle, e a bon kaman kaaina te Ekaretia, ao e kaoa John nakon te mwaie n te aro n aia moan kareke tangira. Imwiin anne, e a tabe n reiakina taekin te Ekaretia ao tibwangan te Tia Kamaiu n te euangkerio ae kaokaki.

E taku, “Bwaai nako bon taekan Iesu Kristo,”. “Bon Ngaia oin bwaai ni kabane.”

E mareaki Unimwaane Amos ao Michelle n Tuun 9, 1990, n te Atlanta Georgia Tembora. Iai natiia aika teniman ao onoman tibuia.

E karekea ana degree n te iti ao te itinia Unimwaane Amos. Inanon ana tai ni mwakuri, ao e mwakuri naba n ana kaibuke ni buaka Amerika,mwakuri n te Siemen Energi Inc, ao n tia reirei n te Central Florida Iuniwetiri.

E a tia ni beku bwa te itingaun n te Aono (North Amerca Southeast Area), te mition beretitenti, te kauntira n te titeiki beretitentii, te bitiobi, te kauntira n te bitiobiriki, te beretitenti n te Reirei n Tabati n te uoote, te tia koroboki n te uoote, te ibonga ae rietaata, ao te tia kairiiri n te moanrinan.