B. Corey Cuvelier

Ngke e katanoataaki bwa e nang kitana ana mwakuri Unimwaane B. Corey Cuvelier bwa e nang riki bwa te beretitenti n te mition ibukin ana Ekaretia Iesu Kristo ibukiia Aika Itiaki ni Boong aika Kaitira, a taku raona ni mwakuri, “Ko burababa?”

E taku Unimwaane Cuvelier bwa a teimatoa raona ni mwakuri ni kan ataia bwa e aera ngkai e nang mwaawa man ana mwakuri are e a tia ni beku iai teniua te ririki. Ma e taku bwa, aia titiraki bon reken ana tai ni kabwarabwara nakoia, ao e taku, “n tibwauakina bwa tera bukina ngkai ti karaoia ao bukin tera ngkai ti karaoia ao tera bukina ngkai ti kakoauai bwaai ake ti kakoauai ao onimakina are ti onimakinna. Bon ibukin Iesu Kristo.”

E bungiaki Brian Corey Cuvelier n Tianuare 12, 1969, i Los Angeles, California, te tabo are tobwaaki ao man kaikawaaki iai. Bon te bureitiman tamana, ae Heinz Joachim Cuvelier. Tinana, ae JoAnn Leslie Jarnecke Cuvelier, te tia tararua mwengaia. Bon ngaia te ikawai mai ibuakoia natiia aika aman.

Ngke e kairake, Unimwaane Cuvelier ao e beku bwa te mitinare ngaia n te Brazil São Paulo Maiaki Mition. E reke ana beeba ae te degree n aro n reitaki ma aomata. E kaaina te kambwana ae Shell Oil n 1996, ike e a mwakuri iai ma bitineti n te aono n America Meang.

A mareaki Unimwaane Cuvelier ma Wendi Sue Manwaring n Tuurai 18, 1992, n te Los Angeles California Tembora. Bon aman mwaitiia natiia mwaane. A beku bwa taan kairiiri n te mition n te Brazil Curitiba Maiaki Mition man 2016 nakon 2019 ao ni maeka i Katy, Texas, n ana tai ni beku.

Mai imwaina, ao e beku Unimwaane Cuverlier bwa te Itingaun n te Aono n Amerika Meang Maiakimaeao, beretitenti n te titeiki, te kauntira n ana beretitentii te titeiki, te kauntira ae rietaata, te bitiobi, te kauntira n te bitiobiriki, ao te beretitenti irouia Kairake n Ataeinimwaane n te uoote.