Unimwaane Brik V. Eyre

E aranii bwaai ake e rinanona Unimwaane Brik V. Eyre n ana tai ni beku bwa te beretitenti n te Arizona Pheonix inanon teniua te ririki bwa bwaai aika a “kamimi.”

Ngkai bon raona ni beku kainabana, ae nei Susan, ao e taku, “bon ti te arona aron ami reitaki imarenamii … ngaia are tia kaai ni ibuobuoki imarenara inanon ara tai ni beku.” Ao inanon ana beku ma mitinare aika irabubua mwaitiia a, ao e reitia man taku, “I aki ataia ae ngaia I kona ni kabwarabwarai kakabwaia ake a tia n reke man kabanean au tai ma naake a tia n onimaki bwa taan tei ibukin Iesu Kristo i nanon teniua te ririki.”

E bungiaki Brik Vern Eyren Tianuare 17, 1964, i Logan, Utah, irouia Vern Bingham Eyre ao Emma Rae Anderson Eyre. Iai mwanena niiman aika ikawai ao ana bakatibu ake bon moan kaain naba te Ekaretia.

E beku bwa te mitinare n te Guatemala Guatemala City Mition. E mareaki ma Susan Zari Rahimzadeh n te Logan Utah Tembora n Tuun 27, 1987. Taman Titita Eyres bon kain te Muslim, ao tinana bon kain te Ekaretia. Te utu ae te Eyres, ake a maeka n te Park City, Utah, bon niman ikotaia natiia, n aia tai ni beku.

E reke ana degree Unimwaane Eyre n taekan te mwane man te Utah State Uniwetiri ao te master degree n tararuan te bitineti man te Tulsia uniwetiri. E a tia ni mwakuri n te kambwana ni bwainaoraki, ae te Baxter International ao n riki bwa te kauoman ni beretitenti ao bwa te beretitenti n te kambwana n te aono n Amerika, ao n te tai ae aki maan nako e riki ngaia bwa kaain te rabwata n tararaua n te HemaSource.

Inanon ana tai ni weteaki, e beku Unimwaane Eyre bwa te Itingaun n te Aono. E a tia ni beku bwa te beretitenti n te titeiki, te kauntira n ana beretitentii te titeiki, te kauntira ae rietaata, te bitiobi, te beretitenti irouia Kairake n Ataeinimwaane n te uoote, ao te tia reirei n te tieminari ni katoa moaningabong koraki.