Kevin G. Brown

Ngke 12 ana ririki Kevin, e kakaewenakoaki iroun te mitinare te aine bwa e wareka ana Boki Moomon. Ngaia are,e tataro ni katoa moaningabong, e wareware, ao ni manga tataro riki. Ni katoa ana tai n tataro, ao e titirakina Tamana are i Karawa bwa e koaua ana Boki Moomon.

E taekinna bwa n te moaningabong teuana ngke e tataro, e “a toki naba ana manga kan titiraki. E kaeka te Uea n te aro ae kamimi.” E namakinna bwa e taetae nakoina te Uea: “I kinako, ao n Tangiriko. Bon natiu ngkoe.”

E aki maan imwiina, e kamatoaa te Tamnei ae Raoiroi nakoina bwa: “Bon aei te koaua. E koaua Ana Boki Moomon. Iotebwa Timiti bon te burabeti.” E bita maiuna te bwai are e rinanona anne.

E kaoka te kakaitau Unimwaane Brown nakon te mitinare aine ao ake tabeman ibukin uarokoana nakon ae ngkai. Ngke e uarereke, e katikaki nanona irouia membwa n te Ekaretia ake a bubuokia—mai iroun ana beretitenti n aia mwakoro nakoia taan reirei n te Moanrinan, mai irouia kairake ni mitinare nakoia mitinare aika ikawai, ao ai moarara riki kainnabana, ae Nadine, are bon ngaia bukin bwaai ni kabane mai iroun te Uea.

E bungiaki Kevin G. Brown ni Meei 18, 1976, i Manchester, Jamaica, irouia Desmond Holness ao Patsy Williams Brissett. E mareaki ma Nadine Lezanne Carter n 1999. Iai natiia aika niiman.

E reke ana degree Unimwaane Brown man te kuura ibukin Rabakau aika a Boou, Jamaica, n 2008. E karekea ana master degree ibukin aron te waaki n tautaeka ao kaetieti man te West Indies Iuniwetiri n 2012. Man 2001 e beku n ana Tieminari ao n ana Intitute te Ekaretia.

I nanon ana tai ni weteaki, e beku Unimwaane Brown bwa te Itingaun n te Aono n Aonon Utah.