“Unimwaane David j. Wuderli,” Riaona, Meei 2025.
Te Tari David J. Wuderli
Te Moan Kauntira n te Beretitentii ni Kabuta n te Bootaki n Ataeinimwaane
E ataia te tari David J. Wuderli bwa e maiu Iesu Kristo.
E taku, “I namakina te kakabwaiaki inanon te tai ae maan n aron are I kona n uringnga,”. “E a kaman iai te nano n onimaki irou.”
I aki taekinna bwa tao akea au kanganga, “ma I iangoia ao I ataia bwa kaekaan titiraki a roko mai Irouna.”
E tangiriia kairake n te Ekaretia te Tari Wunderli bwa a na namakinna bwa bon ngaia taan bwaibwai ao n ataia bwa iai raoraoia n te aonaba ao ni kinaaki n araia iroun Iesu Kristo.
E bungiaki David John Wunderli i Salt Lake City n Tuun 22, 1961, irouia Fredric Theodore Wunderli ao Bernardine Lyman Wunderli. E kaitibo ma Diane Robins ngke e mwaing mai Canada nakon ana uoote. A kabaeaki n te Salt Lake Tembora n 1984 ao ni kaikawaia natia aika aman i California ao imwiina i Alpine, Utah.
E beku te Tari Wunderli i Brazil Rio de Janeiro ao n tia n reke ana beeba n te kuura ae rietaata i Utah n te mwane ma te taetae ni Botukare. E riki bwa kaain ana rabwata ni babaire te Easton Sport ao bwa te beretitenti n te OGIO International. E a tia naba ni mwakuri ni kambwana aika a bubura ao n te rabwata n anga nano ibukin waaki n ibuobuoki.
Inanon ana tai ni weteaki, e beku n ana kauntira te Botaki n Ataeinimwaane ni kabuta. E beku Titita Wunderli n ana kauntira te Moanrinan ni kabuta. Man 2020 nakon 2023, a uaia ni beku bwa taan kairiiri n te Cape Verde Praia Mission. E a tia naba ni beku te Tari Wunderli bwa te beretitenti n aia titeiki kairake ni ikawai ao te bitiobi, kauntira n aia tabo ni kataneiai mitinare, ao bwa te beretitenti irouia Kairake n Ataeinimwaane n te uoote.