Unimwaane Ozani Farias

Te tataro ibukin babaire aika kanganga bon te bwai ae kakaraoia Unimwaane Ozani Farias man uarerekena. E tataro Unimwaane Farias imwiin kaitiboona ma mitinare ngke 15 ana ririki. E tataro ibukin ana mwakuri ni mitinare, reirei, ana mare, ao ibukin reken ana mwakuri.

E ngae ngkana e aobuaka te kawai, ma e ataa te bwai ae riai ni karaoia.

E taku ana taeka, “E riai ni karimoaki moa te Atua,”. “Moanibwaia moa te beku Ibukina. Ti a tia n noori kakabwaia aika a bati man karaoan aio.”

E taekinna:bwa E a tia ana wirikiriki te Tamnei ae Raoiroi ni buokia ma kainnabana ni kaeta kawaia,. “I a tia reiakina taekan mwaakan te kaotioti are e onoti ibukira. E taetae te Atua nakoia Natina. Iai Ana babaire te Atua Ibukira.”

E bungiaki Ozani Barboza Marques Farias i Recife, Brazil, n Okitobwa 19, 1969, irouia ana karo aika José Osanã Farias ao Severina Barbosa Marques. E kabaeaki, ngaia ma kainnabana, ae nei Giovanna de Medeiros Prata Farias, n te São Paulo Brazil Tembora n Tianuare 18, 1994. Iai natiia aika teniman.

E reke ana degree Unimwaane Farias iaon te mwane man te Catholic Uniwetiri i Penambuco, ana beeba riki are iaona i aon te mwane man te Iuniwetiri i Pernambuco, ao te mwaatita tikuri n tararuan te bitineti n te Getuilo Vargas Foundation. E a tia ni mwakuri n te Ekaretia n nakoa aika mwaiti, bwa te manatia n te mwane, manatia ibukin kainanoia taan mwakuri, ao e mwakuri ngkai bwa te tarekita ibukiia kainanoia aomata ibukin te Aono ni Brazil.

E beku ngkai bwa te mition Beretitenti n te Georgia Atlanta Mition. E a tia naba ni beku bwa te kauntira n ana beretitentii te titeiki, te kiraaka n te titeiki, te kauntira ae rietaata, te bitiobi, te kauntira n te bitiobiriki, ao te tia reirei n te Moanrinan.