Unimwaane Aaron T. Hall

E uringnga Unimwaane Aaron T. Hall ngke a katabuaki ngaia ma kainabana, Kimberly, bwa taan kairiiri ngaiia n te Texas Houston Maiaki Mition. A tuanga Unimwaane David A. Bednar man te Kooram n Abotoro n te Tengaun ma Uoman bwa e bitaki aia namakin man te rawawata nakon te ingainga n nano. E kaota nanona Unimwaane Bednar ni kakaitau.

“E tuai man bua man au iango te bwai are e reireinira n te bong anne bwa e bon irekereke ma wewete ni kabane ake ti a tia ni karekei, are Ti bon, ‘riai ni kakaitau iai,’” e taku. “Tao ko miakinna bwa enang kangaa naba te Uea n rineiko, ma ti kakoaua bwa E bon rineiko. Ao ibukina bwa ti kariaia ao n tauraoi nako iai, ao E na anganiira te konabwai.”

E bungiaki Aaron Tracy Hall ni Maati 4, 1971, i Provo, Utah, ao bon natin Alan Eugene Hall ao Paula Jeanne Nowak Hall. E beku bwa te mitinare ngaia n te Chile Osorno Mition ao imwiin ana mition ao imwiina e mareaki ma Kimberly Wade Hall n Ritembwa 28, 1993, n te Logan Utah Tembora. Bon aman mwaitiia natiia.

I nanon ana tai ni weteaki, e beku Unimwaane Hall bwa te Itingaun n te Aono n Aonon Utah. E a tia n riki naba bwa te kauntira n ana beretitentii te titeiki, te ibonga ae rietaata, te tia koroboki ni kakoroi mooti n te titeiki, bitiobi, beretitenti n aia kooram unimwaane, ao te beretitenti n te Bootaki n Ataeinimwaane n te uoote.

E reke ana degree n te mwaakete Unimwaane Hall mai Weber State Uniwetiri ao n reke naba te master degree n aron tararuaan te bitineti man te Utah Iniwetiri. E a tia n tekateka bwa kaain te babaire ibukin bwaai n rabakau ao kambwana ni mwane, e mwakuri ngkai bwa te tarekita n te rabwata are Tararuaia Mitiare n te Ekaretia.