Unimwaane Edward B. Rowe

Inanon ana tai ni kataneiai n te tua n te aonaaba, ao a tia Unimwaane Edward B. Rowe ma ana utu ni maeka n te tai are kuri karako iai membwa n te Ekaretia bwa tii ngaiia n taabo ake a maeka iai. A anganaki te kariaia bwa a na karaoa aia taromauri ni mwengaia n aia utu imwain moan kabonganaakin te Nakomai, Iriirai karikiram. E riki mwengaia bwa nneia n nebonebo—ma oneaia n aia bwai n taromauri ao n iai naba taan taetae aika a katauaki.

E taku Unimwaane Rowe bwa e ataia ae “bon ngaira taan reireniia natira taekan ana euangkerio Iesu Kristo.”

Te waaki aio e bon ikota te utu ao ni kabebetea ana euangkerio Iesu Kristo ngkai a buokiia natiia ni karekea te reitaki ma aia Tia Kamaiu. E taku, “Taai akanne bon te tai ae tabu, ao ni kakaawaki,”.

E bungiaki Unimwaane Butler Rowe i Provo, Utah, n Eberi 23, 1967, irouia ana karo aika Fred A. Rowe ao Sherrel Rowe. E mareaki ma Brooke Francis n te Salt Lake Tembora n Tianuare 3, 1989. Bon niman mwaitiia natiia ao a maeka n te Pleasant Grove, Utah, n ana tai ni beku.

E karekea ana degree n kamatebwaian te iango Unimwaane Rowe man te Bringham Young Iuniwetiri ao te master degree i aon kaetieti ao te beebwa ae te doctor degree n te tua man te Chicago Iuniwetiri. E tia ni karaoa ana mwakuri ma tuan te aonaba ao n mwakuri n taabo n tua aika bati i Washington, D.C., ao ni kabuta te aonaba. E riki bwa te CEO n te Stirling Foundation n 2019.

Inanon ana tai ni weteaki, e beku bwa te Itingaun n te Aono. E a tia ni beku bwa te beretitenti n te Adriatic North Mition (2011–2014), te bitiobi, te beretitenti ibukia Kairake n Ataeinimwaane n te titeiki, beretitenti n te kooram n unimwaane, te tia kairiiri irouia mitinare n te uoote, ao ai te mitinare ae bwanin ana tai n te Florida Fort Lauderdale Mition.