Presiden Timothy L. Farnes

Taem Presiden Timothy L. Farnes i gat 14 yia, wan fren blong hem we i blong wan nara bilif, i stat blong jalenjem ol bilif blong Presiden Farnes. Blong fas taem long yangfala laef blong hem, Timothy i bin testifae se Josef Smit i wan profet blong God mo we Jos Ia blong Jisas Kraes blong Ol Lata-dei Sent i tru.

“Spirit i bin fulumap rum. Filing ia bin tru tumas,” hem i tingbaot. “Mifala evriwan i bin filim, mo mifala evriwan i bin jenis.”

Presiden Farnes i talem se hem i wantem ol yut blong Jos blong oli save se oli blong famli blong God.

“Oli ol pikinini blong God mo ol pikinini blong kavenan,” hem i talem, “mo oli save kam ol disaepol blong Jisas Kraes sapos oli akseptem Hem—akseptem se presen ia blong Atonmen blong Kraes, i blong olgeta.”

Timothy Lowell Farnes i bon i kam long wol long 29 Jun, 1969, long Baltimore, Maryland. Papa mo mama blong hem i, Gary William Farnes mo Mary Ellen Farnes. Taem hem i wan pikinini, famli blong hem i muv i go long Yuta, long ples hem i groap long hem. Hem i fasbon blong seven pikinini.

Presiden Farnes i bin givim seves olsem wan misinari long Brazil Porto Alegre Misin. Hem i bin stadi long ekonomi long Brigham Yang Yunivesiti mo afta hem i statem sam kampani, we i tekem tu MedSource Direct, Aspire, mo yumaniterian nonprofit World Joy.

Hem i bin maredem Anne Farnes long Sol Lek Tempol, long 27 Ogis 1992. Tufala i gat faef pikinini mo sikis apupikinini, mo oli stap long Bountiful, Yuta.

Presiden mo Sista Farnes i bin givim seves olsem ol misin lida long Brazil São Paulo North Misin stat long 2014 kasem 2017. Bifo, Presiden Farnes i bin givim seves long ol koling ia olsem, wan Eria Seventi long Yuta Eria, stek presiden, hae kaonsela, bisop, mo yang singgel adalt bisop.