Brata Sean R. Dixon

Brata Sean R. Dixon i luksave plante noes we i stap traem blong pulumaot lukluk blong ol yang pipol, mo hem i hop se bae ol yut oli lukluk long ol profet mo aposol blong tedei, mo trastem mo folem gaed blong olgeta.

Hem i talem se, “Bae oli lidim olgeta i go long Kraes.” “Hem i no profet [Presiden Russell M. Nelson] we i gol long en; hem i Sevya. Be profet i lukluk fulap long Sevya, mo sapos ol yut oli folem Sevya, bae oli rere moa blong go tru ol hadtaem long laef blong olgeta.”

Sean Romney Dixon i bon i kam long wol long 5 Mei, 1970, long Provo, Yuta, mo hem i boe blong Donald Romney Dixon mo Diane Scott Dixon. Hem i bin givim seves long wan fultaem misin long Canada Toronto Misin. Hem i maredem M’Shelle Lundquist long 14 Mei, 1992 long Sol Lek Tempol. Tufala i papa mo mama blong faef pikinini.

Brata Dixon i bin kasem bajela digri blong hem long saed blong famli saens long Brigham Yang Yunivesiti mo hem i gat wan masta digri long saed blong edukesen long Yunivesiti blong Phoenix. Hem i bin wok long ol defdefren asaenmen long Ol Seminari mo Institiut blong Relijin blong 30 yia, mo naoia hem i stap olsem daerekta blong Utah South Institute Region, we i lukaot long ol institiut stat long Orem kasem Sent George. Bifo, hem i bin wan seminari tija long Yuta Kaonti mo daerekta blong Utah Valley Institute of Religion.

Long taem we hem i bin kasem koling blong hem, Brata Dixon i stap givim seves olsem presiden blong Spanish Fork Utah East Stek. Hem i bin presiden blong California Redlands Misin, kaonsela long wan stek presidensi, bisop, kaonsela long bisoprik, mo wan wod presiden blong Ol Yang Man presiden.