Brata David J. Wunderli

Oltaem brata David J. Wunderli i bin save se Jisas Kraes i stap laef.

“Mi gat blesing ia blong filim se Hem i stap oltaem,” hem i talem. “Hat blong mi i bin oltaem biliv.”

Hemia i no minim se hem i no bin gat ol jalenj, “be oltaem taem mi stap tingting hevi, mi stap dipen oltaem blong karem ol ansa blong mi long Hem.”

Brata Wunderli i wantem ol yut blong Jos blong filim se oli pat mo blong save se oli gat ol fren long evri kantri, mo we Jisas Kraes i save olgeta long nem blong olgeta.

David John Wunderli i bon i kam long wol long Sol Lek Siti long 22 Jun 1961, mo papa mo mama blong hem i Fredric Theodore Wunderli mo Bernardine Lyman Wunderli. Hem i bin mitim Diane Robins taem Diane i muvaot long Kanada, i kam long wod blong David. Tufala i mared long Sol Lek Tempol long 1984, mo tufala i resemap ol fo pikinini blong tufala long Kalifonia, mo afta Alpaen, afta Yuta.

Brata Wunderli i givim seves long wan misin long Brasil Rio de Jeneiro, mo hem i kasem wan bajela digri long Yunivesiti blong Yuta long saed blong akaonting mo wan setifiket long lanwis blong Potugis. Hem i wok olsem wan eksekutiv long Easton Sports mo olsem wan presiden long OGIO International. Hem i givim seves tu long sam kampani mo ol bod blong stap helpem ol pipol.

Long taem we oli singaotem hem, hem i stap givim seves long jeneral kaonsel blong Ol Advaesa blong Ol Yang Man. Sista Wunderli i stap givim seves long jeneral kaonsel advaesa blong Praemeri. Stat long 2020 go kasem 2023, tufala i givim seves olsem ol lida blong Cape Verde Praia Misin. Brata Wunderli i bin givim seves tu olsem wan yang singgel adalt stek presiden mo bisop, misinari trening senta branj presidensi kaonsela, mo wan wod Yang Man presiden.