Elda Edward B. Rowe

Long wok blong hem we hem i stap wok wetem intanasonol loa, samtaem Elda Edward B. Rowe mo famli blong hem oli laef long wan taem long ol eria blong wol we olgeta nomo oli bin ol memba blong Jos. Oli stap gat ol seves blong jos we oli givim raet long olgeta blong mekem olsem wan famli long hom blong olgeta plante yia i pas finis bifo oli introdiusum kurikulom blong Kam Folem Mi. Wosip blong olgeta i bin stap long hom—mo i fulwan taem oli jenis long ol klos blong jos blong olgeta mo mekem ol asaenmen blong toktok.

Elda Rowe i tingbaot taem hem i bin luksave se “ol tijing we bae ol pikinini blong yumi oli kasem abaot gospel blong Jisas Kraes, bae i kam tru long yumi ia nao.”

Ol eksperiens ia oli bin mekem famli blong olgeta i kam wan mo i bin mekem gospel blong Jisas Kraes i simpol nomo taem oli helpem ol pikinini blong olgeta blong gat wan rilesensip wetem Sevya. Hem i talem se, “Hemia i bin ol tabu mo spesel taem,” .

Edward Butler Rowe i bin bon i kam long wol ia long Provo, Yuta, long 23 Epril, 1967. Papa mo mama blong hem i, Fred A. Rowe mo Sherrel Rowe. Hem i maredem Brooke Francis long Sol Lek Tempol long 3 Jenuware, 1989. Tufala i papa mo mama blong faef pikinini mo oli stap laef long Pleasant Grove, Utah, taem hem i bin kasem koling blong hem ia.

Brata Rowe i bin winim wan bajela digri long saed blong stadi blong save we i kam long Brigham Yang Yunivesiti mo wan masta digri long pablik polisi mo wan juris dokta digri long Yunivesiti blong Chicago. Hem i bin stap wok wetem intanasonol loa olsem wan patna long ol defdefren bisnis long Washington, D.C., mo raon long wol. Stat long 2019, hem i bin stap wok olsem CEO blong Stirling Faoundation.

Long taem blong niufala koling blong hem, hem i bin stap olsem wan Eria Seventi. Hem i bin givim seves tu bifo olsem misin presiden blong Adriatic Not Misin (2011–2014), wan bisop, wan presiden long stek blong Ol Yang Man, wan wod misin lida, mo fultaem misinari long Florida Fort Lauderdale Misin.